మాట త‌ప్పిన న‌టుడు..ఇదెలా బాస్!

న‌టుడిగా కొన్నాళ్లు బాగానే కొన‌సాగాడు. హీరోగా కొన్ని సినిమాలు చేసాడు. క్యారెక్ట‌ర్ ఆర్టిస్ట్ గానూ ప‌నిచేసాడు. ఇండ‌స్ట్రీకి ఎలాంటి బ్యాక్ గ్రౌండ్ లేకుండా వ‌చ్చి స‌క్సెస్ అయిన న‌టుడు. ఇండ‌స్ట్రీలో వ‌చ్చిన గుర్తింపుతో రాజ‌కీయాల్లో సైతం చ‌క్రం తిప్పుతాన‌ని అటువైపుగా వెళ్లాడు కానీ...విళ్లేష‌కుడిగా మిగిలిపోయాడు త‌ప్ప‌! అక్క‌డ మాత్రం రాణించ‌లేదు. కానీ ఆ న‌టుడికి పొలిటిక‌ల్ మైలేజ్ మాత్రం ప్ర‌చార క‌ర్త ప‌రంగా బాగుంది.

దీంతో అత‌ని జీవితం రాజ‌కీయాల‌తోనే ముడిప‌డి ఉంటుంద‌ని చాలా మంది భావించారు. కానీ అనూహ్యంగా ఓ రియాల్టీ షోకి సైతం ఈ మ‌ధ్య‌నే వెళ్లాడు. ఆ ర‌కంగా సెల‌బ్రిటీగా మ‌రోసారి నెట్టింట బాగా ఫేమ‌స్ అయ్యాడు. ఇదంతా ప‌క్క‌న‌బెడితే సినిమాల నుంచి నిష్క్ర‌మించే ముందు అత‌ను ఓ మాట అన్నాడు. అభిమానుల‌కు ప్రామిస్ చేసాడు. మ‌ళ్లీ సినిమాల్లోకి రాన‌ను...మ్యాక‌ప్ వేసుకోన‌ని చాలా బ‌లంగా చెప్పాడు.

త‌న జీవితం ఇక‌పై కొత్త‌గా ఉంటుంద‌ని....ఈసినిమా హ‌డావుడి బిజీ లైప్ నాకోందుక‌న్న‌ట్లు చెప్పుకొచ్చాడు. అప్పుడు అత‌ని మాటల్లో అంతే నిజాయితీ క‌నిపించింది. సినిమాల ప‌రంగా తాను స‌క్సెస్ అయింది చాలు అనుకుని ఇండ‌స్ట్రీ నుంచి బ‌య‌ట‌కు వెళ్లిపోతున్నాడ‌ని అంతా అనుకున్నారు. అలాగే జ‌రిగింది. కానీ ఇప్పుడా ఒట్టు తీసి గ‌ట్టు మీద పెట్టిన‌ట్లు తెలుస్తోంది. తాజాగా ఇటీవ‌లే ఓ వెబ్ సిరీస్ లో న‌టిస్తున్న‌ట్లు ప్ర‌క‌టించాడు.

అది ప్రారంభోత్స‌వం కూడా జ‌రిగింది. దీంతో ఆ న‌టుడు మ‌ళ్లీ మ్యాక‌ప్ వేసుకుంటున్నాడిన తెలుస్తోంది. అయితే అప్పుడంత క‌సిగా మ్యాక‌ప్ వేసుకోన‌ని చెప్పిన న‌టుడు మ‌ళ్లీ కెమెరా ముంద‌కు రావ‌డం ఏంటి? అన్న ప్ర‌శ్న రెయిజ్ అవుతుంది. ఆయ‌న మ‌ళ్లీ ఇటువైపు రావ‌డం వెనుక ఇంకేమైనా కార‌ణాలు ఉన్నా యా? ఏపీలో రాజ‌కీయాల నేప‌థ్యంలో ఇండ‌స్ట్రీ వెనుక కంబ్యాక్ కి అత‌ని ఎంట్రీ ఏదైనా ముడిప‌డి ఉందా? అన్న సందేహాలు నెట్టింట చ‌క్క‌ర్లు కొడుతున్నాయి.