కుమారి మరో ప్రయత్నం.. ది గ్రేట్ ఇండియన్ సూసైడ్..!

నిజ జీవిత సంఘటనలను సినిమాగా తెరకెక్కించడంలో మన మేకర్స్ ఎప్పుడూ ఆసక్తి చూపిస్తుంటారు. ఎన్నో నిజ జీవిత సంఘటనల ఆధారంగా కథలు, సినిమాలు వచ్చాయి. కొన్ని స్పూర్తిగా తీస్తారు. కొన్ని జరిగింది జరిగినట్టుగా చూపించే ప్రయత్నం చేస్తారు. ఈ క్రమంలో మదనపల్లెలో జరిగిన కొన్ని నిజ సంఘటనల ఆధారంగా ది గ్రేట్ ఇండియన్ సూసైడ్ సినిమా తెరకెక్కినంది. ఈ సినిమా అక్టోబర్ 6న ఆహాలో రిలీజ్ అవుతుంది.

డైరెక్ట్ ఓటీటీ రిలీజ్ అవుతున్న గ్రేట్ ఇండియన్ సూసైడ్ సినిమాలో హెబ్భా పటేల్ లీడ్ రోల్ లో నటించగా వీకే నరేష్, పవిత్రా లోకేష్, జయ ప్రకాష్ ప్రధాన పాత్రల్లో నటించారు. ఈ సినిమాని ఆడియన్స్ లోకి తీసుకెళ్లే ప్రయత్నంలో ప్రెస్ మీట్ ఏర్పాటు చేశారు. థ్రిల్లర్ మూవీగా తెరకెక్కిన ఈ సినిమాలో కొత్త హెబ్భాని చూస్తారని చెప్పారు. సీట్ ఎడ్జ్ థ్రిల్లర్ ఇది అని ఆమె చెప్పుకొచ్చారు.

బలమైన కథతో తెరకెక్కిన థ్రిల్లర్ సినిమా ఇది. మీరు ఇప్పటివరకు చూసిన హెబ్భా వేరు ఈ సినిమాలో హెబ్భా వేరు. ఆమెను చాలా డిఫరెంట్ గా చూస్తారు. అన్ని రకాల యాంగిల్స్ బయట పెట్టేసింది. ఈ సినిమాకు ఆమె బాగా కష్టపడిందని అన్నారు. రాం కార్తీక్ కూడా తనని తాను ప్రూవ్ చేసుకునేలా చేశాడు. ఈ సినిమాలో పవిత్ర లోకేష్ గారి పాత్ర చాలా కొత్తగా ఉంటుంది. ఇలాంటి లేడీస్ కూడా బయట ఉంటారా అన్న ఆలోచన రావడం పక్కా అని అన్నారు డైరెక్టర్.

ప్రతి వారం ప్రేక్షకులకు కొత్త సినిమా అందించాలనే ఉద్దేశంతో ఆహా ఇలా థియేటర్ లో సినిమాలు రిలీజ్ అయ్యే ప్రతి శుక్రవారం ఆహాలో ఒక వెబ్ సీరీస్ గానీ, సినిమా గానీ రిలీజ్ చేస్తుంటారు. థియేటర్ కి వెళ్లి సినిమా చూసేంత టైం బడ్జెట్ లేని వాళ్లు వీకెండ్ ఆహా ఇచ్చే ఎంటర్టైన్మెంట్ చూసి ఆనందించడమే. ఆహా లో సినిమా గానీ సీరీస్ గానీ రిలీజ్ అంటే దాదాపు ఓ సినిమా రిలీజ్ చేస్తున్నంత ప్రమోషన్స్ చేస్తారు. గ్రేట్ ఇండియన్ సూసైడ్ అంటూ రాబోతున్న ఈ మూవీని కూడా ఆహా అదే రేంజ్ లో ప్రమోట్ చేస్తుంది. ఈ సినిమాతో హెబ్బా పటేల్ తిరిగి ఫాంలోకి రావాలని చూస్తుంది.