బాలయ్య షోకి వస్తే లక్ డబుల్ అయినట్టే..!

నందమూరి బాలకృష్ణ ఓ పక్క సినిమాలతో ఎంత బిజీగా ఉన్నా కూడా ఆహా కోసం అన్ స్టాపబుల్ షో హోస్ట్ చేస్తున్నాడు. ఇప్పటికే 3 సక్సెస్ ఫుల్ సీజన్లు పూర్తి చేసుకున్న ఈ షో లేటెస్ట్ గా నాలుగో సీజన్ ని మొదలు పెట్టారు. సినిమాలతోనే కాదు ఆహా అన్ స్టాపబుల్ షోతో కూడా తెలుగు ప్రేక్షకులను సూపర్ ఎంటర్టైన్మెంట్ అందిస్తుంది. అన్ స్టాపబుల్ సీజన్ 4 లో మొదటి ఎపిసోడ్ గా ఏపీ సీఎం చంద్రబాబు నాయుడు అటెండ్ అయ్యారు. ఇక ఇప్పుడు సెకండ్ ఎపిసోడ్ కి ఎవరు వస్తారా అని ఆడియన్స్ అంతా ఉత్సాహంగా ఉన్నారు.

ఐతే తెలుస్తున్న సమాచారం ప్రకారం అన్ స్టాపబుల్ సీజన్ 4 లో దుల్కర్ సల్మాన్, మీనాక్షి చౌదరి పాల్గొన్నట్టు తెలుస్తుంది. లక్కీ భాస్కర్ సినిమా ప్రమోషన్స్ లో భాగంగా అన్ స్టాపబుల్ షోకి వచ్చినట్టు తెలుస్తుంది. దీనికి సంబంధించిన షూటింగ్ కూడా పూర్తైనట్టు తెలుస్తుంది. ఈమధ్య అన్ స్టాపబుల్ షో సినిమా ప్రమోషన్స్ కి మంచి వేదికగా మారింది. బాలకృష్ణ తన మార్క్ హోస్టింగ్ తో ఇంప్రెస్ చేస్తుండగా ఫ్యాన్స్ తో పాటు ఆడియన్స్ కు అన్ స్టాపబుల్ సూపర్ జోష్ అందిస్తుంది.

ఓటీటీలో వస్తున్న టాక్ షో అన్నిటిలో అన్ స్టాపబుల్ రికార్డ్ వ్యూస్ తో సంచలనం సృష్టిస్తుంది. అన్ స్టాపబుల్ సీజన్ 4 ప్రత్యేకంగా సినిమాల ప్రమోషన్స్ తో అదరగొట్టేస్తుంది. దుల్కర్ సల్మాన్ లక్కీ భాస్కర్ టీం తో కలిసి నెక్స్ట్ ఎపిసోడ్ సూపర్ ఎంటర్టైనింగ్ గా ఉండబోతుందని అర్థమవుతుంది. దీపావళి కానుకగా ఆదివారం నాటి బిగ్ బాస్ ఎపిసోడ్ లో ఆల్రెడీ లక్కీ భాస్కర్ టీం అటెండ్ అవ్వగా ఇప్పుడు అన్ స్టాపబుల్ షో లో కూడా సందడి చేయనున్నారు.

వెంకీ అట్లూరి డైరెక్ట్ చేసిన లక్కీ భాస్కర్ సినిమాలో దుల్కర్ సల్మాన్ కి జోడీగా మీనాక్షి చౌదరి నటించింది. ఈ సినిమాను దీపావళి కానుకగా అక్టోబర్ 31న రిలీజ్ అవుతుంది. ఈ సినిమా రిలీజ్ కు ముందే అన్ స్టాపబుల్ షో టెలికాస్ట్ అయ్యే ఛాన్స్ ఉంటుంది. ఇంతకుముందే అన్ స్టాపబుల్ షోకి సూర్య కంగువ ప్రమోషన్స్ కి వచ్చినట్టు తెలుస్తుంది.

కంగువ సూర్యతో అన్ స్టాపబుల్ షో పూర్తైనా ముందు దుల్కర్ సల్మాన్ ఎపిసోడ్ ది స్ట్రీమింగ్ చేయనున్నారు. మొత్తానికి బాలయ్య చేస్తున్న అన్ స్టాపబుల్ షో ద్వారా కొత్త సినిమాల ప్రచారం కొత్తగా ఉంది.