ఓజీలో త్రివిక్రమ్ ఇన్వాల్వ్ మెంట్ ఉందా?

ఈ మధ్యకాలం లో పవన్ కళ్యాణ్ చేసే సినిమాలు అన్ని కూడా త్రివిక్రమ్ శ్రీనివాస్ సెట్ చేస్తున్నావే కావడం విశేషం. ఆయన కథలు విని ఒకే చేస్తే పవన్ కళ్యాణ్ వాటి ని ఏం ఆలోచించకుండా చేసేస్తున్నారు. త్రివిక్రమ్ విజన్ మీద అంతగా పవన్ కళ్యాణ్ నమ్మకంతో ఉన్నారు. అలాగే పవన్ కళ్యాణ్ కి కథల ని ఎంపిక చేయడంలో మాటల మాంత్రికుడు త్రివిక్రమ్ శ్రీనివాస్ కూడా ప్రత్యేక శ్రద్ధ పెడుతున్నారు.

అయితే ఎక్కువ రీమేక్ కథల ని పవన్ కళ్యాణ్ తో త్రివిక్రమ్ చేయిస్తున్నారనే విమర్శలు ఎక్కువగా వినిపిస్తున్నాయి. పవన్ కళ్యాణ్ ఇమేజ్ ని త్రివిక్రమ్ డిస్టర్బ్ చేస్తున్నాడని అనేవారు ఉన్నారు. అయితే పవన్ కళ్యాణ్ కి మాత్రం త్రివిక్రమ్ విషయంలో ఎలాంటి డౌట్స్ లేవు. రీమేక్ కథ చేసిన కూడా దాని పై త్రివిక్రమ్ వర్క్ చేసి స్క్రీన్ ప్లే, డైలాగ్స్ అన్ని కూడా పవన్ ఇమేజ్ ని దృష్టిలో ఉంచుకొని రాస్తున్నారు.

ఈ కారణంగానే మూవీస్ కూడా సక్సెస్ అందుకుంటున్నాయి. వకీల్ సాబ్, భీమ్లా నాయక్ , బ్రో మూవీస్ కూడా పవన్ ఖాతాలో హ్యాట్రిక్ హిట్స్ గానే నిలిచాయి. వంద కోట్లకి పైగా కలెక్షన్స్ సాధించిన చిత్రాలుగానే ఉన్నాయి. ఇప్పుడు సుజిత్ దర్శకత్వంలో ఓజీ సినిమా ని పాన్ ఇండియా స్థాయి లో చేస్తున్నారు. అయితే ఓజీ సినిమా లో కూడా త్రివిక్రమ్ ఇన్వాల్వ్ మెంట్ ఉందా అనే భయం ఇప్పుడు ఫ్యాన్స్ లో మొదలైంది.

అయితే ఓజీ సినిమా బౌండెడ్ స్క్రిప్ట్ ని సిద్ధం చేసుకొని సుజిత్ వచ్చి ఒప్పించడం జరిగిందంట. క్రియేటివ్ సైడ్ కొన్ని సలహాలు, సూచనలు ఇచ్చి ఉంటారు తప్ప అంతకు మించి ఇన్వాల్వ్ మెంట్ లేదని టాక్ వినిపిస్తుంది. అయితే మ్యూజిక్ డైరెక్టర్ వరకు తమన్ ని ఓజీ చిత్రానికి త్రివిక్రమ్ శ్రీనివాస్ రిఫర్ చేయడం జరిగిందని అర్ధమవుతోంది.

మరి త్రివిక్రమ్ స్టైల్ లోనే పవన్ కళ్యాణ్ చివరి మూడు సినిమాలు తెరకెకెక్కాయి. కంటెంట్ రీమేక్ తీసుకొని, ట్రీట్మెంట్, డైలాగ్స్ అన్ని కూడా త్రివిక్రమ్ కలం నుంచి వచ్చినవే. అయితే ఇక్కడ అతని కలం లో బలం తగ్గిందని, డైలాగ్స్ ఒకప్పటిలా షార్ప్ గా ఉండటం లేదని, పవన్ మూడు చిత్రాల లో చెప్పుకోదగ్గ డైలాగ్స్ ఏవీ లేవనే అభిప్రాయం కామన్ ఆడియన్స్ వ్యక్తం చేస్తున్నారు.