మ‌హేష్ కి పోటీగా త‌గ్గేదేలా అంటున్నాడా?

హిట్ కాంబో విజ‌య్ దేవ‌ర‌కొండ‌-ప‌ర‌శురాం క‌ల‌యిక‌లో 'గీత‌గోవిదం' త‌ర్వాత మ‌రో సినిమా తెర‌కెక్కుతోన్న సంగ‌తి తెలిసిందే. ఇది 'గీత‌గోవిందం' త‌ర‌హాలోనే ఫ్యామిలీ ఎంట‌ర్ టైన‌ర్ అని తెలుస్తోంది. 'ఫ్యామిలీ స్టార్' అనే టైటిల్ కూడా ప్ర‌చారం లో ఉంది. దీంతో సినిమాపై అంచ‌నాలు భారీగా ఉన్నాయి. మ‌రోసారి ఈ ద్వ‌యం భారీ హిట్ కొట్ట‌బోతుందని అభిమానులు ఆశిస్తున్నారు. ప్ర‌స్తుతం సినిమా చిత్రీక‌ర‌ణ ద‌శ‌లో ఉంది.

అన్ని ప‌నులు పూర్తి చేసుకుని 2024 సంక్రాంతి కానుక‌గా ప్రేక్ష‌కుల ముందుకు తీసుకొస్తున్న‌ట్లు ప్ర‌చారం సాగుతోంది. అయితే రిలీజ్ ఎప్పుడు అన్న‌ది ఇంకా అధికారికం రాలేదు. 'గుంటూరు కారం'తో పాటు మ‌రికొన్ని సినిమాలు కూడా సంక్రాంతి రేసులో ఉండ‌టంతో? విజ‌య్ అంత‌టి ధైర్యం చేస్తాడా? లేదా? అన్ సందేహాలు తెర‌పైకి వ‌చ్చాయి. అయితే రిలీజ్ విష‌యంలో ఎలాంటి డౌట్ లేద‌ని మ‌రో సంకేతం అందుతోంది.

ఎవ‌రొచ్చినా త‌గ్గేదే లే! అన్న‌ట్లు తాజాగా ఆ సినిమా రిలీజ్ తేది కూడా తెర‌పైకి వ‌స్తోంది. జనవరి 14న ప్రేక్షకుల ముందుకు రానుందంటూ కొత్త వార్త తెర‌పైకి వ‌చ్చింది. టీజర్‌తో పాటు అధికారిక ప్రకటన కూడా అతి త్వ‌ర‌లోనే వ‌చ్చే అవ‌కాశం ఉంద‌ని యూనిట్ వ‌ర్గాల నుంచి లీకైంది. దీంతో బాక్సాఫీస్ వార్ దాదాపు ఖాయ‌మైన‌ట్లే క‌నిపిస్తుంది. ఇప్ప‌టివ‌ర‌కూ విజ‌య్ న‌టించిన ఏ సినిమా మ‌హేష్ సినిమాకి పోటీగా రిలీజ్ కాలేదు.

అన్ని ర‌కాల వెసులు బాటులు చూసుకుని చిత్రాన్ని రిలీజ్ చేసేవారు. కానీ 2024 లో మాత్రం వెన‌క‌డుగు వేస్తున్న‌ట్లు క‌నిపించ‌లేదు. సూప‌ర్ స్టార్ హీరోల చిత్రాల‌తోనే పోటీకి సై అంటున్న‌ట్లు క‌నిపిస్తుంది. ఇక మ‌హేష్ ని అభిమానించే యంగ్ హీరోల్లో విజ‌య్ కూడా ఒక‌రు. యంగ్ హీరోని మ‌హేష్ కూడా విజ‌య్ అంటే చాలా పాజిటివ్ గా ఉంటారు. నీ కెరీర్ కి తిర‌గులేద‌మ్మా అంటూ ప్రోత్స‌హించిన సంద‌ర్భం ఉంది. ఇలాంటి హెల్దీ వెద‌ర్ లో విజ‌య్ వ‌ర్సెస్ మ‌హేష్ ఆస‌క్తిక‌ర‌మే క‌దా. విజ‌య్ చిత్రాన్ని దిల్ రాజు నిర్మిస్తున్న సంగ‌తి తెలిసిందే.