ప్రేమ ప్రయాణంలో.. నాని 'అమ్మాడి'!
మృణాల్ ఠాకూర్ లైవ్ మ్యూజిక్ పెర్ఫామెన్స్తో మొదలైన ఈ సాంగ్లో తన భర్తగా నటించిన నాని గురించి పాడుతూ కనిపించింది.
By: Tupaki Desk | 4 Nov 2023 7:43 AM GMT
నేచురల్ స్టార్ నాని నటించిన లేటెస్ట్ మూవీ 'హాయ్ నాన్న' సినిమా విడుదల తేదీ దగ్గర పడటం వల్ల... మూవీటీమ్ ప్రమోషన్స్లో జోరు పెంచి వరుస అప్డేట్స్ ఇస్తున్న సంగతి తెలిసిందే. ఇప్పటికే రిలీజైన టీజర్, విడుదలైన రెండు సాంగ్స్.. సినిమాలో ఉన్న డాటర్ సెంటిమెట్, హీరో హీరోయిన్ లవ్ కెమిస్ట్రీ వంటి బ్యూటిఫుల్ ఎమోషన్స్తో ఆకట్టుకున్నాయి. అయితే తాజాగా మూడో సింగిల్ అమ్మాడిని రిలీజ్ చేశారు మేకర్స్.
మృణాల్ ఠాకూర్ లైవ్ మ్యూజిక్ పెర్ఫామెన్స్తో మొదలైన ఈ సాంగ్లో తన భర్తగా నటించిన నాని గురించి పాడుతూ కనిపించింది. తామిద్దరి మధ్య బంధం ఎంత బలమైనదో, ఎంత ప్రేమగా ఉంటుందో, నాని తనను ఎలా చూసుకుంటారో అంటూ లిరిక్స్ రూపంలో చెప్పుకొచ్చింది. పెళ్లైన రోజు నుంచి తామిద్దరి మధ్య గడిచిన అద్భుత ప్రయాణం గురించి చెబుతూ వివరించింది. ఈ పాట మొత్తం నాని మృణాల్ మధ్య ఉన్న స్వీట్ అండ్ అడోరబుల్ లవ్ స్టోరీ జర్నీ విజువల్స్తోనే సాగింది.
నాని మృణాల్ రొమాంటిక్ లవ్ కెమిస్ట్రీ చాలా బాగుంది. హేషన్ అబ్దుల్ వాహబ్ అందించిన సంగీతం ఎంతో వినసొంపుగా అనిపించింది. కృష్ణ కాంత్ అందించిన లిరిక్స్ క్యాచీ, మీనింగ్ఫుల్గా ఉన్నాయి. కాలా భైరవ, శక్తి శ్రీ గోపాలన్ ఆలపించిన తీరు ఎక్స్ప్రెస్సివ్గా అనిపించింది.
ఇకపోతే మొదటి సాంగ్లో నాని - మృణాల్ ఠాకూర్ మధ్య లవ్, బాండింగ్ చాలా బాగా చూపించిన మేకర్స్.. రెండో పాటలో ఫాదర్ అండ్ డాటర్ మధ్య ఉండే బ్యూటీఫుల్ ఎమోషన్ మూమెంట్స్ను హృదయాన్ని హత్తుకునేలా చిత్రీకరించారు. ఈ రెండు సాంగ్స్కు మంచి రెస్పాన్స్ వచ్చింది. ఇప్పుడీ మూడో పాట అమ్మాడి కూడా మంచి రెస్పాన్స్ను అందుకునేలా ఉంది.
వైరా ఎంటర్టైన్మెంట్స్ బ్యానర్ పై మోహన్ చెరుకూరి, డాక్టర్ విజయేందర్ రెడ్డి తీగల సంయుక్తంగా ఈ చిత్రాన్ని నిర్మించారు. బేబీ కియారా నాని కుమార్తెగా నటించింది. జాన్ వర్గీస్ సినిమాటోగ్రాఫర్గా వ్యవహరిస్తున్నారు. ప్రవీణ్ ఆంటోనీ ఎడిటింగ్ బాధ్యతలు చూసుకుంటుండగా.. అవినాశ్ కొల్లా ప్రొడక్షన్ డిజైనర్గా వ్యవహరిస్తున్నారు. డిసెంబర్ 7న తెలుగు, హిందీ తమిళ కన్నడ మలయాళ భాషల్లో ఈ సినిమా విడుదల కానుంది
