టాలీవుడ్‌ కి రూ.1000 కోట్ల బిజినెస్‌ లాస్!
ఇప్పటికే సమ్మర్ సీజన్ మొదలు అయ్యింది. ఫ్యామిలీ స్టార్‌ సినిమాతో ఈ హాలీడే సీజన్ మొదలు అయ్యింది
By: Tupaki Desk | 16 April 2024 4:20 AM GMT
ఇతర సినిమా ఇండస్ట్రీలతో పోల్చితే టాలీవుడ్‌ కి ఏప్రిల్‌, మే నెలలు అత్యంత కీలకం. దాదాపుగా మూడు నెలల సమ్మర్ కాలంలో టాలీవుడ్‌ నుంచి మంచి సినిమాలు రావాలే కానీ వెయ్యి కోట్లకు పైగా వసూళ్లు సాధించే అవకాశం ఉంటుంది. కానీ ఈ సమ్మర్ సీజన్ మొత్తం కూడా బూడిదలో పోసిన పన్నీరు అయ్యేలా ఉంది.
ఇప్పటికే సమ్మర్ సీజన్ మొదలు అయ్యింది. ఫ్యామిలీ స్టార్‌ సినిమాతో ఈ హాలీడే సీజన్ మొదలు అయ్యింది. ఆ సినిమా నిరాశ పరిచింది. టిల్లు స్క్వేర్‌ కి పాజిటివ్‌ టాక్‌ వచ్చింది. అయితే పూర్తి స్థాయి ఫ్యామిలీ మూవీ మాత్రం ఈ సమ్మర్ లో ఇప్పటి వరకు ప్రేక్షకుల ముందుకు రాలేదు.
వచ్చే నెలలో ఏపీలో అసెంబ్లీ ఎన్నికలతో పాటు దేశ వ్యాప్తంగా పార్లమెంట్‌ ఎన్నికలు జరుగబోతున్నాయి. కనుక పెద్ద సినిమాలు ఏవీ కూడా వచ్చే నెలలో విడుదల అయ్యే పరిస్థితి లేదు. కల్కి వస్తుందని ప్రకటన వచ్చినప్పటికి వాయిదా వేయడం కన్ఫర్మ్‌ అయ్యింది.
గత నెల మరియు ఈ నెలలో అయినా మంచి సినిమాలు వచ్చి ఉంటే సమ్మర్ హాలీడేస్‌ కి కచ్చితంగా భారీ వసూళ్లు నమోదు అయ్యేవి. వచ్చే నెలలో చిన్న సినిమాలు విడుదల కాబోతున్నాయి. వాటిల్లో కూడా ఏ ఒక్కటి మినిమం బజ్ ను క్రియేట్‌ చేయలేక పోతున్నాయి.
గత రెండు మూడు సంవత్సరాల్లో ఇలాంటి పరిస్థితి ఎప్పుడూ లేదు. మీడియం రేంజ్ హిట్‌ సినిమాలు అయినా వచ్చేవి. కానీ ఈసారి మాత్రం సమ్మర్ దాదాపు మొత్తం వృధా అవుతోంది. ఈ సమ్మర్ లో పెద్ద హీరోలు ప్లాన్‌ చేయక పోవడంతో పాటు, చిన్న హీరోల సినిమాలు నిరాశ పరచడం మరియు ఎన్నికలు ఇలా చాలా కారణాల వల్ల ఇండస్ట్రీకి పెద్ద లాస్.
ఈ సమ్మర్ ఇతర ఇండస్ట్రీల విషయాన్ని వదిలేస్తే టాలీవుడ్‌ కి మాత్రం కచ్చితంగా తక్కువలో తక్కువ రూ.వెయ్యి కోట్లు లాస్ అని బాక్సాఫీస్‌ వర్గాల వారు విశ్లేషిస్తున్నారు. వచ్చినప్పుడు ఒకేసారి మూడు నాలుగు పెద్ద సినిమాలు వస్తున్నాయి. అప్పుడప్పుడు ఇలా మంచి టైమ్‌ ను వేస్ట్‌ చేస్తున్నారు. నిర్మాతలు ఈ విషయమై కాస్త ఆలోచన చేస్తే బాగుంటుంది.
