తెర మీదకు థమన్.. కొత్త సంచలనం..!

ప్రస్తుతం తన మ్యూజిక్ తో అదరగొడుతూ వరుస సినిమాలతో మెప్పిస్తున్నాడు థమన్. దేవి కాస్త వెనుక పడినట్టు అనిపించగా ఆ గ్యాప్ ని పూర్తిగా ఆక్యుపై చేసి సత్తా చాటుతున్నాడు థమన్. ఐతే ఆఫ్టర్ లాంగ్ టైం మళ్లీ థమన్ ముఖానికి మేకప్ వేసుకుంటున్నాడని తెలుస్తుంది. థమన్ ఏంటి మేకప్ ఏంటి అనుకోవచ్చు. శంకర్ డైరెక్షన్లో సిద్ధార్థ్, జెనిలియా నటించిన బాయ్స్ సినిమాలో థమన్ నటించిన విషయం తెలిసిందే. ఆ సినిమాలో బొద్దుగా ముద్దుగా కనిపించిన థమన్ ఆ తర్వాత పూర్తిగా మ్యూజిక్ కి అంకితమయ్యాడు.

ఇక మ్యూజిక్ డైరెక్టర్ గా మారిన తర్వాత థమన్ వరుస క్రేజీ ప్రాజెక్ట్ లు చేస్తూ సినిమా సక్సెస్ కు భాగం అవుతూ వచ్చాడు. ఐతే ఇన్నాళ్లకు మళ్లీ థమన్ తెర మీద కనిపించబోతున్నాడని తెలుస్తుంది. బాయ్స్ సినిమా వచ్చి దాదాపు 23 ఏళ్లు అవుతుంది. మళ్లీ ఇన్నేళ్ల తర్వాత థమన్ ఒక సినిమాలో నటిస్తున్నాడట. అది కూడా ఒక తమిళ్ సినిమా అని తెలుస్తుంది. ఆ సినిమాకు సంబందించిన షూటింగ్ అంతా సైలెంట్ గా చేస్తున్నారని చెబుతున్నారు.

అధర్వ మురళి లీడ్ రోల్ లో వస్తున్న ఒక తమిళ సినిమాలో థమన్ కూడా ఇంపార్టెంట్ రోల్ చేస్తున్నాడని టాక్. ఈ సినిమాను ఆకాష్ భాస్కరన్ డైరెక్ట్ చేస్తున్నారు. ఈ సినిమా థమన్ ఎందుకు ఒప్పుకున్నాడు అన్నది సినిమా చూస్తే తెలుస్తుందని అంటున్నారు. థమనే ఈ సినిమాకు మ్యూజిక్ అందిస్తున్నాడు. ఓ పక్క ఆకాష్ భాస్కరన్ నిర్మాతగా శివ కార్తికేయన్ తో పరాశక్తి సినిమా చేస్తున్నారు.

డైరెక్టర్ గా అధర్వ మురళి, థమన్ తో సినిమా చేస్తున్నారు. ఈ సినిమాలో ప్రేమలు బ్యూటీ మమితా బైజు హీరోయిన్ గా నటిస్తుందని తెలుస్తుంది. థమన్ నటిస్తున్నాడు అనగానే సినిమాపై స్పెషల్ క్రేజ్ ఏర్పడింది. కోలీవుడ్ లోనే చేస్తాడా తెలుగు సినిమాల్లో థమన్ కనిపించడా అని పట్టుబట్టి థమన్ తో మన దగ్గర కూడా సినిమాలు చేయిస్తే మాత్రం ఆ హంగామా ఒక రేంజ్ లో ఉంటుంది. మరి థమన్ ఆఫ్టర్ లాంగ్ గ్యాప్ చేస్తున్న ఈ సినిమా ఎలా ఉంటుందో చూడాలి. థమన్ మాత్రం ఈ సినిమా గురించి ఎక్కడ చిన్న హింట్ కూడా ఇవ్వలేదు. ఐతే తాజాగా కోలీవుడ్ మీడియా అనౌన్స్ మెంట్ తో థమన్ గురించే అందరు మాట్లాడుకుంటున్నారు.