అన్‌స్టాప‌బుల్‌: కిస్సిక్ జాతిర‌త్నం మ‌స్త్ మ‌జాక్!

ఒకే ఫ్రేమ్‌లో సీనియ‌ర్ న‌టుడు కం హోస్ట్ ఎన్బీకేతో జాతిర‌త్నం న‌వీన్ పోలిశెట్టి.. `కిస్సిక్` డ్యాన్సింగ్ క్వీన్ శ్రీ‌లీల సందడి చేస్తూ క‌నిపిస్తే మ‌జాక్ మ‌స్త్ గ వ‌ర్కవుట‌వ్వ‌కుండా ఉంటుందా? ఇదిగో ఇక్క‌డ అలాంటి ఉల్లాస‌క‌ర‌మైన స‌న్నివేశం వీక్ష‌కుల‌ను రంజింప‌జేసింది. ఈ చోట అంటే అన్ స్టాప‌బుల్ సెట్స్ లో నవీన్ పోలిశెట్టి బాలకృష్ణ - శ్రీ లీలలతో జాతి రత్నాలు నుండి ఎంతో స‌ర‌దాగా సాగే ఉల్లాసకరమైన సన్నివేశాన్ని పునఃసృష్టించారు. దీనికి సంబంధించిన ఫోటో సోషల్ మీడియాల్లో సంద‌డి చేస్తోంది.

అది బ‌హుమతిని ఇచ్చే సీన్... ఒక‌టే న‌వ్వులు.. తుళ్లింత‌.. గిలిగింత‌.. బాలకృష్ణుడు శ్రీలీలకు గిఫ్ట్ హ్యాంపర్‌ని అందజేసినప్పుడు ఆ స‌ర‌దా స‌ర‌దా స‌న్నివేశం రీక్రియేట్ ఆక‌ట్టుకుంది. అంద‌రినీ న‌వ్వించింది. ఆ క్ష‌ణం అన్నిటినీ మ‌ర్చిపోయి హాయిగా జీవించ‌డం ఎలానో నేర్పే ప్ర‌య‌త్న‌మే ఇది. న‌వీన్ చాలా కాలం త‌ర్వాత ఇలా బుల్లితెర‌పై మ‌రోసారి త‌న‌దైన హాస్యంతో అభిమానుల‌ను ప‌ల‌క‌రిస్తున్నాడు.

ఒక హాస్య న‌టుడు లేదా న‌టుడు అంటే కేవ‌లం తెర కోసం స‌న్నివేశంలో న‌టించేప్పుడే కాదు.. సంద‌ర్భం ఏదైనా స్పాంటేనియ‌స్ గా న‌వ్వించ‌డంలోనే ప‌నిత‌నం బ‌య‌ట‌ప‌డుతుంది. అలాంటి ప‌నిమంతుడే న‌వీన్ పోలిశెట్టి. అందుకే అన్ స్టాప‌బుల్ ఎపిసోడ్ ఎంతో ఉల్లాసంగా ఉంటుంద‌ని భ‌రోసా ల‌భించింది. అత‌డిలోని అన్ స్టాప‌బుల్ కామెడీ టైమింగ్ ఇక్క‌డ ప్ల‌స్ కానుంది. ఈ ఎపిసోడ్ సూప‌ర్ బ్లాస్ట్ గా మారుతుంద‌నడంలో సందేహం లేదు. ఇక అంత‌టి కామెడీ స్టార్ కి శ్రీ‌లీల లాంటి డ్యాన్సింగ్ క్వీన్ యాడైతే వేదిక మ‌రింత ర‌స‌ప‌ట్టుగా మారుతుంద‌న‌డంలో సందేహం లేదు. అన్ స్టాప‌బుల్ వేదిక‌పై కిస్సిక్ మ‌నిపిస్తుంది శ్రీలీల‌. పుష్ప 2లో కిస్సిక్ సాంగ్ లో త‌న అద్భుత న‌ర్త‌న‌ల‌తో హీటెక్కించే ముందే శ్రీ‌లీల ఇలా బుల్లితెర ఆడియెన్ కి స్పెష‌ల్ ట్రీటివ్వ‌బోతోంది. ఈ ఎపిసోడ్ కోసం అందాకా ఆగి చూద్దామా!