1000 కోట్ల రేసులో ఇద్దరు టాలీవుడ్ స్టార్స్..!

ప్రాంతీయ సినిమాగా ఉన్న తెలుగు మూవీస్ ఇప్పుడు ప్రపంచంలో ఉన్న సినీ ప్రియులందరినీ అలరించే కంటెంట్ తో వస్తున్నారు. బాహుబలితో తెలుగు సినిమా క్రేజ్ ను నెక్స్ట్ లెవెల్ కి తీసుకెళ్లిన రాజమౌళి మరికొంతమంది అలాంటి ప్రయత్నాలు చేసేందుకు మార్గం సుగమం చేశాడు. బాహుబలి తర్వాత ఆర్.ఆర్.ఆర్ కూడా ఇంటర్నేషనల్ లెవెల్ లో ఆడియన్స్ ని ఇంప్రెస్ చేయగా అదే బాటలో ఇప్పుడు మరికొన్ని సినిమాలు వస్తున్నాయి. ఈ ఇయర్ రాబోతున్న పుష్ప 2, కల్కి సినిమాలు భారీ టార్గెట్ తో వస్తున్నాయి.

పుష్ప 1 బ్లాక్ బస్టర్ హిట్ అందుకోగా పుష్ప 2ను కూడా అదే రేంజ్ సక్సెస్ అందుకునేందుకు కృషి చేస్తున్నారు. పుష్ప 2 కి ఉన్న క్రేజ్ చూస్తే 1000 కోట్ల టార్గెట్ ఫిక్స్ చేసుకున్నాడని తెలుస్తుంది. పుష్ప 2 ప్రీ రిలీజ్ బిజినెస్ కూడా భారీగానే జరుగుతుంది. ఇక ఇదే బాటలో ప్రభాస్ కల్కి కూడా అదే హైప్ తో వస్తుంది. నాగ్ అశ్విన్ డైరెక్షన్ లో టైం ట్రావెల్ బ్యాక్ డ్రాప్ తో వస్తున్న ఈ కల్కి సినిమా ప్రచార చిత్రాలతో భారీ క్రేజ్ తెచ్చుకుంది.

ఆల్రెడీ ప్రభాస్ బాహుబలితో 1000 కోట్లు కొట్టాడు. మళ్లీ కల్కితో ఆ ఫీట్ సాధించాలని చూస్తున్నాడు. ప్రభాస్ కల్కి, అల్లు అర్జున్ పుష్ప 2 ఈ రెండు సినిమాలు కూడా ఈ ఇయర్ రాబోతున్న 1000 కోట్ల సినిమాలంటూ ఫ్యాన్స్ చెప్పుకుంటున్నారు. వీటిపై ఉన్న అంచనాలకు అనుకున్న అంచనాలను అందుకుంటే మాత్రం 1000 కోట్లు పెద్ద కష్టమేమి కాదు. అయితే పుష్ప 2, కల్కి మాత్రమే కాదు RRR హీరోల సినిమాలు కూడా ఉన్నాయి.

ట్రిపుల్ ఆర్ తో బాక్సాఫీస్ దగ్గర 1000 కోట్లు విధ్వంస సృష్టించిన ఎన్టీఆర్ , రాం చరణ్ ఇప్పుడు సోలోగా బాక్సాఫీస్ పై తమ సత్తా చాటాలని చూస్తున్నారు. ఎన్.టి.ఆర్ దేవరతో దమ్ము చూపించాలని చూస్తుండగా గేమ్ చేంజర్ తో రాం చరణ్ తన మాస్ స్టామినా చూపించాలని చూస్తున్నాడు. ఈ రెండు సినిమాలు కూడా ఈ ఇయర్ 1000 కోట్లు కొల్లగొట్టే రేసులో ఉండగా రాబోతున్న సినిమాలతో ఆడియన్స్ కు మంచి ఫీస్ట్ అందించేందుకు సిద్ధమవుతున్నాయి. మరి ఈ సినిమాల్లో ఏది ఎంతటి విధ్వంసం సృష్టిస్తుందో చూడాలి.