ఆ విషయంలో సక్సెస్ అయిన తేజా సజ్జా..!

చైల్డ్ ఆర్టిస్ట్ గా చేసి ఆ తర్వాత హీరోగా మారిన వారిలో సక్సెస్ శాతం చాలా తక్కువగా ఉంటుంది. స్టార్ తనయుడిగా చిన్నప్పుడే కెమెరా ముందుకు వచ్చి సినిమాలు చేయడం వేరు కానీ నటన మీద ఆసక్తితో ఎలాంటి సినీ నేపథ్యం లేకపోయినా చైల్డ్ ఆర్టిస్ట్ గా చేసి ఆ తర్వాత హీరోగా ఎంట్రీ ఇచ్చి సక్సెస్ ఫుల్ కెరీర్ కొనసాగించడం అంటే అది అంత సామాన్యమైన విషయం కాదు. అలాంటి అసాధ్యమైన పనిని సుసాధ్యం చేశాడు యువ హీరో తేజా సజ్జా.

చైల్డ్ ఆర్టిస్ట్ గా ఒకప్పుడు తెలుగు ప్రేక్షకులకు బాగా తెలిసిన తేజా సజ్జా ఓ బేబీ సినిమాలో సమంత తో స్క్రీన్ షేర్ చేసుకున్నాడు. ఆ సినిమాలో సమంత మనవడిగా అఫ్కోర్స్ ఓ బేబీ సినిమా చూసిన వారందరికీ ఆ లాజిక్ తెలిసే ఉంటుంది. ఆ సినిమాలో తన రీ ఎంట్రీ అదుర్స్ అనిపించుకున్న తేజా సజ్జా లీడ్ రోల్ లో జాంబి రెడ్డి సినిమా చేశాడు. టాలెంటెడ్ డైరెక్టర్ ప్రశాంత్ వర్మతో తేజా సజ్జా చేసిన జాంబి రెడ్డి అతని కెరీర్ కు మంచి బూస్టింగ్ ఇచ్చింది.

ఆ సినిమా తర్వాత అద్భుతం, ఇష్క్ సినిమాలు చేశాడు తేజా సజ్జా. ఆ సినిమాలు కమర్షియల్ గా వర్క్ అవుట్ కాకపోయినా నటుడిగా తనని ప్రేక్షకులకు దగ్గరయ్యేలా చేశాయి. ప్రస్తుతం ప్రశాంత్ వర్మ దర్శకత్వంలో హనుమాన్ సినిమా చేస్తున్నాడు తేజా సజ్జా. పాన్ ఇండియా సినిమాగా రాబోతున్న హనుమాన్ సినిమా ఇండియన్ సూపర్ హీరో హనుమాన్ కథతో వస్తుంది. ఈ సినిమా టీజర్ గ్లింప్స్ సినిమాపై అంచనాలు పెంచాయి.

సినిమాలో తేజా సజ్జా పాత్ర ఎలా ఉండబోతుంది. పాన్ ఇండియా లెవెల్ లో తేజా సజ్జా హనుమాన్ ఎలాంటి సంచలనాలు సృష్టించబోతుందో చూడాలి. నటుడిగా ఒక్కో మెట్టు ఎక్కుతూ తన దాకా వచ్చిన ప్రతి సినిమాను చేస్తూ ప్రతి పాత్రకు న్యాయం చేస్తున్న తేజా సజ్జా ఫ్యూచర్ లో మరిన్ని ప్రయోగాలు.. ఎన్నో అద్భుతమైన సినిమాలు చేయాలని ఆశిస్తూ నేడు పుట్టినరోజు జరుపుకుంటున్న తేజా సజ్జాకి ఇలాంటి పుట్టినరోజులు మరెన్నో విజయాలతో జరుపుకోవాలని ఆశిద్దాం. హనుమాన్ తో పాన్ ఇండియా అటెంప్ట్ చేస్తూ కెరీర్ లో నెక్స్ట్ లెవెల్ ఇమేజ్ సొంతం చేసుకోవాలని చూస్తున్న తేజా సజ్జాకి ఆల్ ది బెస్ట్ చెప్పేద్దాం.