టైగర్​ నాగేశ్వరరావు.. ఓపెనింగ్ టార్గెట్​ ఇదే

మాస్ మహారాజా రవితేజ నటించిన లేటెస్ట్ మూవీ టైగర్ నాగేశ్వరరావు మరో ఐదు రోజుల్లో బాక్సాఫీస్ వద్ద సందడి చేయనుంది. అక్టోబర్ 20న రిలీజ్ కానుంది. అయితే ఈ చిత్రానికి ఒక రోజు ముందే విడుదల కానున్న బాలయ్య భగవంత్ కేసరి, దళపతి విజయ్​ లియో పోటీగా ఇది ప్రేక్షకుల ముందుకు వస్తోంది. పాన్ ఇండియా స్థాయిలో రిలీజ్​కు రెడీ అయినప్పటికీ.. మేజర్​గా తెలుగు-హిందీలోనే భారీగా విడుదల కానుంది.

అయితే ఈ సినిమాతో రవితేజ కెరీర్​లోనే బెస్ట్ అండ్​ హైయెస్ట్​ ఓపెనింగ్స్ అందుకుంటారని ట్రేడ్ వర్గాలు అంచనా వేస్తున్నాయి. మాస్ మహారాజా అభిమానులు కూడా ఈ సినిమా పక్కాగా బిగ్​ హిట్​ అవుతుందని ఆశిస్తున్నారు. రవితేజ లుక్, యాక్టింగ్​​, సినిమా స్టాండర్డ్స్ అని భారీగా, డిఫరెంట్​గా ఉండడంతో సినిమాపై మంచి అంచనాలు ఉన్నాయి. ఈ నేపథ్యంలో రవితేజ నటించి రీసెంట్​గా మూవీస్​ ఓపెనింగ్స్​​ వివరాలు బయటకు వచ్చాయి.

తెలుగు రాష్ట్రాలు ఏపీ తెలంగాణలో రవితేజ నటించిన సినిమా ఓపెనింగ్స్​ ఎలా ఉన్నాయంటే. రావణాసుర రూ.4.29కోట్లు, ధమాకా రూ.4.66కోట్లు, రామారావు ఆన్ డ్యూటీ రూ.2.82కోట్లు, ఖిలాడీ రూ.4.30కోట్లు, క్రాక్​ రూ.6.25కోట్లు, డిస్కో రాజా రూ.2.54కోట్లు, అమర్ అక్బర్ ఆంటోని రూ.3.40కోట్లు వసూలు చేశాయి. అంటే వీటిలో క్రాక్​ మూవీ భారీ ఓపెనింగ్స్​ను అందుకుంది.

ఆ తర్వాత రావణాసుర, ధమాకా మంచి ఓపెనింగ్స్​ వసూళ్లను సాధించాయి. అంటే ఇప్పుడు టైగర్ నాగేశ్వరరావు విషయానికొస్తే.. కనీసం ఈ చిత్రం రూ.4.5 కోట్ల నుంచి రూ.5కోట్ల రేంజ్​లో అందుకునే అవకాశం ఉందని అనిపిస్తోంది. ఆ తర్వాత ఈ సినిమా రిజల్ట్​, అలాగే భగవంత కేసరి, లియో టాక్​ను బట్టి కలెక్షన్స్​ వస్తాయి. చూడాలి మరి ఈ సినిమా రూ.5 కోట్ల వరకు ఓపెనింగ్స్ వసూలు చేస్తుందా లేదా క్రాక్​ను బీట్​ చేస్తుందా అనేది..

ఇక టైగర్ నాగేశ్వరరావు విషయానికొస్తే.. ఈ సినిమా స్టువర్ట్​పురం గజదొంగ జీవిత ఆధారంగా తెరకెక్కించారు. రేణూ దేశాయ్​ చాలా కాలం తర్వాత ఈ సినిమాతో రీఎంట్రీ ఇస్తున్నారు.