బిగ్ బాస్ 8 : ఆ ఇద్దరిలో ఒకరు ఎలిమినేషన్..?

బిగ్ బాస్ సీజన్ 8 లో ఈ వారం నామినేషన్స్ లో ఐదుగురు కంటెస్టెంట్స్ మాత్రమే ఉన్నారు. అందులో యష్మి, తేజ, నయని పావని, గౌతం, హరితేజ ఉన్నారు. వారిలో హౌస్ నుంచి ఈ వారం ఎలిమినేట్ అవుతారన్నది ఆసక్తికరంగా మారింది. ఐతే బిగ్ బాస్ సీజన్ 8 లో ఈ వారం నామినేషన్స్ లో ఉన్న వారిలో లీస్ట్ ఓటింగ్ తో ఇద్దరు కంటెస్టెంట్స్ డేంజర్ జోన్ లో ఉన్నట్టు తెలుస్తుంది. ఓటింగ్ లో టాప్ లో యష్మి దూసుకెళ్తుంది. నిఖిల్, ప్రేరణతో పాటు మిగతా ఎవరు ఓటింగ్ లో లేకపోవడం వల్ల ఓజీ క్లాన్ సపోర్టర్స్ అంతా కూడా యష్మికి సపోర్ట్ చేస్తూ ఓటింగ్స్ వేస్తున్నారు.

ఐతే ఆ తర్వాత తేజకి కూడా భారీగా ఓటింగ్ పడుతున్నట్టు తెలుస్తుంది. వీరితో పాటు గౌతం కి కూడా ఓటింగ్ పర్సెంటేజ్ బాగానే ఉన్నట్టు తెలుస్తుంది. నామినేషన్స్ లో ఉన్న ఐదుగురిలో ముగ్గురు దాదాపు సేఫ్ అన్నట్టే తెలుస్తుండగా ఇద్దరు మాత్రం డేంజర్ జోన్ లో ఉన్నారు. ఆ ఇద్దరు నయని పావని, హరితేజ. ఈ ఇద్దరిలో ఎవరో ఒకరు ఎలిమినేట్ అవుతారని తెలుస్తుంది. హరితేజ, నయని పావని హౌస్ లో ఇద్దరి ఆట ఒకే విధంగా ఉంది.

బిగ్ బాస్ సీజన్ 1 లో తన ఆట తీరుతో ఆకట్టుకున్న హరితేజ మళ్లీ అదే దూకుడు చూపిస్తుందని అనుకుంటే ఆమె కాస్త నిరాశపరుస్తుంది. టాస్కుల్లో ఆశించిన పర్ఫార్మెన్స్ లేదు. ఇక ఇది చాలదు అన్నట్టు ఇతర కంటెస్టెంట్స్ మీద ఆమె వెనక మాట్లాడుతున్న విధానం ఆడియన్స్ కు నచ్చట్లేదు. అందుకే హరితేజకు ఆడియన్స్ అంతగా కనెక్ట్ అవ్వట్లేదు.

ఇక మరోపక్క నయని పావని ని చూస్తే ఆమె టాస్క్ లో సత్తా చాటాలని ఎంత ప్రయత్నించినా కూడా అది కుదరట్లేదు. ఈలోగా ఎవరైనా తనను హర్ట్ చేస్తే చాలు బోరున ఏడ్చేసి పెద్ద సీన్ చేస్తుంది. ఆమె కావాలని చేస్తుందా లేదా అన్నది పక్కన పెడితే ఈమె వల్ల హౌస్ అట్మాస్పియర్ డిస్ట్రబ్ అవుతుంది. అందుకే నయని పావని కి కూడా ఆడియన్స్ అంతగా కనెక్ట్ అవ్వలేదు.

హరితేజ, నయని పావని ఈ ఇద్దరిలో ఎవరు ఎలిమినేట్ అవుతారన్నది మాత్రం చెప్పడం కష్టం. లాస్ట్ మినిట్ వరకు ఈ ఇద్దరి మధ్యే ఎలిమినేషన్ ఫైట్ ఉంటుంది. మరి ఈ ఇద్దరిలో ఆడియన్స్ ఎవరిని సేఫ్ చేస్తారు ఎవరిని ఎలిమినేట్ చేస్తారన్నది చూడాలి. బిగ్ బాస్ సీజన్ 7 లో వైల్డ్ కార్డ్ గా వచ్చి వారానికే ఎలిమినేట్ అయిన నయని పావని ఈ సీజన్ లో అయినా చివరి వరకు ఉంటుందని భావించినా అది కష్టమే అన్నట్టు తెలుస్తుంది.