తలైవర్ 170.. కాస్టింగ్‌తోనే 1000 కోట్లు లోడింగ్!

సూప‌ర్ స్టార్ ర‌జ‌నీకాంత్ న‌టించిన 169వ సినిమా జైల‌ర్ బంప‌ర్ హిట్టు కొట్టింది. ర‌జ‌నీకి ఇది గ్రేట్ కంబ్యాక్. ఈ స‌మ‌యంలో 72 ఏళ్ల‌ వ‌య‌సు ర‌జ‌నీ రెట్టించిన ఉత్సాహంతో వ‌రుస ప్రాజెక్టుల‌కు క‌మిట‌వుతున్నారు. ర‌జ‌నీ కెరీర్ 170వ సినిమా త్వ‌ర‌లో సెట్స్ పైకి వెళ్ల‌నుంది. తలైవర్ 170 గా పిలుచుకుంటున్న ఈ సినిమా కాన్వాస్ అనుకున్న‌దానికంటే పెద్దదవుతోంది. ఈ యాక్షన్ డ్రామాలో బాలీవుడ్ సూపర్ స్టార్ అమితాబ్ బచ్చన్ న‌టిస్తున్నారు.

దాదాపు 32 ఏళ్ల తర్వాత రజనీకాంత్‌తో అమితాబ్ క‌ల‌యిక ఆస‌క్తిని క‌లిగిస్తోంది. వీరు చివరగా ముకుల్ ఎస్.ఆనంద్ తెర‌కెక్కించిన 'హమ్' చిత్రంలో కలిసి నటించారు. ఆసక్తికరంగా ప్రభాస్ 'కల్కి 2898 AD'లో కమల్ హాసన్‌తో కూడా కలిసి పనిచేస్తున్నందున బిగ్‌బి ఇప్పుడు తన పాత స్నేహితులందరితో కనెక్ట్ అవుతున్నార‌ని అర్థ‌మ‌వుతోంది.

తలైవర్ 170 ఒక కాప్ డ్రామా అని పుకార్లు ఉన్నాయి. ఇందులో రజనీ మరోసారి ఖాకీ అవతార్ లో క‌నిపిస్తారు. బూటకపు ఎన్‌కౌంటర్‌పై దర్యాప్తు ప్రారంభించే ముస్లిం పోలీసుగా కనిపిస్తాడని స‌మాచారం. నిజ జీవితంలో జరిగిన సంఘటనల నుండి ప్రేరణ పొంది రూపొందిస్తున్న చిత్ర‌మిది.

ఈ చిత్రంలో అమితాబ్ బచ్చన్ కీల‌క పాత్ర‌లో న‌టిస్తుండ‌గా, ఫహద్ ఫాసిల్ ప్రతినాయకుడిగా నటించనున్నారు. భ‌ళ్లాల దేవ‌ రానా దగ్గుబాటి ఇందులో ఒక కీల‌క పాత్ర‌లో న‌టించ‌నుండగా, మంజు వారియర్ పాత్ర ఆస‌క్తిని క‌లిగిస్తుంద‌ని తెలుస్తోంది. లైకా ప్రొడ‌క్ష‌న్స్ ఈ చిత్రాన్ని నిర్మించ‌నుంది. జై భీమ్ చిత్రానికి చివరిగా సూర్య దర్శకత్వం వహించిన TJ జ్ఞానవేల్ ద‌ర్శ‌క‌త్వం వ‌హిస్తారు. అనిరుధ్ సంగీతం సమకూర్చనున్నారు. ఈ చిత్రం త్వరలో సెట్స్‌పైకి వెళ్లే అవకాశం ఉంది. 2024 లో విడుదల చేయాలనేది ప్లాన్.

జైలర్ సక్సెస్‌తో సూపర్ స్టార్ రజనీకాంత్ మాంచి జోష్ తో ఉన్నారు. నెల్సన్ దర్శకత్వం వహించిన ఈ చిత్రం తొలిరోజు ప్రపంచవ్యాప్తంగా రూ.72 కోట్లు వసూలు చేసింది. అందులో దేశీ బాక్సాఫీస్ నుంచి రూ.52 కోట్లు వచ్చాయి. ఈ చిత్రం 2023లో తమిళనాడులో 23 కోట్ల రూపాయలను వసూలు చేసి అతిపెద్ద ఓపెనింగ్‌ను నమోదు చేసింది. ట్రేడ్ పండితుల లెక్కల ప్రకారం జైలర్ ప్రపంచవ్యాప్తంగా రూ.600 కోట్లు వసూలు చేసింది.

ఈ విజయం తర్వాత నెల్సన్ జైల‌ర్ సీక్వెల్ చేయడానికి ప్లాన్ చేస్తున్నాడని వార్తలు వచ్చాయి. అలాగే ద‌ళ‌పతి విజయ్‌, రజనీకాంత్‌లను ఒకే ఫ్రేమ్‌లో డైరెక్ట్ చేయడం తన కల అని కూడా చెప్పాడు. జైలర్ 2 తమిళ సినీరంగంలోని ఇద్దరు పెద్ద స్టార్స్- రజనీకాంత్ - విజయ్ ప్రధాన పాత్రలలో న‌టించే అవకాశం ఉందని క‌థ‌నాలొస్తున్నాయి.

32 ఏళ్ల త‌ర్వాత అరుదైన క‌ల‌యిక‌: 32 ఏళ్ల తర్వాత రజనీకాంత్‌, అమితాబ్‌ బచ్చన్‌ మళ్లీ కలుస్తున్నారనేది అధికారికం. తలైవర్ 170లో నటీనటులు కనిపిస్తారు. ఈ వార్తలను లైకా పిక్చర్స్ మంగళవారం సాయంత్రం ఎక్స్‌లో ధృవీకరించింది, భారత సినిమా షాహెన్‌షాకు స్వాగతం ✨ #Thalaivar170#Thalaivar170Team కోసం టీమ్ లో చేరుతున్న‌ మిస్టర్ అమితాబ్ బచ్చన్ అత్యున్నత ప్రతిభతో కొత్త శిఖరాలకు చేరుకుంది ..అని ప్రొడక్షన్ హౌస్ రాసింది. ఈ చిత్రం అమితాబ్‌కి తొలి తమిళ చిత్రం కానుంది.

ఈ వార్త విని అభిమానులు థ్రిల్ అయ్యారు. బిగ్‌బికి ముక్తకంఠంతో స్వాగతం పలికారు. చాలా మంది అభిమానులు కూడా సినిమా ఫస్ట్ డే ఫస్ట్ షో చూసేందుకు సిద్ధమని సోష‌ల్ మీడియాల్లో వ్యాఖ్యానించారు.

ఈ సినిమా 1000 కోట్లకు పైగా వసూళ్లు సాధిస్తుందని అంచనా వేస్తున్నారు. #తలైవర్170 – లెజెండ్ అమితాబ్ బచ్చన్ ఆన్ బోర్డ్ #రజనీకాంత్ 1000 కోట్లకు ప్లాన్ చేస్తున్నారు! అని ఒక అభిమాని రాశాడు. #Thalaivar170 కోసం బోర్డ్‌లో ఉన్న భారతీయ సినిమా షాహెన్‌షాకు స్వాగతం అని వ్యాఖ్యానించాడు.