అందచందాల హరిణి రాశిఖన్నా.. లెహంగాలో హీటెక్కిస్తోంది
సౌత్ ఇండస్ట్రీలో తనకంటూ ప్రత్యేకమైన ఇమేజ్‌ను సొంతం చేసుకున్న రాశిఖన్నా తాజాగా ఇన్‌స్టాగ్రామ్‌లో షేర్ చేసిన ఫోటోలు నెట్టింట హల్‌చల్ చేస్తున్నాయి.
By: Tupaki Desk | 3 Nov 2024 8:30 PM GMT
సౌత్ ఇండస్ట్రీలో తనకంటూ ప్రత్యేకమైన ఇమేజ్‌ను సొంతం చేసుకున్న రాశిఖన్నా తాజాగా ఇన్‌స్టాగ్రామ్‌లో షేర్ చేసిన ఫోటోలు నెట్టింట హల్‌చల్ చేస్తున్నాయి. ఆకుపచ్చ లెహంగా, స్టైలిష్ జ్యూయలరీతో అట్రాక్టివ్‌గా కనిపిస్తున్న ఈ ఫోటోలు ఆమె అభిమానులను ఎంతగానో ఆకట్టుకుంటున్నాయి. సింపుల్ లుక్‌లోనూ గ్లామరస్ గా అండ్ స్టైలిష్‌గా కనిపించడం రాశి ప్రత్యేకత.
ఈ ఫోటోల్లో రాశి ఆకుపచ్చ రంగు లెహంగాలో ఎంతో అందంగా కనిపించింది. ముఖంలో ఆనందం, కళ్లలో విన్నమ్రత, ఆమె స్టైల్‌లో ఉన్న ఆ హావభావాలు ఒక్కసారి చూస్తే మరిచిపోలేని విధంగా మనసు కట్టిపడేస్తాయి. ఈ లుక్‌తో పాటు ఆమె పోజులు, తన ఎక్స్‌ప్రెషన్స్ అచ్చంగా రాశిఖన్నా గ్లామర్‌కు కొత్త ఆభరణాలుగా కనిపిస్తున్నాయి.
రాశిఖన్నా కేవలం గ్లామర్‌కు మాత్రమే పరిమితం కాకుండా, తన భిన్నమైన నటనతో తెలుగు, తమిళం, హిందీ చిత్రాల్లో ప్రాధాన్యతగల పాత్రలు పోషిస్తూ ఎదుగుతోంది. ఇటీవల వచ్చిన 'అరణ్మనై 4' సినిమాతో తమిళ ప్రేక్షకులను మళ్లీ ఒకసారి తన వైపుకు తిప్పుకుంది. ఈ సినిమా కమర్షియల్‌గా కూడా మంచి సక్సెస్ సాధించి రాశికి మరింత గుర్తింపు తీసుకొచ్చింది.
ఇక సోషల్ మీడియాలో యాక్టివ్‌గా ఉండే రాశి తరచూ ఇలా ఫోటోషూట్లను షేర్ చేస్తూ తన ఫాలోవర్స్‌ని ఉత్సాహపరుస్తుంటుంది. ఈ తాజా ఫోటోషూట్‌పై నెటిజన్ల నుంచి పాజిటివ్ కామెంట్స్ వెల్లువెత్తుతున్నాయి. ఈ ఫోటోల్లోని ఆమె ఘాటైన లుక్స్ చూస్తే స్టార్ హీరోలతో జత కట్టే అవకాశాలు త్వరలోనే రాశిఖన్నా దరి చేరుతాయని అభిమానులు ఆశిస్తున్నారు.
