టైగర్ నాగేశ్వరరావు లవర్ వచ్చేసింది!

మాస్ మహారాజ రవితేజ కెరీర్ లోనే అత్యంత భారీ అంచనాలున్న సినిమాగా ఇప్పుడు టైగర్ నాగేశ్వరరావు బయోపిక్ లో ముందుకు రాబోతోంది. స్టువర్ట్ పురం గజదొంగ టైగర్ నాగేశ్వర రావు జీవిత ఆధారంగా ఈ సినిమాను తెరపై తీసుకురాబోతున్నారు. ఇప్పటికే సినిమాకు సంబంధించిన పోస్టర్స్ అలాగే ఫస్ట్ టీజర్ కూడా పాజిటివ్ వైబ్రేషన్స్ అయితే క్రియేట్ చేసింది.

తప్పకుండా సినిమా బాక్స్ ఆఫీస్ వద్ద రికార్డ్స్ క్రియేట్ చేస్తుంది అనేలా చిత్ర యూనిట్ ప్రమోషన్స్ అయితే గట్టిగానే చేస్తున్నారు. దానికి తోడు సినిమాకు మార్కెట్లో కూడా మంచి బిజినెస్ అయితే ఏర్పడింది. రెండు తెలుగు రాష్ట్రాల్లోనే రవితేజ సినిమాకు మొదటిసారి అత్యధిక స్థాయిలో డిమాండ్ దక్కినట్లు సమాచారం. ఈ సినిమాను పాన్ ఇండియా స్థాయిలోనే విడుదల చేయాలని అనుకుంటున్నారు.

అయితే కేవలం తెలుగు భాషలోనే 50 కోట్ల కు పైగా బిజినెస్ చేసినట్లు సమాచారం. ఇక ఈ సినిమాలో రేణు దేశాయ్ ఒక ప్రత్యేకమైన పాత్రలో కనిపించబోతున్నారు. ఇక హీరోయిన్ గా నుపుర్ సనోన్ కనిపించబోతోంది. ఈమె తెలుగులో మొదటి సారి నటిస్తోంది. ఈమె మరెవరో కాదు. మంచి హీరోయిన్ గా క్రేజ్ అందుకుంటున్న కృతి సనోన్ సోదరి. బాలీవుడ్లో ఒక సినిమా అలాగే కొన్ని వెబ్ సిరీస్ లు కూడా చేసింది.

ఇక ఇప్పుడు టైగర్ నాగేశ్వరరావు లవర్ గా ఈ సినిమాలో కనిపించబోతోంది. ఆమె ఫస్ట్ లుక్ పోస్టర్ను కూడా విడుదల చేయగా అందులో సారా పాత్రలో ఆమె ట్రైన్ లో నుంచి బయటకు చూస్తున్నట్లుగా చాలా అందమైన స్టిల్ అయితే ఇచ్చింది. ఈ సినిమాపై ఉన్న హైప్ కారణంగా ఈ బ్యూటీ కి కూడా మంచి క్రేజ్ దక్కే అవకాశం ఉంది.

సినిమా ఏ మాత్రం క్లిక్ అయినా కూడా అమ్మడికి సౌత్ ఇండస్ట్రీలో కూడా మంచి అవకాశాలు వస్తాయి అని చెప్పవచ్చు. ఇక ఈ సినిమాకు సంబంధించిన షూటింగ్ పనులు దాదాపు ఫినిష్ అయ్యాయి. ఇక సినిమాను గ్రాండ్ గా దసరా సందర్భంగా అక్టోబర్ 20వ తేదీన విడుదల చేయబోతున్నారు. మొదటిసారి రవితేజ ఫ్యాన్ ఇండియా మార్కెట్లోకి అడుగుపెట్టబోతున్నాడు కాబట్టి ఈ సినిమా ఎలాంటి ఫలితం అందుకుంటుందో చూడాలి.