తండేల్ ట్రైలర్ టాక్: ఏమోషన్ కథలో హై వోల్టేజ్ యాక్షన్

తండేల్ సినిమాపై అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేసు. నాగచైతన్య సాయి పల్లవి జంటగా నటించిన ఈ సినిమాను దర్శకుడు చందూ మొండేటి సరికొత్త తరహాలో ప్రజెంట్ చేయనున్నట్లు పోస్టర్స్ తోనే క్లారిటీ ఇచ్చారు. శ్రీకాకుళం బ్యాక్ డ్రాప్ లో నిజజీవితంలోని సంఘటనల ఆధారంగా ఈ సినిమా రూపొందుతోంది. సముద్రతీరంలో పాకిస్తాన్ చేతికి చిక్కిన తండేల్ రాజు అలాగే అతని స్నేహితులు ఎలాంటి అనుభవాలు ఎదుర్కొన్నారు అనే అంశాన్ని సినిమాలో హైలెట్ చేయబోతున్నట్లు తెలుస్తోంది. ఇక సాయి పల్లవితో ఎమోషనల్ లవ్ స్టొరీ కూడా ఇందులో ప్రధానంగా హైలెట్ కానుంది.

ఇక ఎప్పుడెప్పుడా అని ఎదురుచూస్తున్న అసలు ట్రైలర్ రానేవచ్చింది. ట్రైలర్ రీలీజ్ అయి, అక్కినేని అభిమానుల్లో మంచి జోష్ నింపింది. చందూ మొండేటి దర్శకత్వంలో రూపొందుతున్న ఈ భారీ యాక్షన్, ఎమోషనల్ డ్రామా ట్రైలర్ సినిమాపై ఉన్న అంచనాలను మరింత పెంచేసింది. ట్రైలర్ ప్రారంభం నుంచే ఆసక్తికరమైన విజువల్స్‌తో ఆకట్టుకుంటూ, నాగచైతన్య కెరీర్‌లో మరో సూపర్ హిట్ అందజేయనున్నట్టు హింట్ ఇస్తోంది.

ట్రైలర్‌లో నాగచైతన్య మాస్ లుక్, యాక్షన్ సన్నివేశాలు అద్భుతంగా చూపించారు. "పండగ నుండి రాజుగాడే మన తండేల్" అనే డైలాగ్ ప్రేక్షకుల్లో ఆసక్తిని రేపుతోంది. సముద్రంలో సాహసాలు, మోసగాళ్లతో యుద్ధాలు, బుజ్జితల్లితో కూడిన భావోద్వేగ సన్నివేశాలు ట్రైలర్‌లో హైలైట్ అయ్యాయి. ముఖ్యంగా దేవి శ్రీ ప్రసాద్ సంగీతం మరోసారి మ్యూజికల్ ట్రీట్ ఇస్తుందనే భావన కలిగిస్తోంది.

సాయి పల్లవి ట్రైలర్‌లో కనిపించిన ప్రతి ఫ్రేమ్ లోనూ తన నటనతో మెప్పించింది. మన గురించి మాట్లాడుకుంటున్నారంటే

మనం ఫేమస్ అయిపోయినట్లే.. అంటూ ఇద్దరి మధ్య వచ్చే సంభాషణ మరింత హైలెట్ అయ్యింది. బుజ్జితల్లి క్యారెక్టర్ కూడా కథనానికి భావోద్వేగం అందించడానికి ప్రధానంగా నిలుస్తుందని తెలుస్తోంది. చైతన్య, సాయి పల్లవి మధ్య కెమిస్ట్రీ ట్రైలర్‌లోనే అందరినీ ఆకట్టుకుంది. ఇక వెండితెరపై ఏ రేంజ్ లో ఉంటుందో అనే భావనను కలిగిస్తోంది.

ఇక వేటకు వెళ్లిన రాజు పాకిస్తాన్ కు చిక్కడంతో అక్కడ ఎదుర్కోన్న అనుభవాలు ఆడియెన్స్ ను ఆలోచింపజేసేలా ఉన్నాయి. "మా దేశంలో ఉన్న ఊరకుక్కలన్ని ఉత్తరం వైపు తిరిగి పోస్తే... ప్రపంచ పటంలో పాకిస్తాన్ లేకుండా పోయిద్ది." తన వారి కోసం పోరాడేవాడే “తండేల్” అనే లైన్ కూడా ఆకట్టుకుంటోంది. ట్రైలర్‌లో యాక్షన్ సన్నివేశాలు, గ్రాండియర్ విజువల్స్, భావోద్వేగ దృశ్యాలు, సునిశితమైన కథాంశం అన్ని కలగలిసినట్లుగా అనిపిస్తోంది.

సముద్రంలో జరుగుతున్న యాక్షన్ సీన్స్‌ను భారీ స్థాయిలో తెరకెక్కించినట్లు ట్రైలర్ చూపిస్తోంది. ముఖ్యంగా రియలిస్టిక్ విజువల్స్ అందించిన కెమెరా వర్క్ ట్రైలర్‌కు ప్రత్యేక ఆకర్షణగా నిలిచింది. చందూ మొండేటి దర్శకత్వంలో రూపొందిన ఈ సినిమా, గీతా ఆర్ట్స్ సమర్పణలో బన్నీ వాసు నిర్మించారు. భారీ బడ్జెట్‌తో రూపొందిన ఈ చిత్రంలో ప్రతి ఫ్రేమ్‌లోనూ అదే గ్రాండియర్ కనిపిస్తోంది. ట్రైలర్ చివర్లో చూపించిన క్లైమాక్స్ షాట్స్ ప్రేక్షకులను థ్రిల్‌కు గురి చేస్తాయి. ఈ సినిమా కచ్చితంగా బాక్సాఫీస్ వద్ద బిగ్ హిట్ అయ్యే ఛాన్స్ ఉన్నట్లు అనిపిస్తోంది. ఇక ఫిబ్రవరి 7న సినిమా విడుదలతో తండేల్ ఎలాంటి హైప్ క్రియేట్ చేస్తుందో చూడాలి.