50 ల‌క్ష‌లివ్వ‌క‌పోతే చంపేస్తామంటూ న‌టికి బెదిరింపు!
సెల‌బ్రిటీల‌కు బెదిరింపులు ప‌రం ప‌ర కొన‌సాగుతోంది తాజాగా భోజ్ పురి న‌టి అక్షరా సింగ్ కి బెదిరింపు కాల్స్ వెళ్లాయి.
By: Tupaki Desk | 13 Nov 2024 5:20 AM GMT
సెల‌బ్రిటీల‌కు బెదిరింపులు ప‌రం ప‌ర కొన‌సాగుతోంది. తాజాగా భోజ్ పురి న‌టి అక్షరా సింగ్ కి బెదిరింపు కాల్స్ వెళ్లాయి. ఫోన్ చేసి దుండ‌గులు 50 ల‌క్ష‌లు ఇవ్వాల‌ని డిమాండ్ చేసార‌ని, లేక‌పోతే చంపేస్తామ‌ని బెదిరించిన‌ట్లు న‌టి పేర్కొంది. దీనికి సంబంధించి ఇప్ప‌టికే ధానాపూర్ పోలీస్ స్టేష‌న్ లో ఫిర్యాదు చేసిన‌ట్లు తెలిపింది. పోలీసులు కేసు న‌మోదు చేసి ద‌ర్యాప్తు చేస్తున్నారు. వ‌రుస‌గా సెల‌బ్రిటీల‌కు బెదిరింపు కాల్స్ వెళ్ల‌డంతో అంతా ఒణికిపోతున్నారు.
ఇప్ప‌టికే స‌ల్మాన్ ఖాన్ కి బిష్ణోయ్ గ్యాంగ్ నుంచి ప్రాణాపాయం ఉన్న‌ట్లు పోలీసులు నిర్ధారించి భ‌ద్ర‌త‌ను మ‌రింత క‌ట్టుదిట్టం చేసారు. స‌ల్మాన్ ఖాన్ ఇల్లు ఇప్ప‌టికే పోలీస్ ప‌హారాలో ఉంది. ఆయ‌న బ‌య‌ట‌కు ఎక్క‌డ‌కు వెళ్ల‌ల‌న్నా భ‌ద్ర‌త మ‌ధ్య వెళ్లాల్సిన ప‌రిస్థితులు. మ‌రోవైపు షారుక్ ఖాన్ ని బెదిరించిన దుండుగుడిని పోలీసులు ఇప్ప‌టికే అదుపులోకి తీసుకుని విచారిస్తున్నారు. ఈ బెదిరింపుకు బిష్ణోయ్ గ్యాంగ్ కి ఎదైనా సంబంధం ఉందా? అని ఆరా తీస్తున్నారు.
షారుక్ ఖాన్ ని కూడా డ‌బ్బులివ్వాల‌ని బెదిరించారు. లేక‌పోతే చంపేస్తామ‌ని హెచ్చ‌రించారు. అక్షరా సింగ్ కి స‌రిగ్గా ఇదే త‌ర‌హా కాల్ వెళ్ల‌డంతో? ఈ రెండింటికీ మ‌ధ్య ఏదైనా సంబంధం ఉందా? అన్న‌ది పోలీసులు విచారిస్తున్నారు. వ‌రుస‌గా ఉత్త‌రాది సెల‌బ్రిటీల‌కు ఇలాంటి బెదిరింపు కాల్స్ వెళ్ల‌డంతో? ఎవ‌రికి ఎప్పుడు? ఎలాంటి బెదిరింపు కాల్ వ‌స్తుందోన‌ని అంతా భ‌య‌ప‌డుతున్నారు.
కేవ‌లం సెల‌బ్రిటీలే టార్గెట్ పెట్టుకుని ఈ బెదిరింపుల‌కు పాల్పడుతున్నార‌ని పోలీసుల స్ఫ‌ష్టంగా చెబుతున్నారు. దీంతో దీనికి ఎలాగైనా అడ్డుక‌ట్ట వేయాలని తీవ్ర ప్ర‌య‌త్నాలు చేస్తున్నారు. ఫోన్ కాల్స్ డేటా ఆధారంగానే పోలీసులు నిందుతుల్ని పట్టుకుంటున్నారు. షారుక్ ఖాన్ ని బెదిరించిన వాడిని ఇలాగే ట్రేస్ చేసి ప‌ట్టుకున్నారు. ఇదే త‌ర‌హాలో అక్షరా సింగ్ ఫిర్యాదు విష‌యంలో పోలీసులు ప్ర‌త్యేక బృందాలగా గాలింపు చ‌ర్య‌లు చేపడుతున్న‌ట్లు తెలుస్తోంది.
