OG: మరో ప్లాన్ రెడీ.. టీజర్ అప్పుడే!

అసలైతే పవన్ కళ్యాణ్ అనుకున్న ప్లాన్ ప్రకారం ఈపాటికి హరిహర వీరమల్లు సినిమా ప్రేక్షకుల ముందుకు రావాల్సింది. అంతేకాకుండా హరీష్ శంకర్ దర్శకత్వంలో అనుకున్న ప్రాజెక్టు కూడా ఈపాటికే షూటింగ్ కూడా పూర్తి చేసుకోవాల్సింది. కానీ అనుకున్న ప్రాజెక్టులు పక్కకు జరిగిపోవడం ఆశ్చర్యాన్ని కలిగించింది. అసలు బ్రో సినిమా కు పవన్ కళ్యాణ్ ఎక్కువ రోజులు కష్టపడలేదు. కేవలం మూడు వారాలపాటు ఆ సినిమా షూటింగ్లో పాల్గొని చకచకా పూర్తి చేశాడు.

ఫిబ్రవరి లో మొదలుపెట్టిన ఆ సినిమా జూలై నెల లో ప్రేక్షకుల ముందుకు వచ్చేసింది. అయితే అది రీమేక్ కాబట్టి చాలా తొందరగానే అయిపోయింది. ఇక మిగతా సినిమాల విషయం మాత్రం వేరే తరహా లో ఉంది. ఇక అందులో ముఖ్యంగా సుజీత్ దర్శకత్వంలో తెరపైకి రాబోతున్న ఓజి సినిమా కూడా ఇప్పుడు ఇండస్ట్రీలో హాట్ టాపిక్ గా మారుతుంది.

ఎందుకంటే ఈ సినిమా షూటింగ్ కూడా శరవేగంగా పూర్తి చేస్తున్నట్లుగా తెలుస్తోంది. దర్శకుడు సుజిత్ పక్క ప్రణాళికతోనే పవన్ కళ్యాణ్ టైమింగ్ కు తగ్గట్టుగానే ఈ సినిమా షూటింగ్లో స్పీడ్ అయితే పెంచుతున్నాడు. OG సినిమా భారీ బడ్జెట్ తో తెరపైకి రాబోతోంది. అంతేకాకుండా భారీ లొకేషన్స్ లో వివిధ ప్రాంతాల్లో సినిమా షూటింగ్ చేయాల్సి ఉంటుంది. అయితే సినిమా కు సంబంధించిన షూటింగ్ ఇప్పటివరకు 60 శాతానికి పైగా పూర్తయింది.

ఇక మరొక కీలకమైన షెడ్యూల్ను ఆగస్టు నెల లో మొదలుపెట్టబోతున్నారు. అయితే అందులో పవన్ కళ్యాణ్ పాల్గొనాల్సి ఉంటుంది. దాదాపు ఒక పది రోజులపాటు పవన్ కళ్యాణ్ ఆ షెడ్యూల్లో ఉండే అవకాశం ఉంది. ఇక ఆ తర్వాత సమయాన్ని బట్టి మళ్ళీ పవన్ కళ్యాణ్ సన్నివేశాల ను షూట్ చేయబోతున్నారు. ఇక టీజర్ కూడా రెడీ చేసేందుకు సుజిత్ రెడీ అవుతున్నాడు. టీజర్ను సెప్టెంబర్ 2వ తేదీన పవన్ కళ్యాణ్ పుట్టినరోజు సందర్భంగా విడుదల చేయాల ని ఆలోచనతో ఉన్నారు.

అయితే ఆగస్టు లో చేయబోయో షూటింగ్ కు సంబంధించి కొన్ని షాట్స్ టీజర్ కు అవసరం పడనున్నాయి. అందుకే పవన్ కళ్యాణ్ మొదటి వీకెండ్ లోనే మూడు రోజుల పాటు షూటింగ్లో ఉండేలా ప్రణాళిక చేస్తున్నారు. దర్శకుడు సుజిత్ మేకింగ్ విధానానికి పవన్ చాలా అట్రాక్ట్ అయ్యాడు. ఎందుకంటే అతను గ్యాప్ లేకుండా చకచకా ఫినిష్ చేస్తున్నాడు. ఇక ఈ సినిమా ను అనుకున్న ప్లాన్ ప్రకారం డిసెంబర్లో విడుదల చేయాల ని ఆలోచనలు కూడా ఉన్నారు. మరి OG ప్రాజెక్టు అప్పటికి థియేటర్స్ లో ఉంటుందో లేదో చూడాలి.