డార్క్ షేడ్ అందాలతో తెలుగమ్మాయి

డాన్స్ ట్యూటర్ గా కాలేజ్ డేస్ లోనే డాన్స్ ను తన కెరీర్‌ గా ఎంపిక చేసుకున్న తెలుగు అమ్మాయి తేజస్వి మదివాడ 2013 లో మహేష్ బాబు, వెంకటేష్ కలిసి నటించిన సీతమ్మ వాకిట్లో సిరిమల్లె చెట్టు సినిమా లో సహాయ నటిగా నటించిన విషయం తెల్సిందే. ఆ సినిమాలో సమంత సోదరి పాత్రలో నటించి మంచి గుర్తింపు సొంతం చేసుకుంది. సమంత కజిన్ లు గా ఆ సినిమాలో చాలా మంది కనిపించారు. కానీ తేజస్వి కి వచ్చిన గుర్తింపు మరెవ్వరికీ రాలేదు. ఆ సినిమా ఇచ్చిన గుర్తింపు తో ఇండస్ట్రీలో మంచి ఆఫర్లను తేజస్వి మదివాడ దక్కించుకుంది.

ముఖ్యంగా ఐస్‌ క్రీమ్‌ తో పాటు హార్ట్‌ ఎటాక్‌ ఇంకా కొన్ని సినిమాల్లో నటించడం ద్వారా ఎక్కువ మంది ప్రేక్షకులకు నటిగా చేరువ అయ్యింది. ఐస్‌ క్రీం సినిమాలో ఒక సన్నివేశం కోసం తేజస్వి ఏకంగా పూర్తి నగ్నంగా కనిపించి సంచలనం సృష్టించింది. ఒక తెలుగు అమ్మాయి ఆ స్థాయిలో నటించడం ప్రథమం అంటూ ప్రముఖ మీడియాల్లో కథనాలు వచ్చాయి. ఆ సినిమా తర్వాత తేజస్వి కి చాలా ఆఫర్లు వస్తాయనే ప్రచారం జరిగింది. కానీ ఆమె వర్మ కాంపౌండ్‌ కు చెందిన అమ్మాయి అనే ప్రచారం జరగడంతో చాలా మంది ఆమెకు ఆఫర్లు ఇచ్చేందుకు ఆసక్తి చూపించలేదు అనే అభిప్రాయం ఉంది.

చిన్న చిన్న పాత్రల్లో నటించడంతో పాటు, బుల్లి తెరపై కూడా తనదైన శైలిలో వినోదాన్ని పంచడం ద్వారా రెగ్యులర్‌ గా వార్తల్లో ఉంటుంది. 2018 లో బిగ్‌ బాస్ తెలుగు లో పాల్గొన్న ఈమె కొన్ని వివాదాల కారణంగా చాలా తొందరగా బయటకు వచ్చింది. ఆ షో వల్ల తేజస్వి కి మరింత నెగటివిటీ పెరిగింది అనేది కొందరి అభిప్రాయం. ఆ మధ్య పెళ్లి చేసుకునేందుకు ఆసక్తి చూపించింది. కానీ పెళ్లి చేసుకుంటే తన గుర్తింపు పోతుందనే ఉద్దేశ్యంతో పెళ్లి నిర్ణయాన్ని రద్దు చేసుకున్నాను అంటూ ఆ మధ్య ఒక ఇంటర్వ్యూలో చెప్పుకొచ్చింది. సోషల్‌ మీడియాలో రెగ్యులర్ గా అందాల ఫోటోలను షేర్ చేస్తూ ఉంటుంది.

తాజాగా మరోసారి ఇన్‌స్టాలో అందాల ఫోటోలను తేజస్వి షేర్ చేసింది. ఈసారి డార్క్ షేడ్‌ అందాల ఫోటోలను ఈమె షేర్‌ చేసింది. బ్లాక్ అండ్ వైట్‌ తో పాటు చీకట్లో తేజస్వి ఉన్నట్లుగా ఈ ఫోటోలో చూడవచ్చు. అంత డార్క్ షేడ్‌ లోనూ తేజస్వి అందమైన రూపం చూపరుల దృష్టిని మరల్చనివ్వడం లేదు అనే అభిప్రాయం వ్యక్తం అవుతోంది. సోషల్‌ మీడియాలో పెద్ద ఎత్తున ఈ అమ్మడి అందాల ఫోటోలకు స్పందన లభిస్తోంది. ఆకట్టుకునే అందం ఈ అమ్మడి సొంతం అంటూ మరోసారి నెటిజన్స్ కామెంట్స్ చేస్తున్నారు. అయితే ఆశించిన స్థాయిలో ఆఫర్లు రాకపోవడంకు కారణం తెలుగు అమ్మాయి అవ్వడమే అంటూ కొందరు అభిప్రాయం వ్యక్తం చేస్తున్నారు.