డింపుల్ హయాతి.. జలపాతంలో బికినీ అందం

టాలీవుడ్ గ్లామర్ క్వీన్ డింపుల్ హయాతి మరోసారి తన ఫ్యాషన్ మరియు గ్లామర్ లుక్ తో సోషల్ మీడియా లో దుమ్ము రేపుతోంది. రెగ్యులర్ గా తన ఇన్‌స్టాగ్రామ్ హ్యాండిల్ ద్వారా అభిమానులతో ప్రత్యేక ఫోటోషూట్ పిక్స్ ను పంచుకుంటూ వారిని అలరిస్తున్న ఈ టాలెంటెడ్ బ్యూటీ, ఇప్పుడు తాజా ఫోటోషూట్ ద్వారా అందర్నీ ఆకట్టుకుంటోంది.

తెలుగు అమ్మాయి అయిన డింపుల్ తన గ్లామర్ తో సినీ ఇండస్ట్రీలో ప్రత్యేక స్థానాన్ని దక్కించుకుంది. మొదట 'గల్ఫ్' అనే సినిమాతో హీరోయిన్ గా పరిచయం అయినప్పటికీ, ఆ చిత్రం ఆశించిన విజయాన్ని ఇవ్వలేదు. తర్వాత 'అభినేత్రి 2'లో ప్రభుదేవా, తమన్నా కాంబినేషన్ లో కీలక పాత్రలో కనిపించినప్పటికీ, అది కూడా పెద్దగా విజయం సాధించలేదు.

అయితే డింపుల్ హయాతికి బ్రేక్ ఇచ్చింది మాత్రం 'గద్దలకొండ గణేష్' సినిమా. ఆ సినిమాలో చేసిన ఐటెం సాంగ్ ఆమెకు మంచి పాపులారిటీ తెచ్చిపెట్టింది. ఈ సాంగ్ తో అందరికి సుపరిచితమైన డింపుల్, తర్వాత 'యురేకా' మూవీలో హీరోయిన్ గా నటించింది. అలాగే మాస్ మహారాజా రవితేజతో 'ఖిలాడీ' చిత్రంలో హీరోయిన్ గా కనిపించి, తన గ్లామర్ తో అందరినీ ఆశ్చర్యపరిచింది.

ఆ సినిమాలో డింపుల్ బికినీ వేసుకొని అందరికి షాక్ ఇచ్చింది. ఈ లుక్ తో తన గ్లామర్ పాత్రలకు తాను సిద్ధమని స్పష్టంగా చెప్పింది. తాజాగా డింపుల్ హయాతి షేర్ చేసిన ఈ ఫోటోలో ఆమె ఒక అందమైన జలపాతం వద్ద సొగసైన బ్లాక్ బికినీ అవుట్‌ఫిట్ ధరించి కనిపించింది. ప్రకృతి మధ్యలో, నీటి ప్రవాహంలో ఆహ్లాదకరమైన వాతావరణంలో డింపుల్ తన లుక్‌తో మరింత గ్లామర్‌ జోడించింది.

ఫోటోలో ఆమె అందం, లుక్స్ ని మేళవించడంతో సోషల్ మీడియాలో ఈ ఫోటోలు కాస్తా వైరల్‌గా మారాయి. ఇన్‌స్టాగ్రామ్‌లో దాదాపు 55,000 మందికి పైగా లైక్స్ అందుకున్న ఈ ఫోటోకు నెటిజన్లు ఫిదా అవుతూ తమ అభిప్రాయాలను కామెంట్స్ రూపంలో తెలియజేస్తున్నారు. "డింపుల్ కళ్ళలోనే గ్లామర్ ఉంది" అని కొంతమంది నెటిజన్లు కామెంట్స్ చేస్తున్నారు.

పాత్రలోనూ, వాస్తవ జీవితంలోనూ తన గ్లామర్ ను ఎలా ప్రదర్శించాలో డింపుల్ కు బాగా తెలుసు. కెరీర్ లో వ‌రుస‌గా ప్రాజెక్టులు చేస్తూ, తన గ్లామర్ తో అభిమానులని ఎప్పటికప్పుడు ఆకట్టుకుంటోంది. ఇటీవల డింపుల్ హయాతి గోపిచంద్ సరసన 'రామబాణం' సినిమాలో నటించినా, ఆ చిత్రం కమర్షియల్ గా పెద్దగా విజయం సాధించలేదు. అయినప్పటికీ, డింపుల్ తన గ్లామర్ తో ఎప్పటికప్పుడు ఆడియెన్స్ దృష్టిని ఆకర్షిస్తోంది.