అనుష్క సోద‌రుడి నుంచి విడిపోయాక‌..!

బుల్బుల్ -ఖలాలో ట్రిప్తీ డిమ్రీ అద్భుతమైన పాత్రల్లో న‌టించినా తాజా బ్లాక్ బ‌స్ట‌ర్ 'యానిమ‌ల్'తో త‌న గుర్తింపు మ‌రో స్థాయిని తాకింది. ఇప్పుడు ఏ మూల విన్నా ట్రిప్తీ గురించిన ముచ్చ‌టే. యానిమ‌ల్ ట్రిప్తీకి ఉన్నత స్థాయికి ఎదగడానికి సహాయపడుతోంది. రణబీర్ కపూర్ సినిమాలో న‌టించింది చిన్న పాత్రే అయినా త‌న‌కు పెద్ద గుర్తింపు ద‌క్కింది. ఇటీవ‌ల వ‌రుస చిత్రాల‌కు సంత‌కాలు చేస్తోంది. ఈ బ్యూటీ సోషల్ మీడియాలో కొత్త 'నేషనల్ క్రష్'గా పాపుల‌రైంది.

అలాగే ట్రిప్తీకి చెందిన పాత ఎఫైర్లు ఇప్పుడు వైర‌ల్ గా ప్ర‌చారం ద‌క్కించుకుంటున్నాయి. ఇప్ప‌టికే అనుష్క శర్మ సోదరుడు కర్నేష్ శర్మ నుంచి విడిపోయిన తర్వాత త్రిప్తి సామ్ మర్చంట్ అనే ప‌రిశ్ర‌మ వ్యక్తితో డేటింగ్ చేస్తోంద‌ని ప్ర‌చార‌మ‌వుతోంది. ట్రిప్తి తన వ్యక్తిగత జీవితంలో స్వేచ్ఛ‌గా ముందుకు సాగుతున్నట్లు పుకార్లు వ్యాపిస్తున్నాయి. తాజాగా సామ్ మ‌ర్చంట్‌తో స‌న్నిహితంగా ఉన్న ఫోటోలు బయటపడ్డాయి. ముఖ్యంగా వారిద్దరూ ఇటీవల ఓ వివాహానికి జంట‌గా హాజరయ్యారు. ట్రిప్టి డిమ్రీతో సామ్ డేటింగ్ చేస్తున్నాడు. తాజాగా షేర్ అయిన ఫోటోల్లో తెల్లటి లెహంగా చోళీలో త్రిప్తీ అందంగా కనిపించింది. ఆ ఫొటోల్లో సామ్ మర్చంట్ స్టైలిష్ గా క‌నిపించారు. ఇప్పటికే ఈ జంట‌ కలిసి ఉన్నారని చాలా పుకార్లు ఉన్నాయి.

ఇంత‌కీ సామ్ మర్చంట్ ఎవ‌రు? అంటే..అత‌డు గోవాలోని వాటర్స్ బీచ్ లాంజ్ & గ్రిల్ వ్యవస్థాపకుడు. అతడి ఇన్‌స్టా బయో ప్రకారం.. వ్యాపారి కం మోడల్ గా పాపుల‌ర్. 2002 గ్లాడ్‌రాగ్స్ మాన్‌హంట్ పోటీ విజేత. సామ్ మ‌ర్చంట్ తన స్వంత వ్యాపారాన్ని ప్రారంభించే ముందు కొంతకాలం మోడలింగ్‌లో తన ల‌క్ చెక్ చేసుకున్నాడు. గోవాలోని హోటళ్లు బీచ్ క్లబ్‌లలో ఎక్కువగా పని చేశాడు. ట్రిప్తీ, టైగర్ ష్రాఫ్, దిశా పటానీ వంటి స్టార్‌లు అతడిని ఇన్‌స్టాగ్రామ్‌లో అనుసరిస్తున్నారు. ఇన్ స్టాలో అతడికి దాదాపు 249k ఫాలోవర్లు ఉన్నారు. సామ్ ప్రయాణం చేయడానికి ఇష్టపడతాడు. అతడు ప్ర‌ముఖ‌ ట్రావెల్ బ్లాగర్ కూడా. ప్రపంచం నలుమూలల నుండి విభిన్న‌ బ్రాండ్‌ల తో ఉన్న ఫోటోలు ఇన్ స్టాలో ఉన్నాయి.