ఈ హీరో ఆస్తుల విలువ తెలిస్తే షాక్‌..!

ఒకప్పుడు హీరోల పారితోషికాలు నామమాత్రంగానే ఉండేవి. గడచిన రెండు దశాబ్దాలుగా స్టార్‌ హీరోల పారితోషికం పదుల రెట్లు పెరిగింది. దాంతో వారి ఆస్తులు కూడా భారీగా పెరుగుతూ వచ్చాయి. అప్పటి నుంచి ఇప్పటి వరకు హీరోలుగా చేస్తున్న వారు వందల కోట్లు వెనకేసుకున్నారు అనేది ఇండస్ట్రీ వర్గాల మాట.

బాలీవుడ్‌ సూపర్‌ స్టార్‌ హృతిక్‌ రోషన్ ఇండస్ట్రీలో అడుగు పెట్టి మూడు దశాబ్దాలు దాటింది. ఆయన సంపాదన భారీగా ఉంటుంది. అంతే కాకుండా ఆయన ఫ్యామిలీ మొదటి నుంచి ఇండస్ట్రీలో ఉండటంతో భారీ ఎత్తున ఆస్తులు కూడబెట్టడం జరిగింది. దాంతో హృతిక్‌ రోషన్ ఇండస్ట్రీలో అత్యంత ధనికుల్లో ఒకడిగా ఉన్నాడు.

హిందీ మీడియా సంస్థ కథనం అనుసారం హృతిక్‌ రోషన్‌ ఏకంగా రూ.3100 కోట్ల ఆస్తులను కలిగి ఉన్నాడు. ఆయన ఇళ్లు, అపార్ట్‌మెంట్స్, ఫామ్‌ హౌస్‌ ల విలువ దాదాపుగా రూ.500 కోట్లుగా సమాచారం అందుతోంది. ఇక ఆయన కార్లు మరియు ఇతర ఖరీదైన వస్తువులు విలువ కూడా వందల కోట్లు ఉంటుంది. ఇక ఆయన వ్యాపారాలు మరియు ఇతర పెట్టుబడులు ఇలా అన్ని కలిపి మూడు వేల కోట్లకు పైగానే ఉంటాయి అంటూ సదరు మీడియా సంస్థ తన కథనంలో పేర్కొంది.

ఒక్కో సినిమాకు వంద కోట్లు, అంతకు మించి పారితోషికంగా తీసుకుంటూ ఉంటాడు. అందుకే ఆయన ఆస్తులు అంతకంతకు పెరుగుతూ ఉన్నాయి. ప్రస్తుతం సిద్దార్థ్ ఆనంద్ దర్శకత్వంలో ఫైటర్ సినిమా ను చేస్తున్న విషయం తెల్సిందే. త్వరలో ఎన్టీఆర్ తో కలిసి వార్ 2 సినిమాలో నటించబోతున్నాడు.