పుష్ప 2: కరెక్ట్ కాదని తెలుసు.. అందుకే ఒప్పుకున్నా - థమన్

ఐకాన్ స్టార్ అల్లు అర్జున్ నుంచి రాబోయే మోస్ట్ అవైటెడ్ మూవీ ‘పుష్ప 2’. డిసెంబర్ 5న ఈ చిత్రం వరల్డ్ వైడ్ గా రిలీజ్ కాబోతోంది. భారీ బడ్జెట్ తో మైత్రీ మూవీ మేకర్స్ నిర్మించిన ఈ మూవీ ప్రీరిలీజ్ బిజినెస్ కంప్లీట్ అయిపొయింది. 1000 కోట్లకి పైగా వ్యాపారం ‘పుష్ప 2’ పైన జరిగిందని సినీ వర్గాలలో టాక్ వినిపిస్తోంది. ఈ సినిమాకు దేవిశ్రీప్రసాద్ మ్యూజిక్ డైరెక్టర్ గా వర్క్ చేస్తున్న సంగతి తెలిసిందే. అయితే ఇటీవల బ్యాగౌండ్ స్కోర్ కోసం సుకుమార్ థమన్ ని తీసుకున్నాడని టాక్ తెరపైకి వచ్చింది

ఓ ఈవెంట్ థమన్ సుకుమార్ కి థాంక్స్ చెప్పారు. ‘పుష్ప 2’కి వర్క్ చేసే ఛాన్స్ ఇచ్చినందుకు హ్యాపీగా ఉందని అన్నారు. ఈ నేపథ్యంలోనే థమన్ ఈ మూవీ బ్యాగ్రౌండ్ ఇచ్చారని అందరికి ఒక క్లారిటీ వచ్చేసింది. ఇదిలా ఉంటే తాజాగా మ్యూజిక్ డైరెక్టర్ థమన్ ఓ ఇంటర్వ్యూలో ‘పుష్ప 2’ వర్క్ గురించి క్లారిటీ ఇచ్చారు. ఈ మూవీ పైన ఎవ్వరు ఎన్ని అంచనాలు పెట్టుకున్న వాటిని దాటే ఉంటుందని చెప్పారు.

సినిమా ఆరంభంలో వచ్చే మూడు రీల్స్ కి మాత్రమే నేను మ్యూజిక్ కంపోజ్ చేశాను. నవంబర్ 5న దీని కోసం మ్యూజిక్ వర్క్ స్టార్ట్ చేశాను. నవంబర్ 20తో ఫినిష్ అయిపోతుంది. నేను అంత వరకు మాత్రమే ఈ చిత్రానికి వర్క్ చేస్తున్నాను. ఇది హీల్తీ వర్క్ స్టైల్ కాదనే విషయం నాకు తెలుసు. గతంలో ఈ విషయంపై నేనే మాట్లాడాను. ఒక సినిమా కోసం ఎక్కువ మంది మ్యూజిక్ డైరెక్టర్స్ పని చేయడం కరెక్ట్ కాదని అన్నాను.

అయితే కేవలం అల్లు అర్జున్ చెప్పడంతోనే ఈ సినిమా కోసం పని చేసాను. బన్నీతో సరైనోడు, రేసుగుర్రం, అల వైకుంఠపురంలో సినిమాలకి నేను మ్యూజిక్ అందించాను. ఆ మూడు చిత్రాలు మ్యూజికల్ గా పెద్ద హిట్ అయ్యాయి. మా ఇద్దరి మధ్య ఒక బంధం ఉంది. ఆ ఉద్దేశ్యంతోనే ‘పుష్ప 2’ కోసం బన్నీ పిలిచి ఉంటారు. నేను రిజక్ట్ చేయలేను. కాకపోతే ఈ సినిమా కోసం వర్క్ చేసిన మ్యూజిక్ డైరెక్టర్స్ అందరూ వాట్సాప్ గ్రూప్ లో కోఆర్డినేట్ అవుతూ పని చేసాం.

ఫైనల్ గా చెప్పేది ఒకటే మేమంతా సినిమా బిడ్డలమే. నిర్మాతలకి మంచి అవుట్ ఫుట్ అందించడం లక్ష్యంగా పని చేస్తాము అంటూ థమన్ తన ఇంటర్వ్యూలో ‘పుష్ప 2’ మూవీకి వర్క్ చేయడంపై క్లారిటీ ఇచ్చాడు. దీనిని దేవిశ్రీ ప్రసాద్ తో కలిసి థమన్ ఈ సినిమా బ్యాగ్రౌండ్ స్కోర్ పైన వర్క్ చేసినట్లు అర్ధమవుతోంది. ఇక దేవితో కూడా థమన్ కు మంచి బాండింగ్ ఉంది. మణిశర్మ దగ్గరే ఈ ఇద్దరు శిష్యరికం చేశారు. ఇక ఇప్పుడు పుష్ప 2 కోసం ఇద్దరు వర్క్ చేసిన విధానం ఫ్రెండ్లీగానే కోనసాగినట్లు తెలుస్తోంది.