ట్రిప్తి దిమ్రీ బోయ్ ఫ్రెండ్ ఇత‌డేనా?

సందీప్ రెడ్డి వంగా 'యానిమల్'లో తన పాత్రతో యూత్‌ని విప‌రీతంగా ఆకర్షించిన ట్రిప్తి డిమ్రీ ఆ త‌ర్వాత ఇంట‌ర్నెట్ లోను వేవ్స్ క్రియేట్ చేస్తోంది. నేష‌న‌ల్ క్ర‌ష్ గా వెలిగిపోతోంది. అటుపై వ‌రుసగా క్రేజీ ఫ్రాంఛైజీల్లో సీక్వెల్ సినిమాల్లో న‌టిస్తూ హాట్ టాపిక్ గా మారింది. ట్రిప్తి ప్ర‌యివేట్ లైఫ్ గురించి ఇటీవ‌ల బోలెడంత చ‌ర్చ సాగుతోంది. ఇటీవల ట్రిప్తి ముంబైలో జంట‌గా కనిపించింది. పాపుల‌ర్ వ్యాపారవేత్త సామ్ మర్చంట్‌తో ట్రిప్తి ప‌బ్లిగ్గా క‌నిపించ‌డంతో తన సంబంధం గురించి మరోసారి పుకార్లు మొద‌ల‌య్యాయి.

గ‌త ఆదివారం నాడు ట్రిప్తి దిమ్రీ ముంబైలోని పాపుల‌ర్ తినుబండారాల స్పాట్ కి వ‌చ్చింది. తన లగ్జరీ కారు నుండి బయటికి వచ్చిన ఈ బ్యూటీ చిక్ ప్యాంట్‌సూట్‌లో స్టైలిష్ గా క‌నిపించింది. అయితే త‌న‌తో పాటు ఉన్న అత‌డిపైనే అంద‌రి క‌ళ్లు. ఇంత‌కీ అత‌డు ఎవ‌రు? అంటూ ఆరాలు మొద‌ల‌య్యాయి. అత‌డు సామ్ మ‌ర్చంట్. పాపుల‌ర్ వ్యాపారవేత్త. అత‌డు చాలా సింపుల్ గా స్టైలిష్‌గా క‌నిపించాడు. సాధా నలుపు రంగు టీ-షర్టును ధరించి, డెనిమ్ ప్యాంటు లో కనిపించాడు. ఈ జంట ఎంతో ముచ్చ‌ట‌గా ఉంది అంటూ అభిమానులు భావించారు. వీరిద్దరిని ఇలా చూడటం అభిమానులలో మరోసారి ఉత్సాహాన్ని రేకెత్తించింది.

అయితే ఇప్ప‌టివ‌ర‌కూ ఈ జంట త‌మ సంబంధాన్ని ధృవీక‌రించ‌లేదు. బహిరంగంగా ఏదీ ధృవీకరించనప్పటికీ, వారు తరచుగా కలిసి కనిపించడం.. సమన్వయంతో కూడిన దుస్తులు ధ‌రించి ఈవెంట్ కి రావ‌డం ఇవ‌న్నీ వారి మ‌ధ్య సన్నిహిత బంధాన్ని సూచిస్తున్నాయ‌ని విశ్లేషిస్తున్నారు

ట్రిప్తీ డిమ్రీ 'యానిమల్'లో ర‌ణ‌బీర్ స‌ర‌స‌న‌ జోయా పాత్రతో ఆక‌ట్టుకుంది. ఇటీవ‌ల 'బాడ్ న్యూజ్'లో విక్కీ కౌశల్ - అమీ విర్క్‌లతో కలిసి కనిపించింది. దీపావళి 2024 వారాంతంలో విడుదల కానున్న కార్తీక్ ఆర్యన్ 'భూల్ భూలైయా 3'లోను న‌టిస్తోంది. 'ధడక్ 2' లోను ట్రిప్తి క‌థానాయిక‌. బాలీవుడ్‌లోని అత్యంత ఆశాజనక యువ తారలలో ఒకరిగా ఈ భామ త‌న‌ స్థానాన్ని మరింత పటిష్టం చేసుకుంది.