300 కోట్ల బడ్జెట్.. రెండు భాగాలుగా మూవీ.. గురూజీ మాస్టర్ ప్లాన్..!

పుష్ప 2 తర్వాత అల్లు అర్జున్ ని డైరెక్ట్ చేయాలని చాలామంది దర్శకులు ఉత్సాహ పడుతున్నారు. అయితే అల్లు అర్జున్ మాత్రం పుష్ప 2 తర్వాత తన నెక్స్ట్ సినిమా త్రివిక్రమ్ డైరెక్షన్ లో ఫిక్స్ చేసుకున్నాడు. అఫీషియల్ గా కూడా సినిమా అనౌన్స్ మెంట్ వచ్చింది. త్రివిక్రమ్ తో పాటుగా సందీప్ వంగా కూడా బన్నీతో సినిమా ప్రకటించాడు. పుష్ప 2 పూర్తి చేసేలోగా త్రివిక్రమ్ గుంటూరు కారం ఫినిష్ చేస్తాడు. ఇద్దరు కలిసి మరో సరికొత్త సంచలనానికి సిద్ధం అవుతున్నారు.

అల్లు అర్జున్ తో జులాయి, సన్నాఫ్ సత్యమూర్తి, అల వైకుంఠపురములో సినిమాలు చేసిన త్రివిక్రమ్ మూడు సినిమాలు హిట్లు అందుకున్నాడు. అల వైకుంఠపురములో అయితే నాన్ బాహుబలి రికార్డులను కొల్లగొట్టింది. ఈసారి డబుల్ హ్యాట్రిక్ కోసం ఇద్దరు జత కడుతున్నారు. అల్లు అర్జున్ తో త్రివిక్రం కాంబో మూవీ ఈసారి భారీ స్థాయిలో ఉండబోతుందని తెలుస్తుంది. సినిమా బడ్జెట్ దగ్గర నుంచి కాస్టింగ్ విషయంలో కూడా చాలా జాగ్రత్త వహిస్తున్నారట.

తెలుస్తున్న సమాచారం ప్రకారం అల్లు అర్జున్ కోసం త్రివిక్రమ్ 300 కోట్ల బడ్జెట్ కేటాయిస్తున్నాడని తెలుస్తుంది. హారిక హాసిని గీతా ఆర్ట్స్ కలిసి ఈ సినిమా నిర్మిస్తారని తెలుస్తుంది. అంతేకాదు ఈ సినిమా రెండు భాగాలుగా తీయాలనే ప్లానింగ్ లో ఉన్నారట. త్రివిక్రమ్ అల్లు అర్జున్ ఇద్దరి కలయిక ఎప్పుడు ఆడియన్స్ ని సర్ ప్రైజ్ చేస్తుంది. ఈసారి వారిద్దరు కలిసి భారీ స్థాయిలో సినిమా చేయాలని ఫిక్స్ అయ్యారు.

ఇప్పటికే కథ లాక్ కాగా దాన్ని రెండు భాగాలుగా ఎలా తీయాలన్న డిస్కషన్స్ నడుస్తున్నాయట. గుంటూరు కారం జనవరి లో రిలీజ్ చేసి అల్లు అర్జున్ సినిమా మీదే తన పూర్తి ఫోకస్ పెట్టే ఆలోచనలో ఉన్నాడట త్రివిక్రమ్. పుష్ప తర్వాత వచ్చే సినిమా కూడా రెండు భాగాలుగా అది కూడా కొత్త కాన్సెప్ట్ తో చేస్తే అల్లు అర్జున్ క్రేజ్ మరింత పెరుగుతుందని చెప్పొచ్చు.

పుష్ప 2 తర్వాత అల్లు అర్జున్ సినిమాల ప్లానింగ్ నెక్స్ట్ లెవెల్ లో ఉంది. ఇక మీదట ప్రతి సినిమా తన హిందీ ఆడియన్స్ కి కూడా చేరువయ్యేలా స్కెచ్ వేస్తున్నాడని తెలుస్తుంది. త్రివిక్రమ్ సినిమాల్లో ఎమోషనల్ కంటెంట్ అధికంగా ఉంటుంది. దానికి తోడుగా కొద్దిగా మాస్ అప్లై చేసి బీ టౌన్ ఆడియన్స్ ని ఫిదా చేయాలని చూస్తున్నారు. త్రివిక్రమ్ అల్లు అర్జున్ ఎలాంటి కథతో సినిమా చేస్తారన్నది త్వరలో తెలుస్తుంది.