ఒకేచోట ఐదుగురు హీరోలు.. ఫ్యాన్స్ కు కన్నుల 'పండుగే'!

సాధారణంగా సిల్వర్ స్క్రీన్ పై ఒక్క హీరో పక్కన మరో హీరో కనిపిస్తేనే ఫ్యాన్స్ పండుగ చేసుకుంటారు. అలా తెర వెనుక కూడా కలిసినా ఆనందపడతారు. ఒకేచోట ఏ ఇద్దరు హీరోలు కనిపించినా ఖుషీ అవుతుంటారు. అలాంటిది ఇద్దరు కాదు.. ముగ్గురు కాదు.. ఐదుగురు హీరోలు ఒకే ఫ్రేమ్ లో కనిపిస్తే ఎలా ఉంటుంది? ఆయా హీరోల ఫ్యాన్స్ ఫుల్ హ్యాపీగా ఫీల్ అవుతారు. ఓ రేంజ్ లో పండుగ చేసుకుంటారు. ఇప్పుడు తాజాగా అదే జరిగింది.

టాలీవుడ్ మెగాస్టార్ చిరంజీవి, కింగ్ నాగార్జున, సూపర్ స్టార్ మహేష్ బాబు, మెగా పవర్ స్టార్ రామ్ చరణ్​, యంగ్ హీరో అఖిల్ ఒకే ఫ్రేమ్ లో కనిపించారు. అందుకు సంబంధించిన ఫోటో ఒకటి ఇప్పుడు సోషల్ మీడియాలో వైరల్ గా మారింది. ఆ ఫోటోలో మహేష్ సతీమణి నమ్రతా శిరోద్కర్, రామ్ చరణ్ సతీమణి ఉపాసన కూడా ఉన్నారు. వారంతా ఓ రెస్టారెంట్ లో లంచ్ టేబుల్ దగ్గర కూర్చుని కనిపించారు.

దీంతో ఏంటి స్పెషల్ అని అనేక మంది నెటిజన్లు కామెంట్స్ పెడుతున్నారు. పిక్ అదిరిపోయిందని చెబుతున్నారు. అందరినీ ఒక దగ్గర చూస్తుంటే కన్నుల పండువగా ఉందని అంటున్నారు. సూపర్ ఫోటో అని షేర్ చేస్తున్నారు. బ్యూటిఫుల్ మోమెంట్ అని హాష్ ట్యాగ్ ఇస్తున్నారు. ఫుల్ గా షేర్ చేస్తూ ట్రెండ్ చేస్తున్నారు. ప్రస్తుతం సోషల్ మీడియాలో ఎక్కడ చూసినా ఆ పిక్చరే కనిపిస్తోంది.

అయితే ప్రముఖ టూరిస్ట్ ప్లేస్ మాల్దీవ్స్ లో జరిగిన ఓ ప్రముఖ వ్యాపారవేత్త బర్త్ డే సెలబ్రేషన్స్ లో వారంతా కలిసినట్లు తెలుస్తోంది. గ్రీన్ కో సంస్థ ఎండీ అనిల్ కుమార్ చలమలశెట్టికి మహేష్ రీసెంట్ గా బర్త్ డే విషెస్ చెబుతూ వీడియో రిలీజ్ చేశారు. అంతకుముందు అనిల్ కుమార్, ఆయన సతీమణితో మహేష్ దంపతులు.. మాల్దీవ్స్ బీచ్ లో సందడి చేస్తున్న పిక్స్ వైరల్ అయ్యాయి. ఆ లెక్కన చూసుకుంటే.. గ్రీన్ కో సంస్థ ఎండీ పుట్టినరోజు వేడుకల్లోనే హీరోస్ అంతా కలిసినట్లు తెలుస్తోంది.

ఇక ఆయా హీరోల సినిమాల విషయానికి వస్తే.. చిరంజీవి సోషియో ఫాంటసీ జోనర్ మూవీ విశ్వంభరతో బిజీగా ఉన్నారు. నాగార్జున.. కోలీవుడ్ స్టార్ హీరో ధనుష్ తో కలిసి కుబేర చేస్తున్నారు. తమిళ సూపర్ స్టార్ రజనీకాంత్ చిత్రం కూలీలో కూడా యాక్ట్ చేస్తున్నారు. మహేష్ బాబు.. రాజమౌళితో చేయబోయే సినిమా కోసం రెడీ అవుతున్నారు. రామ్ చరణ్ రీసెంట్ గా గేమ్‌ ఛేంజర్‌ షూటింగ్ ను పూర్తి చేసి రిలీజ్ కోసం వెయిట్ చేస్తున్నారు. అఖిల్ కొత్త ప్రాజెక్ట్స్ స్టార్ట్ చేసేందుకు సిద్ధమవుతున్నారు. ఇప్పుడు అంతా కలిసి సరదాగా గడిపారు!