బాయ్ ఫ్రెండ్‌కు త్రిప్తి బ‌ర్త్ డే విషెస్

యానిమ‌ల్ సినిమాతో ఒక్క‌సారిగా అంద‌రి దృష్టిని త‌న‌వైపు తిప్పుకున్న త్రిప్తి డిమ్రి ఆ సినిమా త‌ర్వాత వ‌రుస సినిమా అవ‌కాశాలందుకుని కెరీర్లో ముందుకు దూసుకెళ్తుంది. రీసెంట్ గా భూల్ భూల‌య్యా3 సినిమాతో మంచి హిట్ అందుకున్న త్రిప్తి, తాజాగా త‌న రూమ‌ర్డ్ బాయ్ ఫ్రెండ్ సామ్ మ‌ర్చంట్ కు పుట్టిన రోజు శుభాకాంక్ష‌లు తెలిపింది.

బ‌ర్త్ డే విషెస్ తెలియ‌చేస్తూ త్రిప్తి, సామ్ తో క్లోజ్ గా ఉన్న ఫోటోల‌ను షేర్ చేసింది. ఈ ఫోటోల‌ను ఇప్ప‌టివ‌ర‌కు ఎక్క‌డా త్రిప్తి కానీ, సామ్ కానీ షేర్ చేసింది లేదు. త్రిప్తి షేర్ చేసిన ఫోటోల్లో వారిద్ద‌రూ ఎంతో క్లోజ్ గా క‌నిపిస్తున్నారు. ఇద్ద‌రూ స‌న్ గ్లాసెస్ పెట్టుకుని న‌వ్వుతూ దిగిన ఫోటోతో పాటూ, సామ్ కార్ డ్రైవ్ చేస్తున్న ఫోటో, ఎగ్జిబిష‌న్ లో ఉన్న సిల్వ‌ర్ జ్యుయ‌ల‌రీ వైపు చూపుతున్న ఫోటోతో పాటూ బ‌ర్త్ డే ట్రీట్ లోని ఫోటోల‌ను కూడా త్రిప్తి షేర్ చేసింది.

త్రిప్తి ఆ ఫోటోల‌కు ఓ బ్యూటిఫుల్ కొటేష‌న్ ను కూడా రాసి జోడించింది. హ్యాపీ బ‌ర్త్ డే సామ్ మ‌ర్చంట్.. నీ ప్రేమ‌, ఆనందం మ‌ళ్లీ నీకే వ‌స్తుంద‌ని తృప్తి రాసుకొచ్చింది. ఇదిలా ఉంటే వీరిద్ద‌రూ చాలా కాలంగా డేటింగ్ లో ఉన్నార‌ని ఎప్ప‌ట్నుంచో వార్త‌లొస్తున్నాయి. కానీ ఇటు త్రిప్తి కానీ, అటు సామ్ మ‌ర్చంట్ కానీ ఈ విష‌యాన్ని ఎప్పుడూ అధికారికంగా చెప్పింది లేదు.

అయితే త్రిప్తి షేర్ చేసిన ఈ ఫోటోలు, కొటేష‌న్ తో వారి డేటింగ్ మ్యాట‌ర్ ఇప్పుడు అంద‌రికీ క‌న్ఫ‌ర్మ్ అయిపోయింది. వారిద్ద‌రూ త‌ర‌చూ క‌ల‌వ‌డం, క‌లిసి ఫిన్‌లాండ్ లో న్యూ ఇయ‌ర్ ను సెల‌బ్రేట్ చేసుకోవ‌డం చూస్తే వారి డేటింగ్ రూమ‌ర్లు నిజ‌మ‌నే అనిపిస్తున్నాయి. ఇక సామ్ మ‌ర్చంట్ విష‌యానికొస్తే అత‌నొక హై ఎండ్ వీఐపీ అకామిడేష‌న్ ఇచ్చే కాసా వాట‌ర్స్, అవోర్ గోవా ఫౌండ‌ర్. హోట‌లియ‌ర్ అవ‌క‌ముందు సామ్ మర్చంట్ మోడ‌ల్ గా బాగా స‌క్సెస్ అయ్యి, ఆ త‌ర్వాత త‌న వ్యాపారాల‌తో బిజీ అయిపోయాడు.