గురూజీ ముహూర్తం పెట్టేస్తున్నారా..?

గుంటూరు కారం తర్వాత త్రివిక్రం శ్రీనివాస్ నెక్స్ట్ చేయబోయే సినిమా అల్లు అర్జున్ తోనే అన్న క్లారిటీ దాదాపు వచ్చేసినట్టే. పుష్ప 2 తర్వాత అల్లు అర్జున్ అసలైతే అట్లీతో సినిమా చేయాలని అనుకున్నాడు కానీ అది ఎందుకో వరు అవుట్ అవ్వలేదు. ఐతే త్రివిక్రం తో సినిమా ఆల్రెడీ ప్రకటించగా ఆ ప్రాజెక్ట్ నే ఇప్పుడు సెట్స్ మీదకు తీసుకెళ్లబోతున్నారని తెలుస్తుంది. అల్లు అర్జున్ త్రివిక్రం ఇప్పటికే హ్యాట్రిక్ హిట్లు అందుకున్నారు. ఐతే రాబోతున్న ఈ సినిమా నెక్స్ట్ లెవెల్ లో ప్లాన్ చేస్తున్నారని తెలుస్తుంది.

ఈమధ్య తెలుగు సినిమాల్లో పీరియాడికల్ కథలు, ఫిక్షనల్ స్టోరీస్ ఇంకా మైథాలజీ బ్యాక్ డ్రాప్ కథలు ఎక్కువగా వస్తున్నాయి. అల్లు అర్జున్ తో త్రివిక్రం చేసే సినిమా కూడా ఇలాంటి కాన్సెప్ట్ తోనే వస్తుందని టాక్. అందుకే ఈ సినిమా గురించి నిర్మాత బన్నీ వాసు చెబుతూ త్రివిక్రం అల్లు అర్జున్ కాంబోలో వస్తున్న సినిమా కథ కాదు అదొక కాన్సెప్ట్ అని అంచనాలు పెంచేశారు. ఐతే ఈ సినిమాకు గురూజీ ముహూర్తం లాక్ చేసినట్టు తెలుస్తుంది.

తెలుస్తున్న సమాచారం మేరకు 2025 సంక్రాంతికి త్రివిక్రం అల్లు అర్జున్ సినిమా ముహూర్తం పెట్టబోతున్నారట. అప్పటిలోగా సినిమాకు సంబంధించిన ప్రీ ప్రొడక్షన్ వర్క్ పూర్తి చేసేలా ప్లాన్ చేస్తున్నారట. త్రివిక్రం నుంచి రాబోతున్న మొదటి పాన్ ఇండియా సినిమా ఇది కావడంతో ఈ ప్రాజెక్ట్ మీద భారీ అంచనాలు ఏర్పడ్డాయి. త్రివిక్రం తో అల్లు అర్జున్ సినిమా పై అల్లు ఫ్యాన్స్ కూడా సూపర్ ఎగ్జైటెడ్ గా ఉన్నారు.

ఇంతకీ ఈ సినిమా కాన్సెప్ట్ ఏంటి. కల్కి తరహాలో గురూజీ కూడా మరో అద్భుత ప్రపంచాన్ని సృష్టించబోతున్నాడా.. సినిమాలో అల్లు అర్జున్ ఎలా కనిపిస్తాడు ఈ విషయాలన్ని క్లారిటీ రావాలంటే సినిమా గురించి మేకర్స్ అప్డేట్ ఇవ్వాల్సిందే. అల్లు అర్జున్ మాత్రం పుష్ప 2 తర్వాత కూడా ఏమాత్రం తగ్గకుండా వరుస పాన్ ఇండియా సినిమాలు చేయాలని ఫిక్స్ అయ్యాడు. అందుకు తగినట్టుగానే సినిమాల లైనప్ చేసుకుంటున్నాడు. అల్లు అర్జున్ త్రివిక్రం సినిమా కూడా రెండు భాగాలు ప్లానింగ్ ఉంటుందని టాక్. త్రివిక్రం తర్వాత బన్నీ సందీప్ రెడ్డి తో సినిమా ప్లానింగ్ లో ఉన్నాడు. ప్రభాస్ తో స్పిరిట్ తర్వాత సందీప్ వంగ రెడ్డి అల్లు అర్జున్ తోనే సినిమా చేసే ఆలోచనలో ఉన్నాడు. ఈ కాంబో సినిమా కూడా అదిరిపోతుందని చెప్పొచ్చు.