ప్రభాస్ తో 16 ఏళ్ళ తర్వాత ఆ హీరోయిన్..

పాన్ ఇండియా స్టార్ ప్రభాస్ చేతిలో ప్రస్తుతం ఆరు సినిమాల వరకు ఉన్నాయి. వాటిలో రెండు సీక్వెల్స్ కావడం విశేషం. ఇవి కాకుండా మారుతి దర్శకత్వంలో ది రాజాసాబ్, హను రాఘవపూడి దర్శకత్వంలో ఫౌజీ, సందీప్ రెడ్డి వంగాతో స్పిరిట్ సినిమాలు ప్రభాస్ చేయనున్నాడు. స్పిరిట్ సినిమాని సందీప్ రెడ్డి రెండు భాగాలుగానే ప్లాన్ చేస్తున్నారంట. అంటే ఈ లెక్కన చూసుకుంటే మరో 4-5 ఏళ్ళ వరకు డార్లింగ్ ప్రభాస్ వేరే దర్శకులకి దొరకకపోవచ్చనే మాట వినిపిస్తోంది.

కల్కి మూవీతో బిగ్గెస్ట్ బ్లాక్ బస్టర్ అందుకున్న ప్రభాస్ నెక్స్ట్ ది రాజాసాబ్ సినిమాపై ఫోకస్ చేశారు. 2025 ఏప్రిల్ 10న ఈ చిత్రం థియేటర్స్ లోకి రాబోతోంది. హను రాఘవపూడి దర్శకత్వంలో చిత్రాన్ని ఆగష్టు 17న లాంచ్ చేస్తారని టాక్ వినిపిస్తోంది. అలాగే ఆగస్ట్ నెల ఆఖరు నుంచి రెగ్యులర్ షూటింగ్ ఉండొచ్చంట. మరో వైపు యానిమల్ తో సూపర్ సక్సెస్ అందుకున్న సందీప్ రెడ్డి వంగా స్పిరిట్ మూవీ స్క్రిప్ట్ కంప్లీట్ చేసే పనిలో ఉన్నారు.

హైవోల్టేజ్ యాక్షన్ బ్యాక్ డ్రాప్ కథతోనే ఈ సినిమా ఉండబోతుందంట. ఈ ఏడాది ఆఖరులో మూవీ షూటింగ్ స్టార్ట్ చేసే ఛాన్స్ ఉందని టాక్ వినిపిస్తోంది. ఈ సినిమాలో హీరోతో పాటు విలన్ పాత్రలో కూడా ప్రభాస్ కనిపించబోతున్నారంట. ఈ రెండు పాత్రలు చాలా బలంగా డిఫరెంట్ క్యారెక్టరైజేషన్స్ తో ఉంటాయంట. ఒక రోల్ లో ప్రభాస్ పవర్ ఫుల్ పోలీస్ గా కనిపిస్తాడంట. ఇక ఈ సినిమా హీరోయిన్ పాత్ర కోసం ఇంటరెస్టింగ్ పేరు తెరపైకి వచ్చింది.

సీనియర్ హీరోయిన్ త్రిషతో మేకర్స్ సంప్రదింపులు జరుపుతున్నారంట. ఆమె క్యారెక్టర్ ఈ చిత్రంలో చాలా బలంగా ఉంటుందని టాక్. అందుకోసమే త్రిష అయితే బెస్ట్ అని సందీప్ రెడ్డి భావిస్తున్నారని తెలుస్తోంది. మేగ్జిమమ్ త్రిష ఫైనల్ అయ్యే ఛాన్స్ ఉందనే మాట వినిపిస్తోంది. తెలుగులో డార్లింగ్ ప్రభాస్ కి జోడీగా వర్షం సినిమాలో త్రిష నటించింది. ఆమెకి టాలీవుడ్ లో వర్షం రెండో సినిమా. వర్షం మూవీ ఎంత పెద్ద హిట్ అయ్యిందో అందరికి తెలిసిందే.

ఆ సినిమానే త్రిషకి స్టార్ హీరోయిన్ గా గుర్తింపు తీసుకొచ్చింది. తరువాత ప్రభాస్, త్రిష పౌర్ణమి సినిమాలో జతకట్టారు. ఈ సినిమా కమర్షియల్ గా ఫెయిల్ అయిన డార్లింగ్ ప్రభాస్ బెస్ట్ మూవీస్ లలో ఒకటిగా నిలిచిపోయింది. తరువాత 2008లో బుజ్జిగాడు సినిమాలో మూడో సారి ప్రభాస్ త్రిష కలిసి నటించారు. 16 ఏళ్ళ తర్వాత మరల స్పిరిట్ సినిమాలో ప్రభాస్, త్రిష జంటగా నటించబోతున్నారనే మాట వినిపిస్తోంది. అదే నిజమైతే స్పిరిట్ సినిమాకి మరింత హైప్ వచ్చే ఛాన్స్ ఉంటుందని సినీ విశ్లేషకులు అంటున్నారు. కోలీవుడ్ లో కూడా స్పిరిట్ సినిమాకి మంచి బజ్ లభిస్తుందని భావిస్తున్నారు.