మహేష్ ది తరుణ్ చేశాడు.. ఏంటో తెలుసా?
కథ విన్న వెంటనే మహేష్ బాబు ఆ కథకు న్యాయం చేయగలనా, తనకు ఆ కథ నప్పుతుందా లేదా అనేది ఈజీగా చెప్పేస్తాడు.
By: Tupaki Desk | 2 March 2024 6:26 AM GMT
సూపర్ స్టార్‌ మహేష్ బాబు కెరీర్ లో ఎన్నో సినిమాలను వదిలేసి ఉంటాడు. అందులో కొన్ని సూపర్ హిట్‌ అవ్వగా కొన్ని ఫ్లాప్ అయ్యాయి. కథ విన్న వెంటనే మహేష్ బాబు ఆ కథకు న్యాయం చేయగలనా, తనకు ఆ కథ నప్పుతుందా లేదా అనేది ఈజీగా చెప్పేస్తాడు. అలా చాలా కథలను తన వద్దకు వస్తే వద్దనుకున్నాడు.
మహేష్ బాబు వద్దకు వెళ్లి తిరస్కరణకు గురైన సినిమాల్లో 'నువ్వు లేక నేను లేను' సినిమా ఒకటి. తాజాగా ఈ సినిమా ముచ్చట్లను రచయిత కాశీ విశ్వనాథ్ చర్చిస్తూ ఆసక్తికర విషయాలను వెల్లడించారు. ఈ సినిమా కథ రాసుకున్న సమయంలో మహేష్ బాబుకు అయితే బాగుంటుందని నిర్మాత సురేష్ బాబు అన్నారట.
సురేష్ బాబు సూచనతో మహేష్ బాబు వద్దకు కాశీ విశ్వనాథ్ కథ ను తీసుకు వెళ్లారు. కథ ను మహేష్ బాబు సున్నితంగా తిరష్కరించారట. ప్రస్తుతం ఆయన ఇతర సినిమాలతో చాలా బిజీగా ఉన్నారు. ఆయన డేట్స్ లభించడం సాధ్యం కాదని భావించి తరుణ్ వద్దకు నువ్వు లేక నేను లేను కథను తీసుకు వెళ్లినట్లుగా కాశీ విశ్వనాథ్ పేర్కొన్నాడు.
మహేష్ బాబు నో చెప్పడంతో తరుణ్ అయితే బాగుంటుందని సురేష్ బాబుతో కాశీ విశ్వనాథ్ చెప్పారట. దాంతో ఆయన దర్శకత్వంలోనే తరుణ్ హీరోగా నువ్వు లేక నేను లేను సినిమా రూపొందింది. 2002 సంక్రాంతికి విడుదల అయిన ఆ సినిమా ఏ స్థాయి విజయాన్ని సొంతం చేసుకుందో ప్రత్యేకంగా చెప్పనక్కర్లేదు.
అలాంటి ఒక మంచి ఫ్యామిలీ అండ్‌ లవ్‌ స్టోరీ మూవీ లో మహేష్ బాబు నటించి ఉంటే బాగుండేదని ఇప్పుడు చాలా మంది అభిమానులు అభిప్రాయం వ్యక్తం చేస్తున్నారు. ఆ రోజుల్లో నువ్వు లేక నేను లేను సినిమా సాధించిన వసూళ్లు చూస్తే మహేష్ బాబు చేసి ఉంటే బాగుండేదని కూడా చాలా మంది సినీ ప్రముఖులు మాట్లాడుకున్నారు. ఆ సినిమా వల్ల తరుణ్ కెరీర్ మరింతగా స్పీడ్‌ అందుకుంది. ఆర్తి అగర్వాల్‌ కి కూడా మంచి ఆఫర్లు వచ్చాయి. అయితే దర్శకుడిగా కాశీ విశ్వనాథ్ ఎక్కువ సినిమాలు చేయడంలో విఫలం అయ్యారు.
