#గ‌ణ‌ప‌త్.. భార‌త‌దేశంలో మ‌రో సూప‌ర్ హీరో

టైగర్ ష్రాఫ్ కొత్త వీడియోలో గణపత్ ప్రపంచం ఆశ్చ‌ర్య‌పరుస్తోంది. తాజాగా టీజర్ విడుదల తేదీని ప్రకటిస్తూ కొన్ని సెక‌న్ల వీడియో గ్లింప్స్ ని రిలీజ్ చేసారు. వివ‌రాల్లోకి వెళితే..

టైగర్ ష్రాఫ్ -కృతి సనన్ త్వరలో యాక్షన్ థ్రిల్లర్ చిత్రం 'గణపత్‌'లో కనిపించనున్నారు. ప్రేక్ష‌కుల్లో ఉత్సాహం పెంచడానికి మేకర్స్ నిరంతరం ప్రధాన తార‌ల పోస్ట‌ర్ల‌ను షేర్ చేస్తున్నారు. ఈరోజు టైగర్ టీజర్ విడుదల తేదీని ప్రకటించే వీడియోను కూడా షేర్ చేశాడు. సెప్టెంబరు 27న టీజర్‌ను విడుదల చేయనున్నారు. గణపత్ దర్శకుడు వికాస్ బహ్ల్. ఈ చిత్రాన్ని వాషు భగ్నాని, జాకీ భగ్నాని, దీప్‌శిఖా దేశ్‌ముఖ్ , వికాస్ బహ్ల్ నిర్మించారు. 20 అక్టోబర్ 2023న హిందీ, తమిళం, తెలుగు, మలయాళం, కన్నడ భాషల్లో ప్రపంచవ్యాప్తంగా విడుదల కానుంది.

తాజా గ్లిమ్స్ ఎంతో ఆక‌ట్టుకుంది. టైగర్ స్క్రీన్ నుండి తప్పిపోయినట్లు తన అభిమానులకు తెలియజేయడంతో వీడియో ఉత్కంఠ క‌లిగిస్తుంది. అతను ఒక టవర్ పైభాగంలో నిలబడి, అకస్మాత్తుగా పడిపోతున్నాడు. బ్యాక్‌గ్రౌండ్‌లో భవనాలు బయటకు రావడం, వస్తువులు పడిపోవడం చూస్తాం. ఇది భార‌త‌దేశానికి చెందిన మ‌రో సూప‌ర్ హీరో సినిమా అని ఈ ప్రీవిజువ‌ల్ చూస్తేనే అర్థ‌మ‌వుతోంది.

దునియా బాదల్ నే కే లియే దునియా కో బదల్నా పడ్తా హై ! ఈ దసరా కానుక‌గా 20 అక్టోబర్ #గణపత్ టీజర్ వ‌స్తోంది. సెప్టెంబర్ 27న సినిమాల్లో #గణపత్ టీజర్ విడుదల‌వుతుంది... అని రాసాడు. ఒక అభిమాని ఇలా రాశాడు. భారత్ మొదటి ఫ్యూచ‌రిస్టిక్ డిస్టోపియన్ చిత్రమిది అని వ్యాఖ్యానించాడు. డిస్టోపియన్ ప్రపంచానికి సిద్ధంగా ఉండండి అని రాసాడు.

తాజాగా ఈ సినిమా నుంచి టైగర్ ష్రాఫ్ ఫస్ట్ లుక్ విడుదల కాగా పోస్టర్‌లో టైగర్ ష్రాఫ్ ఎర్రటి ఫైటింగ్ గ్లోవ్స్‌ని పట్టుకుని తన ఘాటైన రూపాన్ని ప్రదర్శిస్తున్నాడు. బూడిదరంగు చొక్కాలో అతని స్మార్ట్ లుక్ ఆక‌ర్షించ‌గా, కండ‌లు తిరిగిన శ‌రీర‌ఛాయ మైమ‌రిపించింది. ఆ రహా హై గణపత్… కర్నే ఏక్ నయీ దునియా కి షురువత్ #GanapathAaRahaHai #Ganapath ఈ దసరా కానుక‌గా అక్టోబర్ 20న సినిమాల్లోకి వస్తుంది. అని ప్ర‌క‌టించాడు. ఇది కాకుండా టైగర్ త‌దుప‌రి అక్షయ్ కుమార్‌తో 'బడే మియాన్ చోటే మియాన్‌'లోను న‌టిస్తున్నాడు.