ఇంట్రెస్టింగ్: ఉపేంద్ర బుద్ధిమంతుడు

న‌ట‌న ప‌రంగా ఉపేంద్ర చేసిన‌న్ని ప్ర‌యోగాలు ఇంకెవ‌రూ చేయ‌రేమో! సామాజిక ఇతివృత్తాలతో ఘాడ‌మైన స‌న్నివేశాల‌తో ప్ర‌యోగాలు చేయ‌డంలో ఉపేంద్ర‌కు రికార్డ్ లు వేరు. అత‌డు ఎంచుకునే క‌థాంశం స‌హా ప్ర‌తిదీ విస్మ‌యం క‌లిగించేవే. ఉపేంద్ర‌- ఓం- 'ఎ' ఫిలిం బై ఉపేద్ర‌-ఉప్పీ 2- సూప‌ర్- ష్.. ఇవ‌న్నీ అతడి నుంచి వ‌చ్చిన ప్ర‌యోగాత్మ‌క చిత్రాలు. సూప‌ర్ సినిమాతో అడ్వాన్స్ డ్ థింక‌ర్ గా దేశంలో తొలి సైన్స్ ఫిక్ష‌న్ ప్ర‌యోగం చేసిన మేధావి కూడా ఉపేంద్ర‌నే. అత‌డు నటించిన బ్లాక్ బ‌స్ట‌ర్ మూవీ 'బుద్ధివంత' (క‌న్న‌డం) చిత్రానికి ఇప్పుడు సీక్వెల్ తెర‌కెక్కుతోంది.

2008 చిత్రానికి సీక్వెల్ 'బుద్ధివంత-2' సెప్టెంబర్ 15న అంటే ఉపేంద్ర‌ పుట్టినరోజు కు మూడు రోజుల ముందు విడుదల కు సిద్ధంగా ఉంది. కోవిడ్‌కి ముందు ప్రారంభమైన ఈ సినిమా థియేటర్లలోకి రావడానికి కొంత సమయం పట్టింది. గతం లో చిత్ర‌బృందం ఫస్ట్ లుక్ పోస్టర్‌ను విడుదల చేసినప్పుడు.. అభిమానులు హాలీవుడ్ చిత్రం 'మ్యాడ్ మాక్స్‌'తో పోల్చారు. అయితే ఈ సినిమా కు హాలీవుడ్ సినిమా కు ఎలాంటి సంబంధం లేదని మేకర్స్ హామీ ఇచ్చారు.

ఉపేంద్ర, మేఘనా రాజ్, సోనాల్ మోంటెరియో ప్రధాన పాత్రల్లో నటిస్తున్న ఈ చిత్రం లో ఉపేంద్ర ద్విపాత్రాభినయం చేస్తున్నారు. తమిళ చిత్రం నాన్ అవనిల్లైకి రీమేక్ అయిన మొదటి ఫ్రాంచైజీలో ఉపేంద్ర 8 విభిన్న అవతారాల లో తెర‌ పై క‌నిపించారు. ఈ సీక్వెల్‌లో శ్రీనగర్ కిట్టి నెగిటివ్ రోల్‌లో నటిస్తున్నారు. నాన్ అవనిల్లై -2 సీక్వెల్ కూడా ఉపేంద్ర స్టైల్‌తో అత్యుత్త‌మ‌ రీమేక్ అవుతుందా? అనేది వేచి చూడాలి. బుద్ధివంత 2లో ఉపేంద్ర వైవిధ్య‌మైన పాత్ర‌ల్లో న‌టిస్తున్నార‌ని ఇటీవ‌ల‌ రివీలైన పోస్ట‌ర్ వెల్ల‌డిస్తోంది.