ఈ నాలుగు చిత్రాలకు అన్నీ వైపుల గండాలే!

ఈ ఏడాది డిసెంబర్ 22న సలార్ రిలీజ్​కు రెడీ అవ్వడంతో ఇతర సినిమాల విడుదల తేదీల్లో మార్పులు చోటుచేసుకున్నాయి. క్రిస్మస్ రేస్ నుంచి వెంకటేశ్ సైంధవ్, నాని హాయ్ నాన్న, నితిన్ ఎక్స్​ ట్రా ఆర్డీనరీ సినిమాలు తప్పుకున్నాయి. అయితే వీటిలో సైంధవ్ ఒకటే సంక్రాంతికి వెళ్లింది. మిగతా చిత్రాలు డిసెంబర్ తొలి వారానికి ప్రీ పోన్ అయ్యాయి.

హాయ్​ నాన్న డిసెంబర్ 7న రిలీజ్ కానుంది. త్వరలోనే అఫీషియల్ అనౌన్స్ మెంట్ రానుంది. వరుణ్ తేజ్​ ఆపరేషన్ వాలైంటైన్ ఇప్పటికే ఇదే విడుదల తేదీని(డిసెంబర్ 8) కన్ఫామ్ చేసుకుంది. అలాగే విశ్వక్ సేన్ గ్యాంగ్స్ ఆఫ్ గోదావరి(అఫీషియల్ అనౌన్స్ మెంట్ రానుంది), నితిన్ ఎక్స్​ట్రా ఆర్డీనరి కూడా డిసెంబర్ 8నే రానున్నాయి.

అయితే ఈ నాలుగు సినిమలు డిసెంబర్ 7, 8 తేదీల్లో రావడం కాస్త చర్చనీయాంశంగా మారింది. ఎందుకంటే ఈ సినిమాలకు వారం రోజుల ముందు అంటే డిసెంబర్ 1వ తేదీన భారీ వైల్డ్ యాక్షన్ ఎంటర్ టైనర్ సినిమా యానిమల్ థియేటర్లలో రిలీజ్ కానుంది. అలాగే ఈ నాలుగు చిత్రాలకు ఓ పది రోజుల తర్వాత డంకీ, కెప్టెన్ మిల్లర్, సలార్ లాంటి భారీ బడ్జెట్​ బడా సినిమాలు విడుదల కానున్నాయి.

మరి ఇలాంటి టఫ్ అండ్ టైట్​ షెడ్యూల్ మధ్య ఈ నాలుగు చిత్రాలను ఒకేసారి విడుదల చేయాలని నిర్ణయం తీసుకోవడం రిస్కీ అనే చెప్పాలి. ఒకవేళ పాజిటివ్ టాక్ తెచ్చుకున్నా.. వసూళ్లను అందుకోవడానికి.. మేజర్ హాలీవుడ్ కూడా లేవు. మరి ఇలాంటి సమయంలో ఒకదానితో మరొకటి క్లాష్ అవ్వడం అంటే.. కలెక్షన్స్​పై ఎఫెక్ట్​ చూపుతుంది.

పైగా డిసెంబర్ 3న ఎలెక్షన్స్​ కూడా పూర్తవుతాయి. దీనికి సంబంధించిన ప్రభావం కూడా మరో వారం రోజుల వరకు అయినా ఉంటుంది. అంతా ఈ హాడావుడిలోనే ఉంటారు. ఇది కూడా ఈ నాలుగు సినిమాల రిలీజ్​కు కాస్త మైనస్​ అవుతుందనె చెప్పాలి. అన్నీ వైపుల నుంచి ఏదో ఒకటి.. ఈ సినిమాల రిలీజ్​ డేట్​కు కాస్త అడ్డుగానే ఉన్నాయి. మరి ఇలాంటి పరిస్థితుల్లో ఈ చిత్రాలు డిసెంబర్ 7,8 తేదీల్లో రిలీజ్ అవ్వడం కరెక్ట్​ కాదని, కచ్చితంగా ఎదురుదెబ్బ తగిలే అవకాశం ఉంటుందని ట్రేడ్ వర్గాలు అభిప్రాయపడుతున్నాయి. చూడాలి మరి ఏం జరుగుతుందో...