తండేల్@U/A.. రన్ టైమ్ ఫిక్స్.. బ్లాక్ బస్టర్ హిట్ పక్కా!

టాలీవుడ్ యువ సామ్రాట్ నాగ చైతన్య, నేచురల్ బ్యూటీ సాయి పల్లవి జంటగా తండేల్ మూవీ చేస్తున్న విషయం తెలిసిందే. శ్రీకాకుళం జిల్లాలోని ఓ గ్రామంలో జరిగిన నిజ జీవిత ఘటన ఆధారంగా చందూ మొండేటి తెరకెక్కిస్తున్నారు. జీఏ 2 ఆర్ట్స్ బ్యానర్ పై అల్లు అరవింద్ సమర్పిస్తుండగా.. బన్నీ వాసు గ్రాండ్ గా నిర్మిస్తున్నారు.

పీరియాడిక్ లవ్ స్టోరీగా ప్రేక్షకుల ముందుకు రానున్న తండేల్ నుంచి ఇప్పటికే రిలీజ్ అయిన పోస్టర్స్, సాంగ్స్, టీజర్, ట్రైలర్ అన్నీ మంచి రెస్పాన్స్ అందుకున్నాయి. ప్రత్యేకంగా సాంగ్స్ గురించి చెప్పనక్కర్లేదు. రిలీజ్ అయిన మూడు పాటలు కూడా చార్ట్ బస్టర్స్ గా నిలిచాయి. మ్యూజిక్ లవర్స్ ను విపరీతంగా ఆకట్టుకున్నాయనే చెప్పాలి.

ట్రైలర్ విషయానికొస్తే.. ఒక్కసారిగా సినిమాపై అంచనాలు పెంచేసింది. కచ్చితంగా మూవీ చూడాలనేంతగా వేరే లెవెల్ బజ్ క్రియేట్ చేసింది. దీంతో అంతా మూవీ కోసం వెయిట్ చేస్తున్నారు. ఫిబ్రవరి 7వ తేదీన తండేల్.. తెలుగు, తమిళ, హిందీ భాషల్లో గ్రాండ్ గా రిలీజ్ అవ్వనుండగా.. మేకర్స్ ఇప్పుడు ప్రమోషన్స్ లో ఫుల్ స్పీడ్ పెంచేశారు.

నేడు చెన్నైలో, రేపు ముంబయిలో ట్రైలర్ రిలీజ్ ఈవెంట్స్ ను గ్రాండ్ గా నిర్వహించనున్నారు. ఆ తర్వాత తెలుగు ఈవెంట్ కు రంగం సిద్ధం చేస్తున్నారు. అందుకు సంబంధించిన అఫీషియల్ అనౌన్స్మెంట్ ను త్వరలో ఇవ్వనున్నారు. అదే సమయంలో ఇప్పుడు తండేల్ సెన్సార్ ఫార్మాలిటీస్ ను పూర్తి చేసుకున్నట్లు ఇండస్ట్రీలో టాక్ వినిపిస్తోంది.

సెన్సార్ బోర్డు అధికారులు.. తండేల్ కు U/A సర్టిఫికెట్ అందించినట్లు తెలుస్తోంది.

రన్ టైమ్.. యాడ్స్ తో కలిపి 2 గంటల 32 నిమిషాలుగా ఫిక్స్ అయినట్లు సమాచారం. అయితే ఇటీవల తండేల్ ఫైనల్ రన్ టైమ్‌ను 2 గంటల 25 నిమిషాలుగా ఫిక్స్ అయిందని చందూ మొండేటి తెలిపారు. తొలుత 2 గంటల 45 నిమిషాలు గా నిడివి వచ్చిందని అన్నారు.

ఆ తర్వాత ఎడిటర్ నవీన్ నూలి సినిమాలోని కొన్ని సీన్స్‌ ను ట్రిమ్ చేయడంతో రన్‌ టైమ్ లాక్ చేసినట్లు చెప్పారు చందూ మొండేటి. ఇప్పుడు రన్ టైమ్ విషయంలో క్లారిటీ వచ్చేయడంతో సినిమాపై అంచనాలు మరిన్ని పెరిగాయి. అయితే మూవీ మాత్రం బ్లాక్ బస్టర్ అని సెన్సార్ టాక్ ఇన్సైడ్ రిపోర్ట్ గా తెలుస్తుంది. ల‌వ్‌ స్టోరీ మూవీ త‌ర్వాత మళ్లీ జోడీగా వస్తున్న నాగ‌చైతన్య‌, సాయిప‌ల్ల‌వి ఎలా ఆకట్టుకుంటారో వేచి చూడాలి.