UI టీజర్ టాక్: అంతా చీక‌టి..ఒణుకు పుట్టించాడు!
ఈ నేప‌థ్యంలో తాజాగా దాదాపు ఏడేళ్లు గ్యాప్‌ తీసుకొని 'UI' సినిమాతో మళ్లీ మెగాఫోన్ పట్టిన సంగ‌తి తెలిసిందే. ఈ చిత్రాన్ని ఎంతో ప్ర‌తిష్టాత్మ‌కంగా భావించి ఉప్పీ ప్రేక్ష‌కుల ముందుకు తీసుకురాబో తున్నారు.
By: Tupaki Desk | 18 Sep 2023 2:49 PM GMT
యాక్ట‌ర్ కమ్ డైరెక్ట‌ర్ ఉపేంద్ర ప్ర‌తిభ గురించి చెప్పాల్సిన ప‌నిలేదు. ఎంత గొప్ప న‌టుడో అంత‌కు మించి గొప్ప దర్శ‌కుడు. రెండు శాఖ‌ల్లోనూ త‌న‌దైన ముద్ర వేసారు. క‌న్న‌డ న‌టుడైనా తెలుగులో అసాధ‌ర‌ణ‌మైన ఫాలోయింగ్ ఉన్న వారు. 'ఉపేంద్ర' సినిమాలంటే తెలుగులోనూ ఓ బ్రాండ్ గా భావిస్తుంటారు. అయితే గతకొంత కాలంగా ఉపేంద్ర దర్శకత్వానికి దూరంగా ఉంటున్నారు. ఆదే సమమంలో నటుడిగా బిజీ బిజీగా ఉన్నారు. కానీ ఆయ‌న న‌టించిన సినిమాలు మాత్రం తెలుగులో అనువాదం అవ్వ‌డం బాగా గ‌తంతో పొల్చితే బాగా త‌గ్గింది.
ఈ నేప‌థ్యంలో తాజాగా దాదాపు ఏడేళ్లు గ్యాప్‌ తీసుకొని 'UI' సినిమాతో మళ్లీ మెగాఫోన్ పట్టిన సంగ‌తి తెలిసిందే. ఈ చిత్రాన్ని ఎంతో ప్ర‌తిష్టాత్మ‌కంగా భావించి ఉప్పీ ప్రేక్ష‌కుల ముందుకు తీసుకురాబో తున్నారు.ప్రస్తుతం సినిమా షూటింగ్‌ జరుపుకుంటుంది. ఇప్ప‌టికే రిలీజైన గ్లింప్స్ సినిమాపై భారీ అంచనాలు పెంచేసింది. గ్లింప్స్ ఆద్యంతం ఆక‌ట్టుకుంది. తాజాగా మేకర్స్ వినాయ‌క చ‌వితి పుర‌స్క‌రిం చుకుని టీజర్ బెంగళూరులోని ఊర్వశి థియేటర్‌లో టీజర్‌ను రిలీజ్ చేసారు.
టీజర్ ఆద్యంతం ఒణుకు పుట్టిస్తుంది. చీక‌టి..అంతా చీక‌టి అంటూ మొద‌లైన టీజర్ లో కేవ‌లం శ‌బ్దాలు మాత్ర‌మే వినిపించాయి. అస‌లు ఇది ఎలాంటి చోటు. నీళ్ల శ‌బ్ధం విన‌బ‌డుతోంది. బ్యాక్ గ్రౌండ్ లో గుర్రం ప‌రుగులు...గాండ్రిపులు. ఆరుపులు..కేక‌లు.. ఈ చీక‌టి నుంచి త‌ప్పించుకోవ‌డం ఎలా? వెలుతురు ప‌డ్డా అలికిడి విన్న‌ట్లే యాక్ట్ చేస్తారు. ఇక్క‌డ నుంచి ఎస్కేప్ అవ్వ‌డం ఎలా? కామ్ గా ఆలోచించు.. కాన్సంట్రే ట్. మళ్లీ అరుపులు..కేక‌లు. ఇది ఏఐ వరల్డ్ కాదు. ఇది యూఐ వరల్డ్. దీని నుంచి త‌ప్పించుకోవాలంటే మీ తెలివి తేట‌లు వాడండి. ఇదంతా కేవ‌లం బ్యాక్ గ్రౌండ్ లో వాయిస్ ఓవ‌ర్ మాత్ర‌మే. టీజర్ లో అంతా చీక‌టే. వినూత్న‌మైన ప్ర‌య‌త్నం బాగుంది. ఆ చీక‌టి వెనుక ఏం జ‌రుగుతోంది? అన్న ఎగ్జైట్ మెంట చీక‌టి టీజర్ తీసుకొస్తుంది.
ఈ సినిమాలో ఉపేంద్రకు జోడీగా రీష్మా నానయ్య నటిస్తుంది. మనోహరన్- శ్రీకాంత్‌ కేపి సంయుక్తంగా నిర్మిస్తున‌నారు. 'కాంతర' ఫేమ్‌ అజనీష్ లోకనాథ్ సంగీతం సమకూర్చుతున్నారు. ఆ మధ్య ఈ సినిమా గురించి ఉప్పీ పలు ఆసక్తికర వ్యాఖ్యలు చేసారు. చాలా కాలం తర్వాత దర్శకత్వం వహిస్తున్న సినిమా ఊహ‌కంద‌ద‌ని..ఆ సినిమాలో తన టేస్ట్‌ స్క్రీన్‌ప్లే.. డైరెక్షన్ చూస్తారని అన్నారు. అంతేకాదు ఆ సినిమా గనుక మీకు అర్ధమైతే మీరు సూపర్‌స్టార్‌ అవుతారు అంటూ బోల్డ్‌ స్టేట్‌మెంట్ ఇచ్చారు.
