నందమూరి వారసుడి మాస్ ఎంట్రీ.. ఎన్టీఆర్ ఎమోషనల్ విషెస్

నందమూరి ఫ్యామిలీ నుంచి మరో యువ నటుడు ఎంట్రీ ఇవ్వబోతున్న విషయం తెలిసిందే. సినీ పరిశ్రమలోకి అడుగుపెట్టిన తొలి సందర్భంలోనే జూనియర్ ఎన్టీఆర్ అతనికి అభినందనలు తెలిపారు. దివంగత జానకీరామ్ తనయుడైన తారక రామారావు హీరోగా వైవీఎస్ చౌదరి దర్శకత్వంలో ఎంట్రీ ఇవ్వనున్నాడు. ఈ సందర్భంగా తన సోషల్ మీడియాలో జూనియర్ ఎన్టీఆర్ ఎమోషనల్ ట్వీట్ చేశారు.

జూనియర్ ఎన్టీఆర్ తన ట్వీట్‌లో, “తొలి మెట్టు ఎక్కుతున్నావు రామ్. సినిమా ప్రపంచం నీకు లెక్కలేనన్ని మధుర క్షణాల్ని అందిస్తుంది. విజయం నీతో ఉండాలి. మీ ముత్తాత ఎన్టీఆర్ గారు, మీ తాత హరికృష్ణ గారు, మీ తండ్రి జానకీరామ్ అన్నా ఆశీర్వాదాలు నీకు ఉంటాయి. Shine on My Boy!” అంటూ తారక రామారావుకు ఆశీర్వాదాలను అందించారు. ఎన్టీఆర్ చేసిన ఈ వ్యాఖ్యలు సోషల్ మీడియాలో ఫ్యాన్స్‌ను ఆకట్టుకున్నాయి.

ఇక తారక రామారావు తొలి సినిమా గురించి ఎన్టీఆర్ మాత్రమే కాకుండా, నందమూరి కుటుంబం నుండి మరికొందరు కూడా అభినందనలు తెలిపారు. తన సోదరుడి ఎంట్రీపై నందమూరి కల్యాణ్ రామ్ కూడా ట్వీట్ చేశారు. "నా ప్రియమైన రామ్‌కు నా బెస్ట్ విషెస్. నీ డెబ్యూ సినిమాతో మాకు గర్వకారణం కావాలని, నీ కెరీర్‌లో ఎంతో ముందుకు వెళ్ళాలని ఆశిస్తున్నాను" అని కల్యాణ్ రామ్ ట్వీట్ ద్వారా తెలియజేశారు.

తారక రామారావు యొక్క ఫస్ట్ లుక్ పోస్టర్ ఇటీవల విడుదలైంది. ఇందులో తారక రామారావు లాంగ్ హెయిర్ స్టైల్, మాస్ లుక్‌తో బైక్ మీద రైడ్ చేస్తూ పవర్‌ఫుల్ లుక్‌లో కనిపిస్తున్నారు. ఈ పోస్టర్ సోషల్ మీడియాలో ఫ్యాన్స్‌ను విపరీతంగా ఆకట్టుకుంది. తాత ఎన్టీఆర్ లాంటి గంభీరమైన హావభావాలతో అతను కనిపించడం, ఫ్యాన్స్‌లో మరింత ఆసక్తి కలిగిస్తోంది.

తారక రామారావు సినిమా కోసం వైవీఎస్ చౌదరి ప్రత్యేక శిక్షణ కూడా ఇప్పించినట్లు తెలిసింది. సీనియర్ టెక్నీషియన్స్, ఆస్కార్ విజేత ఎం ఎం కీరవాణి సంగీతాన్ని అందించనున్న ఈ ప్రాజెక్ట్ భారీ అంచనాల నడుమ విడుదల కాబోతోంది. ఇక త్వరలోనే సినిమాకు సంబంధించిన మరిన్ని వివరాలను తెలియజేయనున్నారు. అలాగే రిలీజ్ డేట్ పై కూడా ఒక క్లారిటీ ఇవ్వనున్నట్లు తెలుస్తోంది.