ఫస్ట్ సింగిల్ అప్డేట్.. 'బుజ్జి తల్లి' ప్రేమ కౌగిలిలో 'తండేల్' రాజు!

యువ సామ్రాట్ అక్కినేని నాగ చైతన్య హీరోగా నటిస్తున్న లేటెస్ట్ మూవీ ''తండేల్''. చందూ మొండేటి దర్శకత్వంలో తెరకెక్కుతున్న ఈ లవ్ అండ్ యాక్షన్ డ్రామాలో నేచురల్ బ్యూటీ సాయి పల్లవి హీరోయిన్ గా నటించింది. ఇప్పటికే విడుదలైన ఫస్ట్ లుక్, టైటిల్ గ్లింప్స్, టీజర్ లకు ఆడియన్స్ నుంచి అద్భుతమైన స్పందన లభించింది. ఇటీవలే రిలీజ్ డేట్ ను అనౌన్స్ చేసిన మేకర్స్.. మ్యూజికల్ ప్రమోషన్స్ ప్రారంభించడానికి రెడీ అయ్యారు. తాజాగా ఫస్ట్ ఫస్ట్ సింగిల్ అప్డేట్ అందించారు.

'తండేల్' సినిమాలోని 'బుజ్జి తల్లి' అనే పాటను ఈ నెల నవంబర్‌లో విడుదల చేయనున్నట్లు చిత్ర బృందం ప్రకటించారు. ఈ సందర్భంగా 'ఇది మీ హృదయాలను తాకే ప్రేమ కెరటంలా ఉంటుంది' అంటూ ఓ బ్యూటిఫుల్ సాంగ్ పోస్టర్ ను పంచుకున్నారు. ఇందులో సాయి పల్లవి నాగ చైతన్యను ఆప్యాయంగా కౌగిలించుకుని కనిపిస్తోంది. చైతూ పేస్ కనిపించనప్పటికీ, ఈ ఫొటో ఇద్దరి మధ్య గాఢమైన ప్రేమ బంధాన్ని తెలియజేస్తోంది. ఇది హీరో హీరోయిన్ల మధ్య డీప్ ఎమోషనల్ కనెక్షన్ ను సూచిస్తోంది.

'తండేల్' మూవీకి నేషనల్ అవార్డ్ విన్నింగ్ మ్యూజిక్ కంపోజర్ రాక్ స్టార్ దేవిశ్రీ ప్రసాద్ సంగీతం సమకూరుస్తున్నారు. 'బుజ్జి తల్లి' సాంగ్ కోసం ఒక బ్యూటిఫుల్ రొమాంటిక్ మెలోడీ ట్యూన్ ని కంపోజ్ చేసినట్లు తెలుస్తోంది. నవంబర్ 23న నాగచైతన్య బర్త్ డే స్పెషల్ గా ఫస్ట్ సింగిల్ ను రిలీజ్ చేసే అవకాశం ఉంది. ఆల్రెడీ బయటకు వచ్చిన ప్రమోషనల్ కంటెంట్ ఈ సినిమాకి మంచి బజ్ తెచ్చిపెట్టింది. డీఎస్పీ ఈ చిత్రానికి చార్ట్ బస్టర్ ఆల్బమ్ ఇచ్చారని, కచ్చితంగా సినిమా మ్యూజికల్ హిట్ అవుతుందని ఇన్సైడ్ టాక్ వినిపిస్తోంది.

ఆంధ్రప్రదేశ్‌లోని శ్రీకాకుళం జిల్లాలోని డి. మచ్చిలేశం గ్రామంలో జరిగిన వాస్తవ సంఘటనల ఆధారంగా 'తండేల్' సినిమా రూపొందుతోంది. ఇది లవ్, యాక్షన్, డ్రామా, అడ్రినలిన్ మూమెంట్స్ యొక్క అద్భుతమైన సమ్మేళనంగా ఉంటుందని మేకర్స్ చెబుతున్నారు. 'లవ్ స్టోరీ' వంటి బ్లాక్ బస్టర్ తర్వాత నాగచైతన్య - సాయి పల్లవి కాంబినేషన్ లో రాబోతున్న ఈ సినిమాపై భారీ అంచనాలు నెలకొన్నాయి.

'తండేల్' చిత్రాన్ని అల్లు అరవింద్ సమర్పణలో గీతా ఆర్ట్స్ బ్యానర్ పై బన్నీ వాస్ భారీ బడ్జెట్ తో ప్రతిష్టాత్మకంగా నిర్మిస్తున్నారు. శ్యామ్‌దత్ సినిమాటోగ్రఫీ నిర్వహిస్తున్నారు. నేషనల్ అవార్డ్ విన్నర్ నవీన్ నూలి ఎడిటర్ గా వ్యవహరిస్తుండగా.. శ్రీనాగేంద్ర తంగాల ఆర్ట్ డైరెక్టర్ గా వర్క్ చేస్తున్నారు. ఈ పాన్ ఇండియా చిత్రాన్ని 2025 ఫిబ్రవరి 7వ తేదీన వరల్డ్ వైడ్ గా గ్రాండ్ గా థియేటర్లలో విడుదల చేయనున్నారు.