తేజ సజ్జా.. ఆ హీరోలు చేసిన తప్పులు చేయకుండా..

హనుమాన్ సినిమాతో పాన్ ఇండియా యాక్టర్ గా మారిపోయిన యంగ్ హీరో తేజ సజ్జాకి ప్రస్తుతం టాలీవుడ్ లో ఫుల్ డిమాండ్ ఉంది. చాలా మంది నిర్మాతలు తేజా సజ్జాతో మూవీస్ చేయడం కోసం ఎదురుచూస్తున్నారు. అడ్వాన్స్ లు కూడా ఆఫర్ చేస్తున్నారు. ముఖ్యంగా పెద్ద ప్రొడక్షన్ హౌస్ ల నుంచి తేజా సజ్జాకి అడ్వాన్స్ లు వస్తున్నాయంట. అయితే ఆయన మాత్రం అడ్వాన్స్ లు తీసుకోవడం లేదనే టాక్ ఇప్పుడు వినిపిస్తోంది.

నిజానికి ఒక హీరోకి సక్సెస్ వచ్చాక పెద్ద ప్రొడక్షన్ హౌస్ లు అన్ని కూడా అతని చుట్టూ చేరుతాయి. నెక్స్ట్ ప్రాజెక్ట్స్ కోసం అడ్వాన్స్ లు ఇస్తాయి. చాలా మంది యంగ్ హీరోలు అడ్వాన్స్ లు తీసుకొని సదరు నిర్మాణ సంస్థతో మూవీ చేయడానికి అంగీకరిస్తాడు. ప్రాజెక్ట్ లేట్ అయిన కూడా ఏదో ఒక సమయంలో మాత్రం వారితో సినిమా ఉంటుందనే నమ్మకం హీరోకి ఉంటుంది. పెద్ద ప్రొడక్షన్ హౌస్ లతో వర్క్ చేస్తే వేగంగా లైమ్ లైట్ లోకి రావొచ్చని యంగ్ హీరోలు అనుకుంటారు.

అందుకే అడ్వాన్స్ లు తీసుకోవడానికి రెడీ అయిపోతారు. అయితే తేజా సజ్జా మాత్రం ఈ విషయంలో కాస్తా బ్యాక్ స్టెప్స్ వేస్తున్నారనే మాట వినిపిస్తోంది. పాన్ ఇండియా ఇమేజ్ తర్వాత వేరే నిర్మాతల నుంచి పెద్ద మొత్తంలో అడ్వాన్స్ లు తేజా సజ్జాకి వస్తున్నాయంట. అయితే అతను మాత్రం అడ్వాన్స్ ని సున్నితంగా తిరస్కరిస్తున్నారంట. మంచి కథ సెట్ అయితే ఫ్యూచర్ లో కచ్చితంగా ప్రాజెక్ట్ చేస్తానని చెబుతున్నారంట.

ఒకసారి అడ్వాన్స్ తీసుకుంటే నిర్మాతలు సజెస్ట్ చేసిన కథని కొన్నిసార్లు తప్పనిసరి పరిస్థితిలో యాక్సప్ట్ చేయాల్సి రావొచ్చు. అలాంటి ఇబ్బంది ఉండకూడదని ముందుగానే కథ విన్న తర్వాత తన ఆ స్టోరీ సెట్ అవుతుందని అనిపించి నచ్చితేనే తేజా సజ్జా ఒకే చేస్తున్నాడంట. పాన్ ఇండియా ఇమేజ్ ని నిలబెట్టుకోవడానికి ఎక్కువగా యూనివర్సల్ అప్పీల్ ఉన్న కథలనే తేజా సజ్జా ఒప్పుకోవాలని అనుకుంటున్నారంట.

గతంలో అడ్వాన్స్ లు తీసుకొని కొంతమంది హీరోలు కెరీర్ ను డ్యామేజ్ చేసుకున్నారు. నచ్చకపోయినా అడ్వాన్స్ తీసుకున్నామనే కారణంగానే కళ్ళు మూసుకొని కొన్ని సినిమా షూటింగ్స్ లలో పాల్గొన్నారు. ఒకప్పుడు వరుణ్ తేజ్, రాజ్ తరుణ్ లాంటి హీరోలు ఇదే తరహాలో మిస్టేక్స్ చేసి డిజాస్టర్స్ ఎదుర్కొన్నారు. ఇక ఇప్పుడు తేజ మాత్రం అలాంటి పొరపాటు చేయకూడదని ఫిక్స్ అయ్యాడు.

ప్రస్తుతం పీపుల్స్ మీడియా ఫ్యాక్టరీలో తేజా సజ్జా మిరాయ్ అనే మరో సూపర్ హీరో మూవీ చేస్తున్నాడు. కార్తిక్ ఘట్టమనేని దర్శకత్వంలో ఈ సినిమా తెరకెక్కుతోంది. ఈ మూవీ రిలీజ్ తర్వాత నెక్స్ట్ ప్రాజెక్ట్ పై ఎనౌన్స్ మెంట్ ఇవ్వాలని తేజా సజ్జా భావిస్తున్నాడంట. ఆ లోపు కథలు వింటూ అందులో తనకి పెర్ఫెక్ట్ గా సరిపోయే వాటిని లైన్ లో పెట్టుకుంటున్నాడని టాక్ వినిపిస్తోంది.