దర్శకుడి మూడు అక్షరాల 'కా' సెంటిమెంట్‌...!
అందుకే తన తదుపరి సినిమాకు ధమాకా, మజాకా టైటిల్స్ తరహాలోనే 'హురేకా' అనే టైటిల్‌ను ఖరారు చేసినట్లుగా తెలుస్తోంది.
By: Tupaki Desk | 28 Jan 2025 10:30 PM GMT
'సినిమా చూపిస్తా మావ' సినిమాతో పదేళ్ల క్రితం సూపర్‌ హిట్‌ను దక్కించుకున్న దర్శకుడు త్రినాథరావు నక్కిన ఆ వెంటనే నానితో 'నేను లోకల్‌' సినిమాతో మరో విజయాన్ని సొంతం చేసుకున్నాడు. అయితే ఆ తర్వాత చేసిన హలో గురు ప్రేమ కోసమే సినిమా నిరాశ పరచడంతో చాలా గ్యాప్ తీసుకుని రవితేజతో 'ధమాకా' సినిమాతో ప్రేక్షకుల ముందుకు వచ్చాడు. 2022లో వచ్చి ధమాకా సినిమా బాక్సాఫీస్‌ వద్ద భారీ విజయాన్ని సొంతం చేసుకోవడంతో ఈయన నుంచి బ్యాక్ టు బ్యాక్ సినిమాలు వస్తాయని అంతా భావించారు. కాని హిట్‌ కొట్టినా దాదాపు మూడు ఏళ్లు గ్యాప్ తీసుకున్నాడు. ఎట్టకేలకు వచ్చే నెలలో మజాకా సినిమాతో ప్రేక్షకుల ముందుకు రాబోతున్నాడు.
సందీప్ కిషన్‌ హీరోగా రూపొందిన 'మజాకా' సినిమాకి విడుదలకు ముందే పాజిటివ్ బజ్‌ క్రియేట్‌ అయ్యింది. ధమాకా స్థాయిలో మజాకా సినిమా ఉంటుందనే నమ్మకంను చాలా మంది వ్యక్తం చేస్తున్నారు. ఇటీవల మజాకా సినిమా ప్రమోషన్‌ల్‌ ఈవెంట్‌లో హీరోయిన్‌ అన్షు గురించి త్రినాథరావు నక్కిన చేసిన వ్యాఖ్యలు వివాదాస్పదం కావడం, మహిళ కమీషన్‌ నోటీసులు జారీ చేయడం జరిగిన విషయం తెల్సిందే. దాంతో మజాకా సినిమా గురించి మీడియాలో ప్రముఖంగా ప్రచారం జరిగి అదనపు ప్రచారం దక్కింది. దాంతో మజాకా సినిమా కోసం ప్రేక్షకులు ఎదురు చూస్తున్నారు.
సందీప్ కిషన్‌లోని మాస్‌ యాంగిల్‌ను చక్కగా వినియోగించుకోవడంతో పాటు ఒక విభిన్నమైన కామెడీ కథతో ఈ సినిమాను త్రినాథరావు రూపొందించాడనే వార్తలు వస్తున్నాయి. మజాకా టైటిల్‌ సైతం సినిమాపై పాజిటివ్ బజ్‌ క్రియేట్‌ కావడంలో హెల్ఫ్‌ అయ్యింది. అందుకే తన తదుపరి సినిమాకు ధమాకా, మజాకా టైటిల్స్ తరహాలోనే 'హురేకా' అనే టైటిల్‌ను ఖరారు చేసినట్లుగా తెలుస్తోంది. దర్శకుడు త్రినాధ రావు నక్కిన తన మజాకా సినిమా విడుదల కాకుండానే మరో సినిమాను లైన్‌లో పెట్టాడు. గత చిత్రాలకు చాలా గ్యాప్ వచ్చిన కారణంగా ఈ సినిమాకు అలా గ్యాప్ రాకుండా ప్లాన్‌ చేస్తున్నాడు.
హవీష్‌ హీరోగా త్రినాథరావు నక్కిన దర్శకత్వంలో ఒక సినిమా రూపొందబోతుంది. ఆ సినిమాకు హురేకా అనే టైటిల్‌ను కన్ఫర్మ్‌ చేశాడు. మూడు అక్షరాల టైటిల్‌ సెంటిమెంట్‌తో పాటు చివరి అక్షరంగా కా ఉండేలా దర్శకుడు ఈ టైటిల్‌ని ఖరారు చేసినట్లుగా తెలుస్తోంది. మజాకా సినిమా హిట్‌ టాక్‌ దక్కించుకుంటే సెంటిమెంట్‌తో హురేకా సినిమా సైతం మంచి విజయం సాధించే అవకాశాలు ఎక్కువగా ఉన్నాయి. మాస్‌ సినిమాల దర్శకుడిగా పేరు దక్కించుకున్న త్రినాథరావు నక్కిన మూడు అక్షరాల 'కా' అక్షరం సెంటిమెంట్‌తో హిట్‌ కొట్టేనా చూడాలి.
