డెవిల్.. ఒక్క దెబ్బతో రేంజ్ మారిపోయింది

నందమూరి హీరో కళ్యాణ్ రామ్ ఈ నెలాఖరులో 'డెవిల్' సినిమాతో ప్రేక్షకుల ముందుకు రాబోతున్న విషయం తెలిసిందే. పీరియాడికల్ బ్యాక్ డ్రాప్ లో యాక్షన్ అండ్ స్పై థ్రిల్లర్ గా తెరకెక్కిన ఈ చిత్రంలో కళ్యాణ్ రామ్ బ్రిటిష్ సీక్రెట్ ఏజెంట్ గా కనిపించబోతున్నాడు. తొలుత నవంబర్ 24 నే ఈ సినిమాని విడుదల చేయాలని అనుకున్నారు. కానీ కొన్ని అనివార్య కారణాల వల్ల డిసెంబర్ 29 కి రిలీజ్ వాయిదా వేయాల్సి వచ్చింది.

ఈ డిలే వల్ల సినిమాపై ఆడియన్స్ లో ఎలాంటి బజ్ క్రియేట్ అవ్వలేదు. ఎట్టకేలకు ట్రైలర్ ద్వారా మూవీపై బజ్ క్రియేట్ చేసేందుకు మేకర్స్ ప్రయత్నించగా ఆ ప్రయత్నం సఫలం అయిందనే చెప్పాలి. రీసెంట్ గా డెవిల్ మూవీ ట్రైలర్ ని రిలీజ్ చేయగా ఆడియన్స్ నుంచి సూపర్ రెస్పాన్స్ అందుకుంది. ఈ టైలర్ సినిమాపై అంచనాలను పెంచడంతోపాటు ఆడియన్స్ లోనూ మంచి బజ్ క్రియేట్ చేసింది.

ట్రైలర్ ఆడియన్స్ కి బాగా రీచ్ అవ్వడంతో తాజాగా సినిమాకి థియేట్రికల్ బిజినెస్ కూడా భారీగానే జరిగినట్లు తెలుస్తోంది. 'సలార్' రిలీజ్ అయిన రెండో వారానికి 'డెవిల్' మూవీ రిలీజ్ అవుతుంది. అంటే సలార్ తో పోటీ ఎదుర్కొంటున్నప్పటికీ ఈ సినిమా మంచి థియేట్రికల్ బిజినెస్ జరుపుకోవడం విశేషం. డెవిల్ మూవీ కి ఏపీలో రూ.8.5 కోట్ల రేంజ్ లో బిజినెస్ జరిగినట్లు ట్రేడ్ వర్గాల సమాచారం. అందులో సీడెడ్ హక్కులు రూ.3.25 కోట్లకు అమ్ముడైనట్లు తెలిసింది.

టోటల్ తెలుగు రాష్ట్రాల బిజినెస్ విలువ దాదాపు రూ.18 కోట్లుగా ఉంటే వరల్డ్ వైడ్ బిజినెస్ రూ.21 కోట్ల రేంజ్ లో ఉందని అంటున్నారు. ఇది సినిమాకి ఒక విధంగా మంచి బిజినెస్ అనే చెప్పాలి. డెవిల్ మూవీని భారీ బడ్జెట్ తో రూపొందించారు. హై వోల్టేజ్ యాక్షన్ థ్రిల్లర్ గా రూపొందిన ఈ సినిమా నుంచి ఇటీవల రిలీజ్ అయిన ట్రైలర్ ను బట్టి పీరియాడికల్ బ్యాక్ డ్రాప్ లో ఓ మర్డర్ మిస్టరీ తో మొదలై దేశభక్తి కోణంతో సినిమా ముగుస్తుందని అర్థమవుతుంది.

సినిమాలో కళ్యాణ్ రామ్ రెండు విభిన్న తరహా పాత్రల్లో కనిపించబోతున్నాడు. అతని సరసన సంయుక్తా మీనన్ హీరోయిన్ గా నటిస్తోంది. అభిషేక్ పిక్చర్స్ బ్యానర్ పై అభిషేక్ నామా ఈ చిత్రాన్ని నిర్మించడంతోపాటు దర్శకత్వం వహించారు. శ్రీకాంత్ విస్సా స్టోరీ, స్క్రీన్ ప్లే, డైలాగ్స్ అందించారు. సౌందర రాజన్ సినిమాటోగ్రఫీ బాధ్యతలు చేపట్టిన ఈ చిత్రానికి హర్షవర్ధన్ రామేశ్వర్ సంగీతం సమకూర్చారు.