తండేల్ ట్రైలర్ కు ట్రెమండస్ రెస్పాన్స్.. ప్రమోషన్స్ వేరే లెవెల్..

టాలీవుడ్ యంగ్ హీరో అక్కినేని నాగచైతన్య, హీరోయిన్ సాయి పల్లవి జంటగా మరోసారి నటిస్తున్న లేటెస్ట్ మూవీ తండేల్. ఇప్పటికే లవ్ స్టోరీ మూవీతో ఆడియన్స్ ను అలరించిన ఆ జోడీ.. ఇప్పుడు స్క్రీన్ పై సందడి చేసేందుకు సిద్ధమవుతున్నారు. యంగ్ డైరెక్టర్ చందూ మొండేటి దర్శకత్వం వహిస్తున్న తండేల్ ఫిబ్రవరి 7వ తేదీన థియేటర్లలోకి రిలీజ్ కానుంది.

పీరియాడిక్ లవ్ స్టోరీగా రూపొందుతున్న తండేల్ ను ప్రముఖ గీతా ఆర్ట్స్ బ్యానర్ పై స్టార్ ప్రొడ్యూసర్ అల్లు అరవింద్ సమర్పిస్తుండగా.. బన్నీ వాసు నిర్మిస్తున్నారు. రిలీజ్ డేట్ దగ్గరపడుతున్న కొద్దీ మేకర్స్.. ప్రమోషన్స్ ను ఫుల్ జోష్ తో నిర్వహిస్తున్నారు. వేరే లెవెల్ కంటెంట్ తో ఆడియన్స్ ను మెప్పిస్తున్నారు. సినిమాపై పాజిటివ్ బజ్ క్రియేట్ చేస్తున్నారు.

మ్యూజికల్ ప్రమోషన్స్ లో భాగంగా ఇప్పటి వరకు మేకర్స్ రిలీజ్ చేసిన మూడు సాంగ్స్ కూడా ఛార్ట్ బస్టర్ గా నిలిచాయి. నెవ్వర్ బిఫోర్ అనేలా మెప్పిస్తున్నాయి. కచ్చితంగా అందరి మదిలో నిలిచి పోయేలా ఉన్నాయి. అదే సమయంలో మేకర్స్ రీసెంట్ గా ట్రైలర్ ను రిలీజ్ చేసిన విషయం తెలిసిందే. ప్రేక్షకుల నుంచి ట్రెమండస్ రెస్పాన్స్ అందుకుని దూసుకుపోతోంది.

24 గంటల్లో 9.47 మిలియన్ వ్యూస్ మార్క్ ను తండేల్ ట్రైలర్ అందుకుంది. ఇప్పుడు కూడా అదే జోష్ లో సందడి చేస్తోంది. దీంతో ట్రైలర్ గురించే అంతా మాట్లాడుకుంటున్నారు. కరెక్ట్ టైమ్ లో ట్రైలర్ రిలీజ్ చేశారని, సరైన రీతిలో మేకర్స్ కట్ చేశారని కొనియాడుతున్నారు. దీని బట్టి తండేల్ మేకర్స్.. ప్రమోషన్స్ విషయంలో సక్సెస్ అయ్యారని చెప్పాలి.

మొత్తానికి సినిమాకు గాను.. మేకర్స్ అగ్రెసివ్ గా ప్రమోట్ చేస్తున్నారు. అయితే తండేల్ మూవీ తెలుగుతో పాటు త‌మిళం, హిందీ భాష‌ల్లో రిలీజ్ అవుతోంది. అందులో భాగంగా నేడు చెన్నైలో ఈవెంట్ నిర్వహించనున్నారు. త‌మిళ ట్రైల‌ర్ ను కోలీవుడ్ అగ్ర హీరో కార్తి రిలీజ్ చేయనున్నారు. ఆ తర్వాత శుక్రవారం.. ముంబైలో ఈవెంట్ జరపనున్నారు.

బాలీవుడ్ స్టార్ హీరో అమీర్ ఖాన్.. ముంబై ఈవెంట్ కు రానున్నారు. ఇక తెలుగు ఈవెంట్ కు మేకర్స్ అన్ని ఏర్పాట్లు చేస్తున్నారు. అదే సమయంలో నాగ చైతన్య.. పలు టీవీ గేమ్ షోస్ లో కూడా పాల్గొని సందడి చేస్తున్నారు. మొత్తానికి తండేల్ మేకర్స్.. ఓ రేంజ్ లో ప్రమోషన్స్ నిర్వహిస్తున్నారని చెప్పాలి. భారీ హిట్ కొట్టాలనే టార్గెట్ తో తమదైన ప్లాన్ తో ముందుకు వెళ్తున్నారు. మరి ఎలాంటి విజయం సాధిస్తారో తెలియాలంటే మరికొన్ని రోజులు వెయిట్ చేయాల్సిందే.