బీచ్‌ లో ఎంజాయ్‌ చేస్తోన్న ఆర్డీఎక్స్‌ బ్యూటీ

ఢిల్లీ ముద్దుగుమ్మ పాయల్‌ రాజ్ పూత్‌ టాలీవుడ్‌ మూవీ ఆర్‌ఎక్స్‌ 100 తో మంచి గుర్తింపు సొంతం చేసుకుంది. అంతకు ముందు చేసిన పంజాబీ, హిందీ సినిమాలు నిరాశ పరచడంతో కెరీర్‌ లో నిలదొక్కుకోవడం కష్టమే అనుకుంటూ ఉన్న సమయంలో అనూహ్యంగా టాలీవుడ్‌ నుంచి ఛాన్స్ దక్కింది. తెలుగు లో మొదటి సినిమాతోనే పాయల్‌ రాజ్ పూత్‌ కి సూపర్‌ హిట్‌ దక్కింది. అంతే కాకుండా ఆ హిట్‌ లో కీలక పాత్ర ఆమెదే అవ్వడంతో పాటు నెగటివ్‌ షేడ్స్ ఉన్న పాత్ర చేయడం వల్ల నటిగా కూడా నిరూపించుకుంది. టాలీవుడ్‌ లో పాయల్ ఒక్కసారిగా బిజీ అయ్యింది.

ఆర్‌ఎక్స్ 100 సినిమా తర్వాత తెలుగు లో వరుస సినిమాలు చేసింది. టాలీవుడ్ తో పాటు తమిళ్‌, పంజాబీ, హిందీ సినిమాల్లో కూడా పాయల్‌ నటించడం జరిగింది. తెలుగు లో సక్సెస్‌ ల కంటే ఫెయిల్యూర్స్‌ ఎక్కువ నమోదు అయ్యాయి. అయినా కూడా ఆఫర్లకు మాత్రం కొదవ లేకుండా వరుసగా ఆఫర్లు వచ్చాయి. చాలా కాలం తర్వాత పాయల్ కి మంగళవారం సినిమా మరో భారీ విజయాన్ని తెచ్చి పెట్టింది. లేడీ ఓరియంటెడ్‌ సినిమాలకు పాయల్‌ సరైన ఎంపిక అన్నట్లుగా చాలా మంది ఫిల్మ్‌ మేకర్స్ అభిప్రాయంకు వచ్చారు. అందుకే పాయల్‌ తో ఎక్కువ లేడీ ఓరియంటెడ్‌ సినిమాలు చేస్తున్నారు.

సినిమాల్లో నటిస్తూనే మరో వైపు పాయల్‌ సోషల్‌ మీడియాలో తన అందమైన ఫోటోలను రెగ్యులర్‌ గా షేర్‌ చేస్తూ వస్తోంది. సోషల్‌ మీడియా లో ఈమె షేర్‌ చేసే ప్రతి అందాల ఫోటో షూట్‌ కి లక్షల్లో లైక్స్ వస్తూ ఉంటాయి. దాదాపుగా నాలుగున్నర మిలియన్ ల ఫాలోవర్స్ ను కలిగి ఉన్న పాయల్‌ రాజ్ పూత్‌ తాజాగా షేర్‌ చేసిన ఈ బీచ్‌ ఫోటోలు వైరల్‌ అవుతున్నాయి. ఈ రెడ్‌ బికీనీ లో పాయల్‌ బీచ్ లో హొయలు పోతూ ఫోటోలకు ఫోజ్ ఇచ్చి అందరి దృష్టిని ఆకర్షించింది. పాయల్‌ రాజ్ పూత్‌ స్కిన్‌ షో కి నెటిజన్స్‌ ఫిదా అవుతున్నారు, కొన్ని నిమిషాల్లోనే వేలల్లో లైక్స్‌ ఇంకా షేర్స్ ఈ పోటోకు దక్కడం విశేషం.

2010 లో ఒక బుల్లి తెర షో ద్వారా కెరీర్ ను ప్రారంభించిన పాయల్‌ రాజ్‌పూత్‌ ప్రస్తుతం టాలీవుడ్‌ తో పాటు ఇంకా పలు భాషల్లో సినిమాలు చేస్తూ బిజీ బిజీగా ఉంది. ఆకట్టుకునే అందంతో పాటు నటన పరంగా పాయల్‌ రాజ్ పూత్‌ పలు సార్లు తనను తాను నిరూపించుకుంది. పాయల్‌ రాజ్ పూత్‌ టాలీవుడ్‌ లో చేసిన ఎంట్రీ సినిమాతోనే సైమా అవార్డును సొంతం చేసుకుంది. కేవలం హీరోయిన్‌ గా మాత్రమే కాకుండా ఐటెం సాంగ్స్ చేసేందుకు ఎప్పుడూ సిద్ధంగా ఉంటానంటూ ప్రకటించిన ఈ అమ్మడు ప్రస్తుతం రెండు తమిళ సినిమాలు, ఒక తెలుగు సినిమా లో నటిస్తోంది. ఆ సినిమాలు బ్యాక్ టు బ్యాక్ ప్రేక్షకుల ముందుకు రాబోతున్నాయి.