పుష్ప 2.. అరగుండు విలన్ తో ఓ ట్విస్ట్

ఐకాన్ స్టార్ అల్లు అర్జున్ మోస్ట్ అవైటెడ్జ్ ప్రాజెక్ట్ ‘పుష్ప 2’ ట్రైలర్ తాజాగా ప్రేక్షకుల ముందుకొచ్చింది. ఈ ట్రైలర్ కి అద్భుతమైన రెస్పాన్స్ వస్తోంది. సుకుమార్ ఇందులో చాలా పవర్ ఫుల్ ఎలిమెంట్స్ ని పెట్టినట్లు ట్రైలర్ తోనే అర్ధమవుతోంది. కచ్చితంగా ఎవ్వరు ఎక్స్ పెక్ట్ చేయని ట్విస్ట్ లతో ఈ చిత్రం ఉండబోతోందని అనుకుంటున్నారు. ట్రైలర్ లో ప్రత్యేకంగా ఒక లుక్ అందరిని ఎట్రాక్ట్ చేసింది. కేజీఎఫ్ యాక్టర్ తారక్ పొన్నప్ప అరగుండుతో డిఫరెంట్ గెటప్ లో మెడలో చెప్పులదండతో కనిపించాడు.

ఈ బిట్ సెకండ్స్ మాత్రమే ఉన్న కూడా అందరి దృష్టిని ఆకర్షించింది. ప్రస్తుతం సోషల్ మీడియాలో ఈ అరగుండు లుక్ తెగ వైరల్ అవుతోంది. ఈ పాత్రకి సినిమాలో కచ్చితంగా మంచి ప్రాధాన్యత ఉండొచ్చని అందరూ భావిస్తున్నారు. ఇదిలా ఉంటే కన్నడ యాక్టర్ అయిన తారక్ పొన్నప్ప ‘రజాకార్’ సినిమాతో టాలీవుడ్ లోకి అడుగుపెట్టాడు. సత్యదేవ్ ‘కృష్ణమ్మ’లో కీలక పాత్ర చేశాడు. అయితే ‘దేవర’ సినిమాలో చేసిన నెగిటివ్ రోల్ తో అందరి దృష్టిని ఆకర్షించాడు.

ఆయన కీలక పాత్రలో చేసిన ‘వికటకవి’ అనే మూవీ రిలీజ్ కి రెడీ అవుతోంది. ఈ మూవీ ప్రమోషన్స్ లో తారక్ పొన్నప్ప ‘పుష్ప 2’ సినిమా గురించి కొంత క్లారిటీ ఇచ్చాడు. అందులో ఓ కీలక పాత్ర చేస్తున్నానని తెలిపారు. పుష్పరాజ్ లైఫ్ ని టర్న్ చేసే క్యారెక్టర్ గా తన పాత్ర ఉంటుందని చెప్పాడు. ఆ పాత్రలో పాజిటివ్, నెగిటివ్ రెండు ఉంటాయని అన్నాడు. ‘పుష్ప 2’ ట్రైలర్ రిలీజ్ తర్వాత తారక్ పొన్నప్ప అరగుండు లుక్ తో పాటు ఇంటర్వ్యూలో చెప్పిన ఆయన మాటలు వైరల్ అవుతున్నాయి.

కచ్చితంగా ఈ లుక్ మూవీ చూడాలనే క్యూరియాసిటీ పెంచిందనే మాట సోషల్ మీడియాలో వినిపిస్తోంది. సుకుమార్ ఏదో పెద్ద ప్రయోగమే చేస్తున్నాడని కామెంట్స్ వినిపిస్తున్నాయి. అరగుంటు గెటప్ లో తారక్ పొన్నప్ప పెర్ఫార్మెన్స్ కూడా పవర్ ఫుల్ గా ఉండబోతోందని ఆ ఎక్స్ ప్రెషన్ చూస్తేనే అర్ధమవుతోంది. ‘పుష్ప 2’లో ఆ క్యారెక్టర్ వర్క్ అవుట్ అయితే మాత్రం తారక్ పొన్నప్ప టాలీవుడ్ లో బిజీ యాక్టర్ గా మారిపోయే అవకాశం ఉందని సినీ విశ్లేషకులు అంటున్నారు.

‘పుష్ప 2’ ట్రైలర్ ప్రస్తుతం యుట్యూబ్ లో ట్రెండింగ్ లో దూసుకుపోతోంది. తెలుగు, హిందీ భాషలలో రికార్డ్ వ్యూవ్స్ దిశగా పరుగులు పెడుతోంది. ట్రైలర్ రిలీజ్ తర్వాత అల్లు అర్జున్ ఫ్యాన్స్ కి సినిమాపై నమ్మకం పెరిగిపోయింది. ఫాహద్ ఫాజిల్, జగపతిబాబు, రష్మిక మందన పాత్రలు ఈ చిత్రంలో చాలా పవర్ ఫుల్ గా ఉండబోతున్నాయని అనుకుంటున్నారు.