కన్నప్ప క్రేజ్ పెంచే టైమొచ్చింది

మంచు విష్ణు టైటిల్ రోల్ లో భారీ బడ్జెట్ తో పాన్ ఇండియా రేంజ్ లో తెరకెక్కుతోన్న మూవీ కన్నప్ప. ఈ సినిమాని మంచు మోహన్ బాబు సమర్పణలో విష్ణునే నిర్మిస్తున్నారు. ఇది తన డ్రీం ప్రాజెక్ట్ ని మంచు విష్ణు ఎప్పటి నుంచో చెబుతున్నారు. ఈ సినిమాతో ముఖేష్ కుమార్ సింగ్ దర్శకత్వంలో ఈ మూవీ సిద్ధం అవుతోంది. ఇప్పటికే మెజారిటీ షూటింగ్ కంప్లీట్ అయ్యిందని టాక్.

ఇదిలా ఉంటే ఇప్పటికే కన్నప్ప క్యారెక్టర్ కి సంబందించిన పోస్టర్ ని రిలీజ్ చేసి సినిమాపై హైప్ క్రియేట్ చేశారు. ఈ మూవీలో మహా శివుడిగా డార్లింగ్ ప్రభాస్ కనిపించబోతున్నాడు. ఆయన పక్కన పార్వతిగా కంగనా రనౌత్ ఉంటుందని టాక్ వినిపిస్తోంది. మలయాళీ స్టార్ మోహన్ లాల్ కీలక పాత్రలో నటిస్తున్నారు. ఇలా స్టార్స్ అందరిని గెస్ట్ కన్నప్పలో గెస్ట్ రోల్స్ కోసం మంచు విష్ణు దించుతున్నాడు.

ఇదిలా ఉంటే ఈ సినిమాలో శివుడి పాత్రకి సంబంధించి ఫస్ట్ లుక్ పోస్టర్ ని సిద్ధం చేశారంట. మహాశివరాత్రి కానుకగా ప్రేక్షకులకి అందించబోతున్నట్లు తెలుస్తోంది. పాన్ ఇండియా లెవల్ లో తెరకెక్కిస్తున్న ప్రాజెక్ట్ కావడంతో ప్రతి అప్డేట్ తో సినిమాకి హైప్ తీసుకొని రావాల్సిన అవసరం ఉంది. మూవీకి ఎంత హైప్ తీసుకొచ్చి మార్కెట్ లోకి తీసుకొని వెళ్లగలిగితే కన్నప్ప మూవీపైన బజ్ క్రియేట్ అవుతుంది.

మంచు విష్ణుకి ఆశించిన స్థాయిలో మార్కెట్ లేదు. దీంతో అతని హోప్స్ అన్ని కూడా ప్రభాస్ ఇమేజ్ మీదనే ఉన్నాయి. ప్రభాస్ క్యారెక్టరైజేషన్ కాస్తా లెన్తీ ఉంటే సినిమాకి అది మరింత ప్లస్ అవుతుంది. అయితే ఒరిజినల్ కథ పరంగా చూసుకుంటే శివుడి పాత్ర లిమిటెడ్ గా ఉంటుంది. అయితే ఫిక్షనల్ ఎలిమెంట్స్ జోడించి ఏమైనా కన్నప్ప కథని కొత్తగా చెప్పే ప్రయత్నం చేస్తున్నారా అనేది తెలియాల్సి ఉంది.

ఈ ఏడాదిలోనే కన్నప్ప మూవీ రిలీజ్ కానుంది. ఈ సినిమాకి పాన్ ఇండియా స్థాయిలో బిజినెస్ జరగాలంటే మాత్రం సినిమాపై ఎక్కువ బజ్ క్రియేట్ అయ్యేలా చేయాలి. అలాగే ఇకపై కన్నప్ప నుంచి ప్రతి అప్డేట్ కూడా చాలా కీలకంగా ఉండాల్సిందే.