తేల్చింది తిక్క...ఇది టాలీవుడ్ లెక్క!
ఇప్ప‌టికే విజ‌య్ `వార‌సుడు` చేసిన సంగ‌తి తెలిసిందే. ఇంకా ఇలా చాలా మంది ఉన్నారు.
By: Tupaki Desk | 24 May 2024 8:00 AM GMT
బాలీవుడ్ కి మ‌న‌మెళ్ల‌డం కాదు. వాళ్ల‌నే ఇక్క‌డి ర‌ప్పిద్దాం? ఎందుకు రారో చూద్దాం అని పాన్ ఇండియా స‌క్సెస్ లు కొట్టి తెలుగు సినిమా ఖ్యాతిని అంత‌కంత‌కు పెంచారు మ‌న ద‌ర్శ‌కులు. ఒక దెబ్బ‌కు రెండు పిట్ట‌లు అన్న చందంగా బాలీవుడ్ న‌టుల‌తో పాటు..కోలీవుడ్ హీరోలు కూడా దెబ్బ‌కి దిగొచ్చారు. త‌ల‌పతి విజ‌య్ త‌న సినిమా తెగుగులో రిలీజ్ అవుతుందంటే? క‌నీసం హైద‌రాబాద్ కి ప్ర‌చారానికి కూడా వ‌చ్చేవారు కాదు. కానీ ఇప్పుడాయ‌న తెలుగు సినిమా అంటే మ‌హా ప్ర‌సాదం అంటూ ముందుకొస్తున్నారు.
ఇప్ప‌టికే విజ‌య్ `వార‌సుడు` చేసిన సంగ‌తి తెలిసిందే. ఇంకా ఇలా చాలా మంది ఉన్నారు. ఒక‌ప్పుడు వీళ్లంతా తెలుగు సినిమా అంటే చిన్న చూపుగా చూసేవారు. కానీ నేడు అదే తెలుగు సినిమా వైపు వాళ్ల‌ను తిప్పుకునే లా మ‌న ప్ర‌తిభావంతులు చేసి స‌క్సెస్ అయ్యారు. ఇక హీరోయిన్ల విష‌యానికి వ‌స్తే పెద్ద‌గా కండీష‌న్లు లేకుండా చాలా మంది హీరోయిన్లు తెలుగు వాళ్ల‌తో న‌టించ‌డానికి ఎప్పుడూ ముందుండేవారు. దాదాపు అన్ని భాష‌ల హీరోయిన్లు తెలుగు సినిమాలు చేయ‌డం అన్న‌ది చాలా కాలంగా కొన‌సాగుతుంది. ఇప్పుడైతే ఏకంగా పోటీ ప‌డి మ‌రీ ముందుకొస్తున్నారు.
జాన్వీ క‌పూర్ ని తెలుగులో లాంచ్ చేయాల‌ని కొంత‌మంది నిర్మాత‌లు ఎంత‌గానో ప్ర‌య‌త్నించారు. కానీ అప్పుడు ఆస‌క్తి చూపించ‌ని అమ్మ‌డు `దేవ‌ర` సెట్స్ లో ఉండగానే రామ్ చ‌ర‌ణ్ 16వ చిత్రానికి సైన్ చేసింది. ఇక మ‌రో బాలీవుడ్ హీరోయిన్ కియారా అద్వాణీ `విన‌య విధేయ రామ`, `భ‌ర‌త్ అనే నేను `త‌ర్వాత మూడ‌వ సినిమా ఇక్క‌డే చేస్తోంది. అదే `గేమ్ ఛేంజ‌ర్`. మ‌రో బాలీవుడ్ ఫేమ‌స్ హీరోయిన్ దీపికా ప‌దుకొణేని ఇక్క‌డ లాంచ్ చేయాల‌ని ఐదేళ్ల కాలంగా ఎంతో మంది ప్ర‌య‌త్నించారు.
చివ‌రిగా ఆ కోరిక ఈ ఏడాదితో నెర‌వేరుతుంది. `క‌ల్కి 2898` తో దీపిక తెలుగు ఆడియ‌న్స్ కి ఎంత‌గా క‌నెక్ట్ అవుతుందో తేలిపోతుంది. అలాగే బాలీవుడ్ అంటూ ఎంత వేగంగా ఎగురు కుంటూ వెళ్లిందో? అంతే వేగంగా టాలీవుడ్ కి కంబ్యాక్ అయింది పూజాహెగ్డే. ఇక్క‌డ వ‌స్తోన్న మంచి అవ‌కాశాల్ని వ‌దిలి మ‌రీ బాలీవుడ్ కి వెళ్లింది. అక్క‌డ తేడా కొట్టేస‌రికి ఏమాత్రం గ్యాప్ తీసుకోకుండా కంబ్యాక్ ప్ర‌య‌త్నాలు చేయ‌గా టాలీవుడ్ క‌నిక‌రించ‌డంతో మ‌ళ్లీ అవకాశాలు అందుకోగ‌ల్గుతుంది.
