నాని నెక్స్ట్.. రంగంలోకి టాప్ టెక్నీషియన్స్

ఈ మధ్యకాలంలో టాలీవుడ్ లో మలయాళీ మ్యూజిక్ డైరెక్టర్స్ కి డిమాండ్ పెరుగుతోంది. మలయాళం ఇండస్ట్రీ నుంచి గోపి సుందర్, అబ్దుల్ వాహబ్ లాంటి మ్యూజిక్ డైరెక్టర్స్ వచ్చి తెలుగులో సక్సెస్ అందుకున్నారు. తెలుగులో స్టార్ మ్యూజిక్ డైరెక్టర్స్ గా ఉన్న తమన్ పెద్ద సినిమాలతో బిజీ అయిపోయాడు.

దేవిశ్రీ ప్రసాద్ సినిమాలు తగ్గించేసాడు. అలాగే వారి రెమ్యునరేషన్ కూడా మినిమం రేంజ్ సినిమాలు చేసే నిర్మాతలకి అందుబాటులో లేదు. కొంతమంది టాలెంటెడ్ మ్యూజిక్ డైరెక్టర్స్ ఉన్న వారి సాంగ్స్ లో రిపీటేడ్ సౌండ్స్ వినిపిస్తున్నాయనే కంప్లైంట్స్ ఉన్నాయి. ఈ నేపథ్యంలోనే మలయాళీ మ్యూజిక్ డైరెక్టర్స్ పై ఆసక్తి చూపిస్తున్నారు.

గోపి సుందర్, తరహాలోనే టాక్సీవాలా సినిమాతో టాలీవుడ్ లోకి అడుగుపెట్టిన మ్యూజిక్ డైరెక్టర్ జేక్స్ బిజోయ్. మలయాళంలో స్టార్ మ్యూజిక్ డైరెక్టర్స్ గా ఉన్న జేక్స్ తెలుగులో చావు కబురు చల్లగా, పక్కా కమర్షియల్, ఒకే ఒక జీవితం సినిమాలకి సంగీతం అందించారు. ఈ నాలుగింటి రెండు సూపర్ హిట్ అయ్యాయి.

అయితే ఆ సినిమాల సాంగ్స్ పరంగా జేక్స్ బిజోయ్ పేరు పెద్దగా సౌండ్ చేయలేదు. దీంతో తెలుగు ప్రేక్షకులకి అంతగా పరిచయం కాలేదు. అయితే నేచురల్ స్టార్ నాని ఇప్పుడు వివేక్ ఆత్రేయతో చేయబోతున్న Nani 31 చిత్రం కోసం జేక్స్ బిజోయ్ ని మ్యూజిక్ డైరెక్టర్స్ గా కన్ఫర్మ్ చేశారు. తాజాగా పోస్టర్ తో ఈ విషయాన్ని ధృవీకరించారు.

చివరిగా జేక్స్ బిజోయ్ నుంచి దుల్కర్ సల్మాన్ కింగ్ ఆఫ్ కోత సినిమా వచ్చింది. ప్రస్తుతం అతని చేతిలో నాలుగు మలయాళీ సినిమాలు ఒక తమిళ్ సినిమాలు ఉన్నాయి. వీటితో పాటు విశ్వక్ సేన్ హీరోగా రామ్ తాళ్లూరి నిర్మిస్తోన్న మూవీకి జేక్స్ మ్యూజిక్ అందిస్తున్నారు. అలాగే నాని 31వ సినిమాకి సినిమాటోగ్రాఫర్ గా మురళి జి కన్ఫర్మ్ అయ్యారు. ఇతను చివరిగా విజయ్ దేవరకొండ ఖుషి సినిమాకి వర్క్ చేశారు.