పుష్ప 2… ముందురోజే అసలు మజా

ఐకాన్ స్టార్ అల్లు అర్జున్ మోస్ట్ అవైటెడ్ మూవీ 'పుష్ప 2' కోసం దేశ వ్యాప్తంగా అతని ఫ్యాన్స్ వెయిట్ చేస్తున్నారు. కచ్చితంగా ఈ సినిమా వరల్డ్ వైడ్ గా అద్భుతాలు క్రియేట్ చేస్తుందని బలంగా నమ్ముతున్నారు 1000 కోట్ల కలెక్షన్స్ టార్గెట్ తో మేకర్స్ ఈ సినిమాని ప్రేక్షకుల ముందుకి తీసుకొని వస్తున్నారు. ఇదిలా ఉంటే ప్రస్తుతం ఈ మూవీ ప్రమోషన్స్ జోరుగా సాగుతున్నాయి. ఇప్పటికే ప్రేక్షకుల ముందుకొచ్చిన ట్రైలర్ అద్భుతమైన స్పందన వచ్చింది.

ఇప్పుడు ఐటెం సాంగ్ రిలీజ్ కి రంగం సిద్ధం చేశారు. చెన్నైలో ఈ ఐటెం సాంగ్ ని గ్రాండ్ గా రిలీజ్ చేయబోతున్నారు. మెగా ఈవెంట్ వెన్యూ ఇప్పటికే ఖరారు అయిపొయింది. ఐకాన్ స్టార్ అల్లు అర్జున్ ఈ సినిమా ప్రమోషన్స్ అన్ని కూడా తన భుజాలపై వేసుకున్నారు. వీలైనంత బలంగా కంటెంట్ ని జనాల్లోకి తీసుకొని వెళ్లాలని అనుకుంటున్నారు. ఇక మేకర్స్ కూడా ఈ మూవీ ప్రమోషన్స్ డిఫరెంట్ స్ట్రాటజీలలో చేస్తున్నారు.

ఇదిలా ఉంటే డిసెంబర్ 5న ఈ సినిమా వరల్డ్ వైడ్ గా రిలీజ్ కాబోతూ ఉండగా ఒక్క రోజు ముందుగానే యూఎస్ లో 'పుష్ప 2' స్పెషల్ ప్రీమియర్స్ పడబోతున్నాయి. ఈ ప్రీమియర్స్ కోసం ఇప్పటికే భారీ స్థాయిలో అడ్వాన్స్ బుకింగ్స్ జరుగుతున్నాయి. మరో వైపు తెలుగు రాష్ట్రాలలో కూడా డిసెంబర్ 4న ప్రత్యేక ప్రీమియర్ షోలు చేయాలని మేకర్స్ అనుకుంటున్నారంట. మొదటి షో విమల్ థియేటర్ లో ముందు రోజే రాత్రి 9 గంటలకు అలా ప్రదర్శించనున్నట్లు తెలుస్తోంది.

టికెట్ ధరలు పెంచుకోవడానికి రెండు రాష్ట్రాల ప్రభుత్వాలు పర్మిషన్ ఇచ్చే అవకాశం ఉంది. అయితే ఎంత మొత్తంలో టికెట్ ధరలు పెంచుతారనేది చూడాలి. మరో వైపు బెన్ ఫిట్ షోలతో పాటు ప్రీమియర్ షోలు మెజారిటీ థియేటర్స్ లో వేయాలని మేకర్స్ ప్లాన్ చేస్తున్నారంట. వీటి ద్వారా ఫస్ట్ డే కలెక్షన్స్ రికార్డ్ ని బ్రేక్ చేసే అవకాశం ఉందని భావిస్తున్నారు. మొదటి రోజు 200 కోట్లకి పైగా గ్రాస్ కలెక్షన్స్ ని అందుకోవాలని మేకర్స్ టార్గెట్ గా పెట్టుకున్నారు.

‘పుష్ప 2’ ఇప్పటికే యూఎస్ లో అడ్వాన్స్ బుకింగ్స్ ద్వారా 1.5 మిలియన్ డాలర్స్ కలెక్ట్ అయినట్లు తెలుస్తోంది. రిలీజ్ నాటికి ఈ కలెక్షన్ 4 నుంచి 5 మిలియన్ డాలర్స్ వరకు చేరే అవకాశం ఉండొచ్చని ట్రేడ్ పండితులు అంచనా వేస్తున్నారు. మరి ఐకాన్ స్టార్ అల్లు అర్జున్ ఈ సినిమాతో ఎలాంటి అద్భుతాలు చేస్తాడనేది ఇప్పుడు ఆసక్తికరంగా మారింది.