భగవంత్ కేసరి.. ఆ ఇద్దరికి హిట్టు కావాలి!
వీరసింహారెడ్డి నుంచి స్కంద వరకు తమన్ మ్యూజిక్ పై ప్రతి సినిమాలో ఏదో ఒక రిమార్క్ ని ఆడియన్స్ చూపిస్తూనే ఉన్నారు.
By: Tupaki Desk | 14 Oct 2023 11:30 PM GMT
బాలకృష్ణ హీరోగా అనిల్ రావిపూడి దర్శకత్వంలో తెరకెక్కుతోన్న మూవీ భగవంత్ కేసరి. కమర్షియల్ అండ్ యాక్షన్ ఎంటర్టైనర్ గా ఈ మూవీ ప్రేక్షకుల ముందుకి రాబోతోంది. అక్టోబర్ 19న థియేటర్స్ లో సందడి చేయనున్న ఈ మూవీపై నందమూరి ఫ్యాన్స్ చాలా ఎక్స్ పెక్టేషన్స్ తో ఉన్నారు. అలాగే ట్రైలర్ కి పాజిటివ్ టాక్ రావడంతో బాలయ్య ఖాతాలో మరో హిట్ బొమ్మగా భగవంత్ కేసరి నిలుస్తుందని అంచనా వేస్తున్నారు.
ఇదిలా ఉంటే ఈ సినిమా ఓ ఇద్దరికి మాత్రం చాలా కీలకం అని చెప్పాలి. వారిలో మ్యూజిక్ డైరెక్టర్ తమన్ ఒకరు. ఈ ఏడాదిలో తమన్ మ్యూజిక్ డైరెక్టర్ గా వచ్చిన ఏ సినిమా కూడా చెప్పుకోదగ్గ స్థాయిలో సాంగ్స్, బ్యాగ్రౌండ్ పరంగా మెప్పించలేదు. రీసెంట్ గా వచ్చిన స్కంద మూవీ అయితే అందరి వెళ్ళు తమన్ వైపు చూపించాయి. సినిమాలో బ్యాగ్రౌండ్ స్కోర్ అవసరానికి మించి ఉందనే విమర్శలు వచ్చాయి.
అసలు గుర్తుంచుకొనే సాంగ్ ఒక్కటి కూడా సినిమాలో లేవని తీవ్ర విమర్శలు వినిపించాయి. వీరసింహారెడ్డి నుంచి స్కంద వరకు తమన్ మ్యూజిక్ పై ప్రతి సినిమాలో ఏదో ఒక రిమార్క్ ని ఆడియన్స్ చూపిస్తూనే ఉన్నారు. వాటికి భగవంత్ కేసరి చిత్రంతో ఫుల్ స్టాప్ పెట్టాల్సిన అవసరం ఎంతైనా ఉంది. ఈ మూవీ ఉయ్యాలో ఉయ్యాలా సాంగ్ ఇప్పటికే ప్రేక్షకులకి భాగా కనెక్ట్ అయ్యింది.
ట్రైలర్ కి మ్యూజిక్ పరంగా మంచి మార్కులే పడ్డాయి. ఈ భగవంత్ కేసరి చిత్రంతో తమన్ మళ్ళీ తమని తాను షోకేస్ చేసుకోవాల్సిన అవసరం ఉంది. అలాగే ప్రస్తుతం టాలీవుడ్ లో మోస్ట్ క్రేజియస్ట్ హీరోయిన్ గా శ్రీలీల ఉంది. ఆమెకి నుంచి ధమాకా లాంటి బ్లాక్ బస్టర్ హిట్ తర్వాత స్కంద మూవీతో డిజాస్టర్ వచ్చింది. భగవంత్ కేసరి చిత్రలో శ్రీలీల హీరోయిన్ కాకపోయిన మంచి ప్రాధాన్యత ఉన్న పాత్రలోనే కనిపిస్తోంది.
భగవంత్ కేసరితో శ్రీలీలకి కూడా కచ్చితంగా సక్సెస్ కావాల్సిందే. లేదంటే ఆమె మీద బ్యాడ్ రిమార్క్ పడుతుంది. మ్యూజిక్ డైరెక్టర్ గా తమన్, హీరోయిన్ గా శ్రీలీలకి భగవంత్ కేసరి చాలా కీలకమైన మూవీగా ఇప్పుడు మారిపోయింది.
