పిక్ టాక్ : టైగర్ భాయ్ బాడీ తో పిచ్చెక్కిస్తున్నాడు
టైగర్ ష్రాఫ్ బాడీ చూపిస్తూ చేసిన ఫోటో షూట్‌ సోషల్ మీడియాలో తెగ వైరల్‌ అవుతోంది.
By: Tupaki Desk | 8 Sep 2023 2:30 PM GMT
బాలీవుడ్‌ స్టార్‌ జాకీ ష్రాఫ్ తనయుడు టైగర్ ష్రాఫ్ వరుస సినిమాలతో దూసుకు పోతున్నాడు. 2014 లో హీరోపంతి సినిమా తో బాలీవుడ్‌ లో ఎంట్రీ ఇచ్చిన టైగర్ భాయ్ తక్కువ సమయంలోనే మంచి గుర్తింపును సొంతం చేసుకున్నాడు. ఆ తర్వాత భాఘీ సినిమా తో బాలీవుడ్‌ కి ఓ మంచి యాక్షన్ హీరో దొరికాడు అంటూ సినీ ప్రేమికులు మాట్లాడుకున్నారు.
భాఘీ సిరీస్ లో మూడు భాగాలు చేసిన టైగర్ ష్రాఫ్ హీరో పంతి సినిమా సిరీస్ లో రెండు భాగాలను ప్రేక్షకుల ముందుకు తీసుకు వచ్చాడు. యాక్షన్ సినిమాలకు పెట్టింది పేరు అన్నట్లుగా నిలిచిన టైగర్ ష్రాప్‌ ఫిజిక్ కు ఎంతో మంది అభిమానులు ఉంటారు. ఒకప్పుడు బాలీవుడ్‌ కండల వీరుడు అంటే సల్మాన్‌ ఖాన్‌ పేరు వినిపించేది.
ఇప్పుడు బాలీవుడ్‌ లో యాక్షన్ సినిమాలకు తగ్గ హీరో, కండల వీరుడు అంటే చాలా మంది టైగర్ ష్రాఫ్ పేరును ముందు చెబుతున్నారు. అందుకు తగ్గట్లుగా తాజాగా టైగర్ నుండి ఈ ఫోటోలు సోషల్ మీడియా ద్వారా వచ్చాయి. టైగర్ ష్రాఫ్ బాడీ చూపిస్తూ చేసిన ఫోటో షూట్‌ సోషల్ మీడియాలో తెగ వైరల్‌ అవుతోంది.
ఈ రేంజ్ లో కండలు పెంచి ప్యాక్స్ తో సినిమా ల్లో నటిస్తున్న హీరోలు అతి కొద్ది మంది మాత్రమే ఉన్నారు. ఒక సినిమా కోసం.. పాత్ర కోసం టైగర్ ష్రాఫ్ ఎంత కష్టపడి అయినా బాడీని పెంచడం గతంలో కూడా చూశాం. ఇప్పుడు టైగర్ ష్రాఫ్ మూడు సినిమాల్లో నటిస్తున్నాడు. అందులో ఒకటి ఈ ఏడాది లో రానుండగా వచ్చే ఏడాది రెండు సినిమాలు వచ్చే అవకాశాలు ఉన్నాయి.
